ចូលរួមសន្និសីទនេះមានលោក Shri Tulsiram Silawat រដ្ឋមន្ត្រីក្រសួងនេសាទរដ្ឋ Madhya Pradesh; លោក Shri Sagar Mehra នាយកចំណុះក្រសួងជលផលឥណ្ឌា និងតំណាងវៀតណាម ជប៉ុន ម៉ូរីស នេប៉ាល់ និងតំណាងសហគ្រាសផលិតអាហារសមុទ្រនៅរដ្ឋ Madhya Pradesh ។
ថ្លែងមតិក្នុងសន្និសីទ លោក Do Duy Khanh លេខាទី១ ការិយាល័យពាណិជ្ជកម្មវៀតណាមប្រចាំនៅឥណ្ឌា បានឲ្យដឹងថា ឥណ្ឌាគឺជាប្រភពអាហារសមុទ្រដ៏សំខាន់សម្រាប់ផ្នែកកែច្នៃអាហារសមុទ្ររបស់វៀតណាម។ វៀតណាមនាំចូលបង្គា ត្រីធូណា ក្រួច ត្រីស្បៃកា និងគ្រឿងសមុទ្រមួយចំនួនទៀតពីប្រទេសឥណ្ឌា។ វៀតណាមជាប់ចំណាត់ថ្នាក់លេខ ៤ ក្នុងចំណោមប្រទេសដែលនាំចូលគ្រឿងសមុទ្រពីឥណ្ឌា ដោយទទួលបានចំណូល ២៨០ លានដុល្លារក្នុងមួយឆ្នាំ។ ប្រទេសទាំងពីរ ក៏ដូចជារដ្ឋ Madhya Pradesh មានសក្ដានុពលក្នុងកិច្ចសហប្រតិបត្តិការលើវិស័យជលផលលើវិស័យពាណិជ្ជកម្ម ការវិនិយោគ ការស្រាវជ្រាវ និងការបណ្តុះបណ្តាល៕
