• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វៀតណាម៖ ចំណុចភ្លឺនៃសេដ្ឋកិច្ចពិភពលោក

សេដ្ឋកិច្ចវៀតណាមកំពុងពន្លឿនល្បឿនដល់គោលដៅឆ្នាំ ២០២២បន្ទាប់ពីសម្រេចបានកំណើន ៨,៨៣% ក្នុងរយៈពេល ៩ ខែកន្លងមក។ ផ្នែកជាច្រើនបានស្ដារឡើងវិញយ៉ាងខ្លាំងក្លា ហើយសម្រេចបានអត្រាកំណើនខ្ពស់ជាងមុនពេលផ្ទុះជំងឺរាតត្បាតកូវីដ ១៩។ លទ្ធផលកំណើនមិនត្រឹមតែលេចឡើងលើវិស័យនាំចេញសំខាន់ៗប៉ុណ្ណោះទេ ថែមទាំងនៅអត្រាកំណើនដោយព្រមៗគ្នានៅតាមខេត្ត ក្រុងជាច្រើន។ សេដ្ឋកិច្ចវៀតណាមទទួលបានកំណើនលើវិស័យទាំងបីគឺ កសិកម្ម ឧស្សាហកម្ម និងសេវាកម្ម។ អតិផរណាត្រូវបានគ្រប់គ្រងនៅកម្រិត ២,៧៣% ។
  នាយករដ្ឋមន្ត្រីលោក Pham Minh Chinh និងលោកស្រី Era Dabla-Norris ប្រធានគណៈប្រតិភូឃ្លាំមើលរបស់មូលនិធិរូបិយវត្ថុអន្តរជាតិ (IMF)។ រូបថត៖ VNA  
  កិច្ចប្រជុំរដ្ឋាភិបាលកខែកញ្ញា ឆ្នាំ ២០២២។ រូបថត៖ VNA  

កត់សម្គាល់កំណើនគួរឱ្យចាប់អារម្មណ៍នៅតាមខេត្តក្នុងនានា

ទីក្រុងហូជីមិញ និងទីក្រុងហាណូយ ដែលជាក្បាលម៉ាស៊ីនសេដ្ឋកិច្ចទាំងពីររបស់ប្រទេសជាតិទាំងមូល ហើយក៏ជាទីក្រុងទាំងពីរដែលរងផលប៉ះពាល់យ៉ាងខ្លាំងក្លាដោយសារជំងឺរាតត្បាតកូវីដ ១៩ គឺសុទ្ធតែបានទទួលស្គាល់អត្រាកំណើនជិតពីរខ្ទង់ក្នុងរយៈពេល ៩ ខែកន្លងទៅ។ ក្រៅពីទីក្រុងហាណូយ និងទីក្រុងហូជីមិញនោះ ខេត្ត ក្រុងមួយចំនួនទៀតក៏មានល្បឿនកំណើន GDP គួរឲ្យចាប់អារម្មណ៍ផងដែរ ដូចជា Bac Ninh ៩,៧%; Hai Duong ១០,១៤%; Quang Ninh ១០,១២%; Hai Phong ១២,០៦%, Can Tho ១៧,៥៧%; Da Nang ១៦,៧៦%;  Khanh Hoa ២០,៤៨%; Bac Giang ២៣,៩៨%។ ក្នុងសន្និសីទអនឡាញរបស់រដ្ឋាភិបាលជាមួយខេត្ត ក្រុងចំនួន ៦៣ និងកិច្ចប្រជុំរដ្ឋាភិបាលប្រចាំខែកញ្ញា ឆ្នាំ ២០២២ ដែលធ្វើឡើងកាលពីចុងសប្តាហ៍កន្លងទៅ ថ្នាក់ដឹកនាំទីក្រុងហូជីមិញ ទីក្រុងហាណូយ និងខេត្ត Khanh Hoa បានឲ្យដឹងថា៖ កំណើនរបស់ទីក្រុងហូជីមិញក្នុងត្រីមាសទី ៣ គឺ ៣០,០២%, ហើយក្នុងរយៈពេល ៩ ខែសរុបទទួលបានកំណើន ៩,៩៧% ។ ក្រៅពីគោលនយោបាយ ដំណោះស្រាយទាន់ពេលវេលា និងព្រមៗគ្នារបស់មជ្ឈឹម ការសម្របសម្រួលយ៉ាងប្ដូរផ្ដាច់ និងដិតដល់របស់រដ្ឋាភិបាល ភាពម្ចាស់ការរបស់ទីក្រុងក្នុងការអនុវត្តកម្មវិធីស្តារ និងអភិវឌ្ឍន៍សេដ្ឋកិច្ចនោះ កត្តាជំនះពុះពារលើការលំបាក ភាពស្វាហាប់ និងការច្នៃប្រឌិតរបស់ប្រជាជន និងសហគ្រាស់គឺជាតត្តាសម្រេចសម្រាប់ការស្ដារ និងអភិវឌ្ឍន៍សេដ្ឋកិច្ច សង្គមរបស់ទីក្រុងផងដែរ  ក្នុងត្រីមាសទី៣ GDP របស់ទីក្រុងហាណូយ កើនឡើង ១៥,៧១%; ក្នុងរយៈពេល ៩ ខែសម្រេចបាន ៩,៦៩% ក្នុងនោះ សេវាកម្មកើនឡើង ១១,៥៦% និងឧស្សាហកម្មសំណង់កើនឡើង ៧,៨៧%ក្នុងរយៈពេល៩ខែកន្លងទៅ ស្ថានភាពសេដ្ឋកិច្ចសង្គមរបស់ខេត្ត Khanh Hoa មានភាពប្រសើរឡើង ហើយរក្សាបាននូវល្បឿនអភិវឌ្ឍន៍។ រាល់តួរលេខសេដ្ឋកិច្ចបានកើនឡើងខ្ពស់បើប្រៀបធៀបនឹងរយៈពេលដូចគ្នាកាលពីឆ្នាំមុន។ ផលិតផលសរុបក្នុងភូមិសាស្ត្រខេត្តកើនឡើង ២០,៤៨% សន្ទស្សន៍ផលិតកម្មឧស្សាហកម្ម ការលក់រាយទំនិញសរុប និងចំណូលពីទេសចរណ៍កើនឡើងខ្ពស់ ហើយរហូតមកដល់ពេលនេះបានលើសពីផែនការ ១០៣%

