ទំនិញវៀតណាមត្រូវបានដាក់តាំងបង្ហាញនៅពិព័រណ៍។ (រូបថត៖ Vietnam+)
សហគ្រាសវៀតណាមចំនួន១៤អង្គភាព បានចូលរួមឧទ្ទេសនាមផលិតផលដ៏ សម្បូរបែប ចាប់ពីកសិផល ផលិតផលសិប្បកម្ម គ្រឿងសង្ហារឹម ដល់ផលិតផល ទេសចរណ៍ និងសេវាកម្មមណ្ឌលឧស្សាហកម្មនៅឯពិព័រណ៍ពាណិជ្ជកម្មដ៏ធំបំផុតលើ ពិភពលោកសម្រាប់សហគ្រាសដែលលក់ទំនិញតាមប្រព័ន្ធអនឡាញ "White Label World Expo London ២០២២"។
ប្រព្រឹត្តទៅចាប់ពីថ្ងៃទី២ដល់ទី៣ មីនា នៅមជ្ឈមណ្ឌលពិព័រណ៍ Excel នៅ ទីក្រុងឡុងដ៍ ចក្រភពអង់គ្លេស ពិព័រណ៍ White Label World ២០២២ បានទាក់ទាញ ការចូលរួមរបស់សហគ្រាសចំនួន ៥០០ អង្គភាព និងភ្ញៀវចំនួន ៧.០០០ នាក់ ដែល ជាឱកាសដ៏ល្អសម្រាប់សហគ្រាសវៀតណាមផ្សព្វផ្សាយផលិតផល ស្វែងរកដៃគូ អាជីវកម្ម និងឱកាសនាំចេញនៅក្នុងទីផ្សារចក្រភពអង់គ្លេសនិងអឺរ៉ុប។
ស្តង់ទំនិញវៀតណាមចូលរួមពិព័រណ៍ដោយមានផលិតផលសម្បូរបែបដូចជា កាហ្វេ គ្រាប់ស្វាយចន្ទី ផ្លែឈើក្រៀម របស់របរធ្វើពីឫស្សី ផ្តៅ ទំនិញសិប្បកម្មជាដើម ដែលបានទាក់ទាញអាជីវករនិងអ្នកទស្សនាជាច្រើន។ នៅពិព័រណ៌ពាណិជ្ជកម្មសកលនេះ សហគ្រាសវៀតណាម និងដៃគូអង់គ្លេស បានចុះហត្ថលេខាលើកិច្ចព្រមព្រៀងសហប្រតិបត្តិការសេដ្ឋកិច្ចយុទ្ធសាស្ត្រចំនួនបី ដែលមានតម្លៃសរុប ៣០០លានផោន៕
