នារសៀលថ្ងៃទី ១៦ មិនា ជើងហោះហើរដឹកក្រុមភ្ញៀវទេសចរណបរទេស ដំបូងមកដល់ វៀតណាម បន្ទាប់ពីបើកដំណើរការទីផ្សារទេសចរណ៍អន្តរជាតិឡើង វិញចាប់ពីថ្ងៃទី ១៥ មិនា បានចុះចតដោយសុវត្ថិភាពនៅអាកាសយានដ្ឋាន Tan Son Nhat ។ ជើងហោះហើរនេះដំណើរការដោយក្រុមហ៊ុនអាកាសចរណ៍ជាតិ (Vietnam Airlines) ពីសិង្ហបុរីទៅកាន់ទីក្រុងហូជីមិញ។ ជើងហោះហើរដឹកអ្នកដំណើរជាង ១០០ នាក់ក្នុងនោះមានជនបរទេស ២០ នាក់។
នាថ្ងៃដដែល ជើងហោះហើរពីទីក្រុង ហូជីមិញទៅកាន់ប្រទេសសិង្ហបុរីគឺនៅម៉ោង ១២ និង ៣០ នាទី ហើយជាជើងហោះហើរដំបូងដែលដឹកភ្ញៀវទេសចរវៀតណាម តាម កម្មវិធីច្រករបៀងទេសចរណ៍សម្រាប់មនុស្សដែលបានចាក់វ៉ាក់សាំងរបស់សិង្ហបុរី (Singapore's Vaccinated Travel Lane -ដែលអនុញ្ញាតឲ្យភ្ញៀវចូលមក សិង្ហបុរីដោយ មិនចាំបាច់ធ្វើចត្តាឡីស័ក)។
ក៏នៅថ្ងៃថ្ងៃទី ១៦ ខែមីនា នេះដែរ កាណាល់ព័ត៌មានអាល្លឺម៉ង់ជាច្រើនដែល ដកស្រង់ពីទីភ្នាក់ងារសារព័ត៌មាន DPA បានឲ្យដឹងថា វៀតណាមបានដកបទប្បញ្ញត្តិ ស្ដីពីការធ្វើចត្តាឡីស័កសម្រាប់ភ្ញៀវអន្តរជាតិ សំដៅទាក់ទាញភ្ញៀវទេសចរក្នុងកិច្ច ខិតខំប្រឹងប្រែងបើកឧស្សាហកម្មទេសចរណ៍ឡើងវិញនៅប្រទេសអាស៊ីអាគ្នេយ៍មួយនេះ។
កាណាល់ព័ត៌មានខាងលើ បានផ្ដល់អនុសាសន៍ថា ភ្ញៀវទេសចរគួរតែមកវៀតណាមដើម្បីធ្វើដំណើរដោយជិះកង់ឆ្លងកាត់ប្រទសក្នុងរយៈពេលប្រមាណ១ខែ។ វៀតណាមមានទេសភាពសម្បូរបែបជាមួយនឹងព្រៃភ្នំ ឆ្នេរសមុទ្រ និងវាលស្រែ៕
