• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

វិថីផលិតផលកសិកម្មចម្រុះពណ៌នៅមហោស្រពផ្លែឈើ និងផលិតផល OCOP វៀតណាម ឆ្នាំ ២០២២

មហោស្រពផ្លែឈើ និងផលិតផលនៃកម្មវិធីឃុំមួយផលិតផលមួយវៀតណាម (កម្មវិធី OCOP) ឆ្នាំ ២០២២ បានប្រព្រឹត្តទៅចាប់ពីថ្ងៃទី ២៨ ឧសភា ដល់ថ្ងៃទី ១ ខែមិថុនា នៅទីលាន Tay Bac នៃទីក្រុង Son La ខេត្ត Son La។

  ការសម្តែងសិល្បៈនៅក្នុងពិធីបើក (រូបថត៖ VOV)  

មុនថ្ងៃបើកសម្ពោធជាផ្លូវការ “វិថីផលិតផលកសិកម្ម” នៅទីនេះត្រូវបានបង្កើតឡើងជាមួយនឹងពណ៌ផ្លែឈើចម្រុះ និងផលិតផលកសិកម្មជាច្រើនប្រភេទ ដែលជាលក្ខណៈវប្បធម៌ប្រចាំតំបន់។ ខេត្ត ក្រុង ចំនួន ៥០ ទូទាំងប្រទេសបានចូលរួមក្នុងព្រឹត្តិការណ៍នេះ ដោយមានតូបតាំងបង្ហាញផលិតផលជិត ៥០០ ជាមួយនឹងផលិតផលជាង ១.៣០០មុខ ដែលជាផលិតផលពិសេសរបស់តំបន់ដូចជា៖ តែខ្មៅ ចេកពងមាន់ ផ្លែស្រកានាគ សាច់ក្រក ស្វាយចន្ទី  ផ្លែព្រូន ផ្លែស្វាយ ផ្លែមៀនជាដើម។ ទន្ទឹមនឹងនោះ មានហាងអនឡាញចំនួន ៦៥ នៅលើទីផ្សារពាណិជ្ជកម្មអេឡិចត្រូនិក ដែលត្រៀមរួចជាស្រេចដើម្បីបម្រើតម្រូវការទិញទំនិញរបស់អតិថិជនក្នុងប្រទេសនិងអន្តរជាតិ។

  នាយករដ្ឋមន្ត្រី លោក Pham Minh Chinh និងថ្នាក់ដឹកនាំក្រសួង ស្ថាប័នមជ្ឈិម និងមូលដ្ឋាន អញ្ជើញទស្សនាតូបតាំងបង្ហាញផលិតផលកសិកម្ម (រូបថត៖ VOV)  

ស្តង់តាំងពិព័រណ៌ត្រូវបានបែងចែកទៅជាតំបន់នីមួយៗ ដែលមានប្រធានបទផ្សេងៗគ្នា។ ដោយឡែកខេត្ត Son La ដែលជាម្ចាស់ផ្ទះនៃពិធីបុណ្យបានជ្រើសរើសផលិតផលកសិកម្ម រុក្ខាប្រមាញ់ និងនេសាទជាង ២២០ មុខមកតាំងពិពណ៌ក្នុងមហោស្រព ក្នុងនោះមានផលិតផល OCOP ជាង ៧០ មុខ រួមទាំងផលិតផលកសិកម្មស្រស់ និងកសិផលកែច្នៃ ភេសជ្ជៈ  ផលិតផលចម្រាញ់ពីរុក្ខជាតិឱសថ...។ លោក Luong Van Muoi ប្រធានសហករណ៍សេវាកម្មកសិកម្ម Hoa Muoi ស្រុក Song Ma ខេត្ត Son La បានចែករំលែកថា៖ “សហករណ៍របស់យើងនាំយកផលិតផលផ្លែមៀនទុំមកបង្ហាញ និងណែនាំដល់ភ្ញៀវទេសចរ។ យើងសង្ឃឹមថា ពិព័រណ៍នេះនឹងនាំមកនូវផលិតផលផ្លែឈើដល់អ្នកប្រើប្រាស់ អ្នកទស្សនា ដើម្បីទទួលបាននូវរសជាតិដ៏ផ្អែមឈ្ងុយឆ្ងាញ់របស់ផ្លែមៀនប្រចាំទន្លេ Ma។ លើសពីនេះទៅទៀត តាមរយៈមហោស្រពលើកនេះ អង្គភាពនាំចេញជាច្រើននឹងមកសហការជាមួយសហករណ៍ ដើម្បីជំរុញការនាំចេញកសិផលរបស់ប្រជាជនក្នុងតំបន់”។

ខេត្ត Son La សង្ឃឹមថា ព្រឹត្តិការណ៍នេះនឹងបញ្ជាក់ពីសមិទ្ធិផលផលិតកម្មកសិកម្មរបស់ខេត្ត ក៏ដូចជាដំណើរការរៀបចំរចនាសម្ព័ន្ធផលិតកម្មកសិកម្មឆ្ពោះទៅរកសេដ្ឋកិច្ចកសិកម្ម និងផលិតកម្មទំនិញធំ។ ទន្ទឹមនឹងនោះ ទាក់ទាញការវិនិយោគធំៗក្នុងវិស័យកសិកម្មនិយាយដោយឡែក និងទាក់ទាញការវិនិយោគលើសេដ្ឋកិច្ចរបស់ខេត្ត Son La៕

តាម​ VOV5 - វិទ្យុសម្លេងវៀតណាម

វៀតណាមនិងហុងគ្រីធ្វើពិពិធកម្មសកម្មភាពជួបប្រាស្រ័យប្រជាជន

វៀតណាមនិងហុងគ្រីធ្វើពិពិធកម្មសកម្មភាពជួបប្រាស្រ័យប្រជាជន

ក្នុងក្របខ័ណ្ឌនៃដំណើរទស្សនកិច្ចជាផ្លូវការនៅហុងគ្រី នាថ្ងៃទី ២៧ មិថុនា ម៉ោងក្នុងតំបន់ នៅទីក្រុង Budapest ប្រធានរដ្ឋសភាវៀតណាម លោក Vuong Dinh Hue បានអញ្ជើញជួបជាមួយប្រធានសមាគមមិត្តភាព ហុងគ្រី - វៀតណាម Botz László។

Top