• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

សកម្មភាពត្រៀមរៀបចំទទួលអំណរឆ្នាំថ្មី ២០២៣ នៅតាមប្រទេសជាច្រើន

ព្យុះព្រិលដ៏ខ្លាំងមួយនៅចុងឆ្នាំនេះមិនត្រឹមតែបណ្ដាលឲ្យប្រជាជនអាមេរិកស្លាប់ជាច្រើននាក់ប៉ុណ្ណោះទេ ថែមទាំងប៉ះពាល់យ៉ាងធ្ងន់ធ្ងរដល់ការធ្វើចរាចរណ៍ទៀតផង។
ទីក្រុងហ្សាកាតារៀបចំរាត្រីគ្មានរថយន្ត ដើម្បីអបអរឆ្នាំថ្មី ២០២៣។ ប្រភព៖ Tempco

ឆ្នាំថ្មី ២០២៣ បានខិតជិតមកដល់ហើយ។ ទោះបីជាអាកាសធាតុមិនអំណោយផល ជំងឺរាតត្បាតកូវីដ ១៩ បានផ្ទុះឡើងយ៉ាងខ្លាំង និងកង្វះថាមពលក៏ដោយ ប្រទេសជាច្រើនបានត្រៀមរៀបចំទទួលអំណរឆ្នាំថ្មីស្របតាមស្ថានភាពជាក់ស្តែង។

ព្យុះព្រិលដ៏ខ្លាំងមួយនៅចុងឆ្នាំនេះមិនត្រឹមតែបណ្ដាលឲ្យប្រជាជនអាមេរិកស្លាប់ជាច្រើននាក់ប៉ុណ្ណោះទេ ថែមទាំងប៉ះពាល់យ៉ាងធ្ងន់ធ្ងរដល់ការធ្វើចរាចរណ៍ទៀតផង។ ទោះជាយ៉ាងណាក៏ដោយ សកម្មភាពត្រៀមរៀបចំទទួលអំណរឆ្នាំថ្មីកំពុងប្រព្រឹត្តទៅនៅតាមរដ្ឋជាច្រើន ជាពិសេសគឺនៅទីលាន Times Square នៅទីក្រុងញូវយ៉ក។ ប្រជាជនអាមេរិកជាច្រើននាក់កាលពីថ្ងៃទី ២៨ ធ្នូមានវត្តមាននៅទីលាននេះ ដើម្បីសរសេរនៅលើក្រដាសតូចៗអំពីរឿងអកុសល អនុស្សាវរីយ៍ដ៏ក្រៀមក្រំដែលពួកគេចង់បំភ្លេចចោល។ ក្រោយមក បោះវាទៅលើមេឃដើម្បីបំភ្លេចចោលរឿងអកុសលក្នុងឆ្នាំចាស់។

នៅអឺរ៉ុប អតិផរណា និងកង្វះប្រភពប្រេងឥន្ធនៈក៏បណ្តាលឱ្យប្រជាជនទទួលអំណរឆ្នាំថ្មីជាមួយក្រីបារម្ភជាច្រើន និងរបៀបរៀបចំផ្សេង។ ប្រទេសអ៊ឺរ៉ុបភាគច្រើនបានកាត់បន្ថយការប្រើប្រាស់ភ្លើងតុបតែង និងកាត់បន្ថយពេលប្រជុំផ្សារបុណ្យណូអែល ដើម្បីសន្សំសំចៃថាមពល។ គ្រួសារប្រញាប់ប្រញាល់ដំឡើងបន្ទះសូឡា ទិញភួយ និងម៉ាស៊ីនកម្តៅ។ ទាំងនេះគឺសកម្មភាពសម្រាប់អឺរ៉ុបជំនះពុះពារលើការលំបាក ដើម្បីទទួលអំណរឆ្នាំថ្មី។

នៅអាស៊ី មជ្ឈមណ្ឌលសុខភាពសាធារណៈនៅជប៉ុនកាលពីថ្ងៃទី ២៨ ធ្នូ បានព្រមានពីរលក ទី ៨ នៃការផ្ទុះជំងឺរាតត្បាតកូវីដ ១៩ កំពុងរីករាលដាល។ ដើម្បីធានាសុវត្ថិភាពជូនប្រជាជន អាជ្ញាធរបានលុបចោលសកម្មភាពជាច្រើនក្នុងរាត្រីឆ្លងឆ្នាំ។

ទន្ទឹមនឹងនេះ ប្រទេសចិន ក៏បានចាត់វិធានការជាច្រើន ដើម្បីប្រយុទ្ធប្រឆាំងជំងឺរាតត្បាតតាមដំណាក់កាលនីមួយៗក្នុងអំឡុងពេលទទួលអំណរឆ្នាំសកល និងបូណ្យចូលឆ្នាំថ្មីប្រពៃណី៕

តាម​ VOV5 - វិទ្យុសម្លេងវៀតណាម

រដ្ឋមន្ត្រីការបរទេស លោក Bui Thanh Son៖ អាស៊ានត្រូវរក្សា ជំរុញការកសាងទំនុកចិត្ត និងសាមគ្គីភាព

រដ្ឋមន្ត្រីការបរទេស លោក Bui Thanh Son៖ អាស៊ានត្រូវរក្សា ជំរុញការកសាងទំនុកចិត្ត និងសាមគ្គីភាព

ថ្លែងមតិក្នុងសន្និសីទ លោករដ្ឋមន្ត្រី Bui Thanh Son បានសង្កត់ធ្ងន់ថា អាស៊ានចាំបាច់ត្រូវរក្សា និងជំរុញការកសាងទំនុកចិត្ត និងសាមគ្គីភាព ភាពជឿជាក់លើខ្លួនឯង ភាពបត់បែន ការសម្របខ្លួន ការពង្រឹងធនធានផ្ទៃក្នុង និងលើកកំពស់តួនាទីជាមជ្ឈភាពរបស់ខ្លួន។

Top