វៀតណាមត្រូវបានព្យាករថានឹងស្ថិតក្នុងក្រុមប្រទេសដែលមានអត្រាកំណើនខ្ពស់បំផុតក្នុងតំបន់

បន្ទាប់ពីតួរលេខស្ថិតិអំពីស្ថានភាពសេដ្ឋកិច្ចសង្គមរយៈពេល ៩ ខែត្រូវបានផ្សព្វផ្សាយ ក្រសួងផែនការ និងវិនិយោគបានកែសម្រួលសេណារីយ៉ូសេដ្ឋកិច្ច និងការព្យាករណ៍អំពីលទ្ធភាពសម្រេចបានគោលដៅដែលបានគ្រោងទុកក្នុងឆ្នាំ ២០២២។ អាស្រ័យហេតុនេះ កំណើន GDP នៅឆ្នាំនេះអាចសម្រេចបាន ៨% ខ្ពស់ជាងគោលដៅកំណត់ដោយរដ្ឋសភា និងរដ្ឋាភិបាល (៦- ៦,៥%) ជួយបង្កើតកម្លាំងចលករដល់កំណើនសេដ្ឋកិច្ចឆ្នាំ ២០២៣។

ក្នុងពេលនោះ អង្គការអន្តរជាតិជាច្រើន អ្នកជំនាញទាំងជាតិ និងអន្តរជាតិបានវាយតម្លៃជាវិជ្ជមាន និងសុទិដ្ឋិនិយមអំពីវៀតណាម។វៀតណាមត្រូវបានព្យាករណ៍ថានឹងស្ថិតក្នុងក្រុមប្រទេសដែលមានអត្រាកំណើនខ្ពស់បំផុតនៅអាស៊ីអាគ្នេយ៍ក្នុងឆ្នាំ ២០២២ និង ២០២៣ (Moody's, WB, និង ADB បានព្យាករណ៍ថាកំណើន GDP របស់វៀតណាមក្នុងឆ្នាំ ២០២២ គឺ ៨,៥%, ៧,២%, និង ៦,៥%) ។

ក្នុងជំនួបជាមួយនាយករដ្ឋមន្ត្រីលោក Pham Minh Chinh នាថ្ងៃទី ៤ តុលា លោកស្រី Era Dabla-Norris ប្រធានគណៈប្រតិភូឃ្លាំមើលរបស់មូលនិធិរូបិយវត្ថុអន្តរជាតិ (IMF) ទទួលបន្ទុកម៉ាក្រូសេដ្ឋកិច្ច និងហិរញ្ញវត្ថុ និងរូបិយប័ណ្ណនៃប្រទេសជាសមាជិកនានាបានចាត់ទុកថា IMF ព្យាករណ៍ថា កំណើន GDP របស់វៀតណាមនៅឆ្នាំ ២០២២ នឹងសម្រេចបានពី ៧-៧,៥%; អតិផរណាជាមធ្យមគឺទាបជាងគោលដៅ ៤% ព្រមទាំងមានកម្រិតទាបបើប្រៀបធៀបទៅនឹងប្រទេសផ្សេងទៀតក្នុងពិភពលោក និងក្នុងតំបន់។ រាល់សកម្មភាពអាជីវកម្មកំពុងស្ដារឡើងវិញយ៉ាងខ្លាំងក្លា

ខណៈពេលដែលសេដ្ឋកិច្ចពិភពលោកមិនអាចទាយទុកជាមុនបាន ហើយយថាទស្សន៍សកលនៅតែអស្ថិរភាពនោះ  វៀតណាមបានលេចចេញជាចំណុចភ្លឺដ៏សកម្មបង្គួរផងដែរ៕

តាម VOV5 - វិទ្យុសំឡេង​វៀតណាម

ថ្ងៃទី២០ ខែឧសភា រដ្ឋសភានឹងបើកសម័យប្រជុំលើកទី ៧

ថ្ងៃទី២០ ខែឧសភា រដ្ឋសភានឹងបើកសម័យប្រជុំលើកទី ៧

តាមការ នាព្រឹកថ្ងៃទី២០ ឧសភា រដ្ឋសភានឹងបោះឆ្នោតជ្រើសតាំងប្រធានរដ្ឋសភា និងប្រធានរដ្ឋតាមការកំណត់។

Top