កំណើនសេដ្ឋកិច្ចរបស់វៀតណាមលើសពី ៧% គឺជាចំណុចភ្លឺក្នុងបរិបទដែលសេដ្ឋកិច្ចពិភពលោកនៅតែលំបាក ហើយប្រទេសជាច្រើនមានកំណើនទាប។ កម្រិតនេះក៏ខ្ពស់ជាងការព្យាករណ៍របស់អង្គការអន្តរជាតិជាច្រើនដែលបានលើកឡើងមុននោះ។ តួរលេខ ៧% ក៏ជាចំនួនខ្ពស់បំផុតក្នុងចំណោមប្រទេសដែលមានសេដ្ឋកិច្ចធំជាងគេទាំងប្រាំមួយនៅអាស៊ីអាគ្នេយ៍ (រួមជាមួយឥណ្ឌូនេស៊ី ម៉ាឡេស៊ី ហ្វីលីពីន សិង្ហបុរី និងថៃ)។ តាមពិតទៅ វៀតណាមជាក្រុមតូចមួយនៃប្រទេសដែលមានកំណើនសេដ្ឋកិច្ចខ្ពស់ក្នុងតំបន់ និងពិភពលោក ហើយត្រូវបានអង្គការអន្តរជាតិវាយតម្លៃខ្ពស់។

ទន្ទឹមនឹងផលិតផលក្នុងស្រុកសរុប (GDP) ឆ្នាំកន្លងមកនេះ វៀតណាមក៏បានសម្រេចគោលដៅ ១៥/១៥ ដោយរដ្ឋសភាបានដាក់ចេញ។ មូលដ្ឋានជាច្រើនបានកើនឡើងគួរឲ្យចាប់អារម្មណ៍ ដោយចំណូលថវិការដ្ឋលើសពីការប៉ាន់ស្មាន ដូចជាទីក្រុងហាណូយ និងទីក្រុងហូជីមិញ បានកត់ត្រាចំណូលថវិកាលើសពី ៥០០.០០០ ពាន់លានដុង (ប្រហែល ២០ ពាន់លានដុល្លារអាមេរិក)។ ទន្ទឹមនឹងនោះ ម៉ាក្រូសេដ្ឋកិច្ចនៅតែមានស្ថិរភាព អតិផរណាត្រូវបានគ្រប់គ្រង ហើយសមតុល្យសំខាន់ៗនៃសេដ្ឋកិច្ចត្រូវបានធានា៕