នាយករដ្ឋមន្ត្រីវៀតណាមលោក ហ្វាម មិញជីញ ធ្វើការសន្ទនាតាមទូរស័ព្ទជាមួយ អគ្គលេខាធិការគណបក្សសកម្មភាពប្រជាជន (PAP) នាយករដ្ឋមន្ត្រីសិង្ហបុរី លោក Lawrence Wong។ (រូបថត៖ VNA)
ក្នុងជំនួបសន្ទនាតាមទូរស័ព្ទ លោកនាយករដ្ឋមន្ត្រី ហ្វាម មិញជីញ បានសម្តែង នូវជំនឿជាក់ថា ជាមួយនឹងបេសកកម្មដែលប្រជាជនសិង្ហបុរីប្រគល់ជូននោះ លោក នាយករដ្ឋមន្ត្រី Lawrence Wong នឹងបន្តដឹកនាំប្រទេសសិង្ហបុរីជំនះពុះពារលើគ្រប់ បញ្ហាប្រឈម បន្តអភិវឌ្ឍន៍ប្រកបដោយស្ថិរភាព និងវិបុលភាព។ ពិភាក្សាអំពីទំនាក់ ទំនងវៀតណាម-សិង្ហបុរី លោកនាយករដ្ឋមន្ត្រី ហ្វាម មិញជីញ បានស្នើឲ្យ ភាគីទាំងពីរ ជំរុញកិច្ចសហប្រតិបត្តិការសេដ្ឋកិច្ច និងពង្រីកការវិនិយោគរបស់សិង្ហបុរីនៅវៀតណាម ជាពិសេសលើវិស័យបច្ចេកវិទ្យាខ្ពស់ ថាមពលកកើតឡើងវិញ ហេដ្ឋារចនាសម្ព័ន្ធ ឆ្លាតវៃ និងការអភិវឌ្ឍទីក្រុងប្រកបដោយនិរន្តរភាព។
រីឯខ្លួនវិញ លោកនាយករដ្ឋមន្រ្តី Lawrence Wong បានថ្លែងអំណរគុណចំពោះ អគ្គលេខាបក្សកុម្មុយនិស្តវៀតណាមលោក តូ ឡឹម ដែលបានផ្ញើសារទូរលេខអបអរ សាទរ។ ថ្នាក់ដឹកនាំទាំងពីរបានឯកភាពលើការបង្កើនការពិគ្រោះយោបល់ និងការ សម្របសម្រួល និងគាំទ្រគ្នាទៅវិញទៅមកនៅវេទិកាតំបន់ និងអន្តរជាតិ ដើម្បីសន្តិ ភាព ស្ថិរភាព និងផលប្រយោជន៍រួមនៃតំបន់ និងពិភពលោក។ នាយករដ្ឋមន្ត្រីទាំងពីរ បានឯកភាព នឹងពិភាក្សាយ៉ាងលម្អិតអំពីកិច្ចសហប្រតិបត្តិការទ្វេភាគី និងបញ្ហាផ្សេងៗ ទៀតក្នុងឱកាសនៃកិច្ចប្រជុំកំពូលសមាគមប្រជាជាតិអាស៊ីអាគ្នេយ៍នៅប្រទេស ម៉ាឡេស៊ីនាពេលខាងមុខ៕
