ចូលរួមក្នុងការពិភាក្សាក្នុងកិច្ចប្រជុំនេះ
លោកឯកអគ្គរដ្ឋទូត Dang Hoang Giang ប្រធានគណៈប្រតិភូវៀតណាមប្រចាំនៅអង្គការសហប្រជាជាតិបានទទួលស្គាល់ថា
ការទទួលខុសត្រូវក្នុងការលើកកម្ពស់ និងរក្សានីតិរដ្ឋនៅគ្រប់កម្រិតទាំងអស់
ចាំបាច់ត្រូវបានប្រទេសសមាជិកអង្គការសហប្រជាជាតិទាំងអស់រួមដៃគ្នាទទួលបន្ទុក។
នេះគឺជាគន្លឹះក្នុងការកសាងទំនុកចិត្ត ពង្រឹងការប្តេជ្ញាចិត្ត
និងការពង្រឹងពហុភាគីនិយម។ លោកឯកអគ្គរដ្ឋទូតបានអះអាងថា វៀតណាមបានចូលរួមយ៉ាងសកម្មក្នុងដំណើរការទាំងនេះ
ហើយសម្រេចបានលទ្ធផលជាច្រើនក្នុងការសុក្រិតច្បាប់ និងប្រព័ន្ធច្បាប់ក្នុងស្រុក។
លោកឯកអគ្គរដ្ឋទូត Dang Hoang Giang បានអះអាងថា
វៀតណាមរក្សាយ៉ាងម៉ឺងម៉ាត់នូវគោលការណ៏ថា រាល់ជម្លោះត្រូវតែដោះស្រាយដោយសន្តិវិធី
ស្របតាមច្បាប់អន្តរជាតិ។ ឈរលើគោលជំហរខាងលើ
វៀតណាមបានសម្តែងការព្រួយបារម្មណ៍ចំពោះការវិវឌ្ឍនាពេលថ្មីៗនេះនៅសមុទ្រខាងកើត
ដោយអំពាវនាវឱ្យភាគីពាក់ព័ន្ធទាំងអស់អនុវត្តឱ្យបានពេញលេញនូវកាតព្វកិច្ចរបស់ខ្លួនក្រោមអនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ
១៩៨២ (UNCLOS) គោរពសេចក្តីថ្លែងការណ៍ស្តីពីការប្រតិបត្តិរបស់ភាគីនៅសមុទ្រខាងកើត
(DOC) អនុវត្តការអត់ធ្មត់ ដោះស្រាយជម្លោះដោយសន្តិវិធី
និងគោរពដំណើរការការទូត និងច្បាប់។ វៀតណាមប្តេជ្ញាអនុវត្តយ៉ាងពេញលេញ DOC និងបន្តពិភាក្សាយ៉ាងសកម្មជាមួយប្រទេសផ្សេងៗ
ដើម្បីបញ្ចប់នូវក្រមប្រតិបត្តិសម្រាប់ភាគីនានានៅសមុទ្រខាងកើត (COC) ដ៏មានប្រសិទ្ធភាព និងជាក់ស្តែង នាពេលឆាប់ៗខាងមុខ
ស្របតាមច្បាប់អន្តរជាតិ រួមទាំង UNCLOS ផងដែរ។
ប្រធានគណៈប្រតិភូអចិន្ត្រៃយ៍វៀតណាមបានអះអាងថា
បន្តដំណើរការចូលរួមយ៉ាងសកម្មក្នុងវេទិការច្បាប់អន្តរជាតិនាពេលថ្មីៗនេះ
វៀតណាមបានតែងតាំងជាលើកទីមួយ បណ្ឌិត Nguyen Lan Anh ប្រធានវិទ្យាស្ថានសមុទ្រខាងកើត
ដើម្បីឈរឈ្មោះបេក្ខភាពតុលាការច្បាប់សមុទ្រអន្តរជាតិ (ITLOS) សម្រាប់អាណត្តិ ២០២៦-២០៣៥ ដោយមានបំណងចង់បន្តរួមចំណែកបន្ថែមទៀត
ដល់កិច្ចខិតខំប្រឹងប្រែងដើម្បីពង្រឹងនីតិរដ្ឋលើ សកលលោក៕
