• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាម - កម្ពុជាបន្តបង្កើនកិច្ចសហប្រតិបត្តិការដើម្បីអភិវឌ្ឍន៍ បណ្ដា​ខេត្ត​ជាប់ព្រំដែន

នាព្រឹកថ្ងៃទី ១០ ខែមករា ឆ្នាំ២០១៩ កិច្ចប្រជុំស្ដីពីកិច្ចសហប្រតិបត្តិការនិងការអភិវឌ្ឍរវាងបណ្ដាខេត្តជាប់ព្រំដែនកម្ពុជា-វៀតណាមលើកទី ១០ បានប្រារព្ធធ្វើឡើងនៅទីក្រុងហូជីមិញ ក្រោមអធីបតីភាពរបស់ឧបនាយករដ្ឋមន្រ្តី រដ្ឋមន្រ្តីការបរទេសវៀតណាម លោក Pham Binh Minh និងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃកម្ពុជា រួមទាំងថ្នាក់ដឹកនាំមន្ត្រីជាន់ខ្ពស់នៃក្រសួង ស្ថាប័ន តំបន់នានានៃបណ្ដាខេត្តជាប់ព្រំដែននៃប្រទេសទាំងពីរ។

 ឧបនាយករដ្ឋមន្រ្តី រដ្ឋមន្រ្តីការបរទេសវៀតណាម លោក Pham Binh Minh
និងសម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃកម្ពុជា

អញ្ជើញថ្លែងមតិនៅទីនេះ ឧបនាយករដ្ឋមន្រ្តី លោក Pham Binh Minh បានឲ្យដឹងថា៖ កិច្ចប្រជុំនេះបានប្រព្រឹត្តិទៅ​ក្នុងបរិបទដែលទំនាក់ទំនងរវាងប្រទេសទាំងពីរកាន់តែអភិវឌ្ឍន៍យ៉ាងស៊ីជម្រៅ ជាក់ស្ដែងនិងប្រកបដោយ​ប្រសិទ្ធភាពតាមទិសស្លោក "ភាពជាអ្នកជិតខាងល្អ មិត្តភាពជាប្រពៃណី កិច្ចសហប្របត្តិការគ្រប់ជ្រុងជ្រោយ ស្ថិតស្ថិររឹងមាំយូរអង្វែង"។ ទំនាក់ទំនងនយោបាយរវាងប្រទេសទាំងពីរត្រូវបានពង្រឹងនិងពង្រឹងដោយឥតឈប់ឈរ។ ស្ដីពីសេដ្ឋកិច្ច នាឆ្នាំ២០១៨ ទំហំពាណិជ្ជកម្មទ្វេភាគីទទួលបានជាង ៤,៦ ពាន់លានដុល្លារអាមេរិក ហើយរំពឹងថានឹងទទួលហួសពីគោលដៅ ៥ ពាន់លានដុល្លារអាមេរិក មុនឆ្នាំ២០២០។ លោក Pham Binh Minh បានឲ្យដឹងថា៖ពាណិជ្ជកម្មព្រំដែនកាន់តែបានអភិវឌ្ឍន៍យ៉ាងរស់រវើក ភាគីទាំងពីរបានបញ្ចប់ការចរចា ហើយឈានចូលការចុះហត្ថលេខាលើកិច្ចព្រមព្រៀងពាណិជ្ជកម្មព្រំដែន និងផ្សារព្រំដែនគំរូវៀតណាម - កម្ពុជាបានសម្រេចរួចរាល់ ៩០ % នៃការកសាង ហើយឈានចូលបើកសម្ពោធដាក់ឲ្យប្រើប្រាស់នាឆ្នាំថ្មី ២០១៩។

ចំណែកឯ សម្តេចក្រឡាហោម ស ខេង ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃកម្ពុជាបានវាយតម្លៃខ្ពស់ចំពោះការខិត្តខំប្រឹងប្រែងរបស់រដ្ឋអំណាច កងកម្លាំងមានសមត្ថិកិច្ចនៃបណ្ដាខេត្តជាប់ព្រំដែននៃប្រទេសទាំងពីរ ដែលបានរួមសហការយ៉ាងជិតស្និទ្ធិក្នុងការអនុវត្តន៍ផែនការសហប្រតិបត្តិការ ដែលបានឯកភាពគ្នានៅក្នុងកិច្ចប្រជុំលើកទី ៩ កាលពីឆ្នាំ ២០១៧ ។ បណ្ដាខេត្តជាប់ព្រំដែនរវាងប្រទេសទាំងពីរបានពង្រឹងនិងពង្រីកទំនាក់ទំនងសហប្រតិបត្តិការយ៉ាងល្អប្រសើរ រក្សាសន្តិសុខ សណ្តាប់ធ្នាប់នៅតំបន់ព្រំដែន ក៏ដូចជាផ្ដោតសំខាន់សហប្រតិបត្តិការលើវិស័យអប់រំ អគ្គិសនី ដឹកជញ្ជូន និងការងារខ័ណ្ឌសីម៉ាបោះបង្គោលព្រំដែន៕

តាម VOV5 - វិទ្យុសម្លេងវៀតណាម 

រំលឹកខួបលើកទី ៦៩ នៃទិវាគ្រូពេទ្យវៀតណាម

រំលឹកខួបលើកទី ៦៩ នៃទិវាគ្រូពេទ្យវៀតណាម

នារសៀលថ្ងៃទី២២ ខែកុម្ភៈ ឆ្នាំ២០២៤ នៅទីក្រុងហាណូយ ប្រធានគណៈកម្មាធិការ ឃោសនាអប់រំមជ្ឈិម លោក Nguyen Trong Nghia បានអញ្ជើញទៅសាកសួរសុខទុក្ខ និងអបអរសាទរមន្ទីរពេទ្យកីឡាវៀតណាម និងមន្ទីរពេទ្យពហុព្យាបាល Tam Anh ក្នុង ឱកាសរំលឹកខួបលើកទី ៦៩ នៃទិវាគ្រូពេទ្យវៀតណាម (ថ្ងៃទី ២៧ ខែកុម្ភៈ ឆ្នាំ ១៩៥៥ - ថ្ងៃទី ២៧ ខែកុម្ភៈ ឆ្នាំ ២០២៤)។

Top