បណ្តាញ bangkokpost.com
នាពេលថ្មីៗនេះបានចេញផ្សាយអត្ថបទសរសេរមួយដែលមានចំណងជើងថា "Towering
above the rest" ដោយសង្កត់ធ្ងន់ថានៅក្នុងបរិបទពិភពលោកមាន
ការព្រួយបារម្ភអំពីអតិផរណា និងអត្រាការប្រាក់កើនឡើង
វៀតណាមបានលេចចេញជាចំណុចភ្លឺសេដ្ឋកិច្ចដ៏កម្រជាមួយនឹងល្បឿនកំណើនផលិតផលក្នុងស្រុកសរុប
(GDP) មានស្ថិរភាព ហើយជា "ទឹកដីនៃក្ដីសន្យា"
សម្រាប់វិនិយោគិន។ កាសែត Financial Times (អង់គ្លេស)
កាលពីថ្ងៃទី ២៦ ខែកញ្ញា បានចុះផ្សាយអត្ថបទសរសេរវិភាគអំពីក្រុម
"អច្ឆរិយៈសេដ្ឋកិច្ចពិភពលោកទាំង ៧ " ក្នុងនោះមានវៀតណាមផងដែរ។
អត្ថបទសរសេរនេះបានបញ្ជាក់ថា មិនគួរឱ្យភ្ញាក់ផ្អើលទេ
នៅពេលដែលវៀតណាមស្ថិតក្នុងបញ្ជីប្រទេសទាំង ៧
ដែលមានសកម្មភាពសេដ្ឋកិច្ចប្រកបដោយប្រសិទ្ធភាព
ហើយចាត់ទុកថានេះជាសក្ខីភាពលេចធ្លោដែលសរឲ្យឃើញថា
រាល់គោលនយោបាយរបស់រដ្ឋាភិបាលកំពុងពង្រីកប្រសិទ្ធភាព។
រាល់ការវាយតម្លៃពោលខាងលើសុទ្ធតែមកពីការវាយតម្លៃរបស់អង្គការសេដ្ឋកិច្ច-ហិរញ្ញវត្ថុដែលមានកិត្យានុភាពអំពីស្ថានការណ៍សេដ្ឋកិច្ចវៀតណាមនាពេលថ្មីៗនេះ។
ការព្យាករណ៍យថាទស្សន៍សេដ្ឋកិច្ចរយៈពេលខ្លីសុទ្ធតែបានវាយតម្លៃយ៉ាងវិជ្ជមានអំពីវៀតណាម
ហើយបង្ហាញសុទិដ្ឋិនិយមថា
សេដ្ឋកិច្ចវៀតណាមមានឱកាសឈានចូលដំណាក់កាលអភិវឌ្ឍន៍ដ៏ល្អនាពេលខាងមុខ។
ទោះជាយ៉ាងណាក៏ដោយ ស្ថាប័នហិរញ្ញវត្ថុអន្តរជាតិក៏បានវាយផងដែរថា
វៀតណាមក៏ជួបប្រទះនឹងឧបសគ្គដោយសារកំណើនសេដ្ឋកិច្ចពិភពលោកបន្ថយល្បឿន ហេតុដូច្នេះហើយ
វៀតណាមចាំបាច់ត្រូវតាក់តែងគោលនយោបាយប្រកបដោយភាពបត់បែន
និងសម្របខ្លួនទៅនឹងវិធានការច្បាស់លាស់យ៉ាងឆាប់រហ័សផងដែរ៕
