ថ្លែងមតិនៅទីនេះ ឯកអគ្គរដ្ឋទូតវៀតណាមប្រចាំនៅសហព័ន្ធរុស្ស៊ី លោក Dang Minh Khoi បានអះអាងថា កងទ័ព និងប្រជាជនវៀតណាមនឹងមិនបំភ្លេចនូវការគាំទ្រដ៏ស្មោះស្ម័គ្រពីអតីតសហភាពសូវៀត និងសហព័ន្ធរុស្ស៊ី ក្នុងការតស៊ូដណ្ដើមឯករាជ្យជាតិ ក្នុងអតីតកាលនោះទេ។
នាយប់ថ្ងៃដដែល ពិធីរំលឹកខួបលើកទី ៨០ ទិវាបង្កើតកងទ័ពប្រជាជនវៀតណាម (ថ្ងៃទី ២២ ខែធ្នូ ឆ្នាំ ២០១៩) ) និងលើកទី ៣៥ ទិវាបុណ្យការពារជាតិរបស់ប្រជាជនទាំងមូល (២២ ធ្នូ ១៩៨៩ - ២២ ធ្នូ ២០២៤) ក៏បានប្រព្រឹត្តិទៅយ៉ាងឱឡារិកនៅទីក្រុង Tel Aviv ប្រទេសអ៊ីស្រាអែល និងទីក្រុង New Delhi ប្រទេសឥណ្ឌា។
មុននោះ នាថ្ងៃទី ៩ ខែធ្នូ បេសកកម្មអចិន្ត្រៃយ៍របស់វៀតណាមប្រចាំនៅ អ.ស.ប ក្នុងទីក្រុងញូវយ៉ក សហរដ្ឋ អាមេរិក បានសម្របសម្រួលជាមួយអនុព័ន្ធយោធាវៀតណាមប្រចាំនៅអង្គការសហប្រជាជាតិ ដើម្បីរៀបចំពិធីអបអរសាទរខួបលើកទី ៨០ ទិវាបង្កើតកងទ័ពប្រជាជន វៀតណាម (២២ ធ្នូ ១៩៤៤ - ២០២៤) និង ៣៥ ឆ្នាំនៃទិវាបុណ្យការពារជាតិរបស់ប្រជាជនទាំងមូល (២២ ធ្នូ ១៩៨៩ - ២០២៤)។ ថ្លែងមតិនៅទីនេះ ឯកអគ្គរដ្ឋទូត Dang Hoang Giang ប្រធានបេសកកម្មបានអះអាងថា វៀតណាមបន្តអនុវត្តគោលនយោបាយការពារជាតិ “៤ មិន” របស់ខ្លួន ដើរទន្ទឹមនឹងគោលនយោបាយការបរទេសឯករាជ្យ ខ្លួនទីពឹងខ្លួន ធ្វើសមាហរណកម្មអន្តរជាតិយ៉ាងសកម្ម ចូលរួម យន្តការកិច្ចសហប្រតិបត្តិការលើវិស័យការពារជាតិទ្វេភាគី និងពហុភាគី រួមចំណែកពង្រឹងទំនុកចិត្តជាយុទ្ធសាស្ត្រ និងរួមចំណែកដល់សន្តិភាព សន្តិសុខ និងការអភិវឌ្ឍនៅលើពិភពលោក៕
