• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាម-ចិនមានគោលបំណងអភិវឌ្ឍន៍ទំនាក់ទំនងប្រកបដោយតម្លាភាព ស្ថិរភាព និងនិរន្តរភាព

នារសៀលថ្ងៃទី ៣១ ខែតុលា ឆ្នាំ២០២២ នៅមហាសាលប្រជាជននៅទីក្រុងប៉េកាំង បន្ទាប់ពីពិធីទទួលបដិសណ្ឋារកិច្ចជាផ្លូវការ អគ្គលេខាបក្ស លោក Nguyen Phu Trong បានអញ្ជើញជួបពិភាក្សាជាមួយអគ្គលេខាបក្ស និងជាប្រធានរដ្ឋចិនលោក Xi Jinping។
អគ្គលេខាបក្ស Nguyen Phu Trong អញ្ជើញជួបសន្ទនាជាមួយអគ្គលេខាបក្ស ប្រធានរដ្ឋចិន លោក Xi Jinping (រូបថត៖ TTXVN)    

ក្នុងជំនួបនេះ អគ្គលេខាបក្ស លោក Nguyen Phu Trong បានសង្កត់ធ្ងន់ថា វៀតណាមតែងតែផ្តោតការយកចិត្តទុកដាក់ជាពិសេស ចំពោះទីផ្សារចិន និងមានបំណងចង់បង្កើនការនាំចេញទៅកាន់ទីផ្សារចិននូវផលិតផលសក្កានុពលរបស់វៀត ណាម។ វៀតណាមស្វាគមន៍ និងត្រៀមរួចជាស្រេច បង្កើតលក្ខខណ្ឌអំណោយផលសម្រាប់សហគ្រាសធំៗរបស់ចិន ក្នុងការបើកទូលាយការវិនិយោគនៅវៀតណាម។

អគ្គលេខាបក្ស ប្រធានរដ្ឋចិន លោក Xi Jinping បានអះអាងថា បក្ស រដ្ឋាភិបាល និងប្រជាជនចិន តែងតែយកចិត្តទុកដាក់យ៉ាងខ្លាំង ចំពោះទំនាក់ទំនងជាមួយវៀតណាម។ លោកអគ្គលេខាបក្ស ប្រធានរដ្ឋចិន   Xi Jinping បានសម្តែងបំណង និងការត្រៀមខ្លួនជាស្រេចដោយខិតខំប្រឹងប្រែងរួមគ្នាជាមួយបក្ស រដ្ឋ និងប្រជាជនវៀតណាម ដើម្បីបន្តពង្រឹងដោយឥតឈប់ឈរនូវទំនាក់ទំនងមិត្តភាព និងកិច្ចសហប្រតិបត្តិការរវាងប្រទេសទាំងពីរ នាំទំនាក់ទំនងភាពជាដៃគូសហប្រតិបត្តិការយុទ្ធសាស្ត្រគ្រប់ជ្រុងជ្រោយ រវាងវៀតណាមនិងចិនឲ្យមានការអភិវឌ្ឍន៍ប្រកបដោយតម្លាភាព  ស្ថិរភាព ហើយជានិច្ចកាលនាំទំនាក់ទំនងនៃប្រទេសទាំងពីរឡើងដល់កម្ពស់ថ្មីមួយ។

ថ្នាក់ដឹកនាំទាំងពីរបានពិភាក្សាអំពីទិសដៅធំៗ ដើម្បីបង្កើនទំនុកចិត្ត ពង្រឹងចំណងមិត្តភាព លើកកម្ពស់ប្រសិទ្ធភាពនៃកិច្ចសហប្រតិបត្តិការសំខាន់ៗលើគ្រប់វិស័យ រក្សាសន្តិភាព និងស្ថិរភាពនៅលើសមុទ្រ និងជំរុញទំនាក់ទំនងវៀតណាម-ចិនឲ្យបន្តអភិវឌ្ឍន៍ប្រកបដោយតម្លាភាព ស្ថិរភាព និងនិរន្តរភាពនាពេលខាងមុខ។ ថ្នាក់ដឹកនាំទាំងពីររូបបានសង្កត់ធ្ងន់លើសារៈសំខាន់នៃការពង្រឹង និងលើកកំពស់តួនាទីកំណត់ទិសដៅយុទ្ធសាស្ត្រនៃទំនាក់ទំនងតាមរយៈបណ្តាញបក្ស ដោយអនុវត្តន៍ប្រកបដោយប្រសិទ្ធភាពផែនការសហប្រតិបត្តិការរវាងបក្សទាំងពីរ និងផែនការ សហប្រតិបត្តិការបណ្តុះបណ្តាលកម្មាភិបាលរវាងបក្សទាំងពីរ សម្រាប់ដំណាក់កាល  ២០២១-២០២៥; ពង្រឹងការផ្លាស់ប្តូរ និងចែករំលែកបទពិសោធន៍ក្នុងការកសាងបក្ស ការកសាងប្រព័ន្ធនយោបាយ ការងារកម្មាភិបាល និងការងារប្រឆាំងអំពើពុករលួយ។

ស្តីពីបញ្ហាព្រំដែន  ភាគីទាំងពីរបានឯកភាពបង្កើនការគ្រប់គ្រងខ្សែព្រំដែនប្រកបដោយប្រសិទ្ធភាព ស្របតាមឯកសារ និងកិច្ចព្រមព្រៀងដែលបានចុះហត្ថលេខារវាងភាគីទាំងពីរ ជំរុញដំណើរការសាកល្បងកិច្ចសហប្រតិបត្តិការទេសចរ ណ៍នៅតំបន់ល្បាក់ Ban Gioc (វៀតណាម) – Détiān (ចិន)។ ទាក់ទិននឹងបញ្ហាសមុទ្រ អគ្គលេខាបក្សទាំងពីររូបបានចាត់ទុកថា នេះជាបញ្ហាដែលនៅសេសសល់ក្នុងទំនាក់ទំនងនៃប្រទេសទាំងពីរ ហើយការរក្សាសន្តិភាព និងស្ថិរភាពនៅសមុទ្រមានសារៈ សំខាន់ខ្លាំងណាស់សម្រាប់ការអភិវឌ្ឍនៃបក្សទាំងពីរ និងប្រទេសទាំងពីរ។ អគ្គលេខាបក្ស លោក Nguyen Phu Trong បានស្នើឲ្យភាគីទាំងពីរ គោរពផលប្រយោជន៍ស្របច្បាប់របស់គ្នាទៅវិញទៅមក ព្រមទាំងដោះស្រាយរាល់ជម្លោះដោយសន្តិវិធី ស្របតាមច្បាប់អន្តរជាតិ ក្នុងនោះមានអនុសញ្ញាអន្តរជាតិ ស្តីពីច្បាប់សមុទ្រឆ្នាំ ១៩៨២ (UNCLOS ១៩៨២) ផងដែរ៕

តាម VOV5 - វិទ្យុសំឡេង​វៀតណាម

បន្តជំរុញខ្លាំងការផ្សាយងារព័ត៌មាន ឃោសនាអំពីព្រំដែន ដែនដីជាតិ

បន្តជំរុញខ្លាំងការផ្សាយងារព័ត៌មាន ឃោសនាអំពីព្រំដែន ដែនដីជាតិ

ក្រោយរយៈពេល ៥ ខែបំផុសមក គណៈមេប្រយោគទទួលបានរូបថតប្រមាណ ១ ម៉ឺនសន្លឹករបស់អ្នកថតរូបចំនួន ១ ០០០ នាក់ មកពីខេត្ត ក្រុងទាំង ៦៣។

Top