បេក្ខជនគណបក្សប្រជាធិបតេយ្យ អតីតប្រធានាធិបតី លោក Donald Trump បានវ៉ាដាច់អនុប្រធានាធិបតី លោកស្រី Kamala Harris ដើម្បីឈ្នះការបោះឆ្នោតនាពេលថ្មីៗនេះ។ លោក Trump បានយកឈ្នះក្នុងរដ្ឋសមរភូមិ ទាំង៧។ លោកស្រីអនុប្រធានាធិបតី Harris បានទទួលយកបរាជ័យ ខណៈដែលលោកប្រធានាធិបតី Biden បានសន្យាផ្ទេរអំណាចដោយសន្តិភាពទៅឱ្យលោក Trump។ លោកប្រធានាធិបតី Joe Biden បានឲ្យដឹងថា លោកបានអញ្ជើញលោក Donald Trump ទៅកាន់សេតវិមាន ហើយបានដឹកនាំក្រុមរបស់លោកឱ្យសម្របសម្រួលជាមួយក្រុមរបស់លោក Trump ដើម្បីធានាឱ្យមានការផ្ទេរអំណាចប្រកបដោយសណ្តាប់ធ្នាប់។ ដំណើរការផ្ទេរអំណាចនឹងប្រព្រឹត្តទៅចាប់ពីពេលនេះរហូតដល់ពេលដែលលោក Trump ស្បថចូលកាន់តំណែងនៅថ្ងៃទី ២០ ខែមករា ឆ្នាំ ២០២៥ ហើយក្លាយជាប្រធានាធិបតីទី ៤៧ របស់សហរដ្ឋអាមេរិកជាផ្លូវការ៕
