• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

លោកនាយករដ្ឋមន្ត្រី Pham Minh Chinh មានបំណងជំរុញគម្រោងសហប្រតិបត្តិការរវាងវៀតណាមនិងអង់គ្លេស

លោកនាយករដ្ឋមន្ត្រី Pham Minh Chinh ទទួលជួបសាស្ត្រាចារ្យ Mohammed Abdel សាកលវិទ្យាធិការនៃសាកលវិទ្យាល័យ Liverpool និងតំណាងវិទ្យាស្ថានស្រាវជ្រាវ Hume នៃប្រទេសស្វីស ( រូបថត៖ baochinhphu.vn)


នាថ្ងៃទី៣១ ខែតុលា ឆ្នាំ២០២១ នៅទីក្រុង Edinburg, ស្កុតឡេន នៃចក្រភពអង់គ្លេសនិងអៀរឡង់ខាងជើង ក្នុងឱកាសអញ្ជើញចូលរួមកិច្ចប្រជុំ COP26 និងបំពេញទស្សនកិច្ចការងារនៅចក្រភពអង់ គ្លេស លោកនាយករដ្ឋមន្ត្រី Pham Minh Chinh បានអញ្ជើញទទួលជួបជាមួយថ្នាក់ដឹកនាំអង្គភាពអាជីវកម្មនិងសាកលវិទ្យាល័យមួយចំនួនរបស់អង់គ្លេស។

ក្នុងជំនួបជាមួយសាស្រ្តាចារ្យ Mohammed Abdel សាកលវិទ្យាធិការនៃសាកលវិទ្យាល័យ Liverpool និងជាតំណាងវិទ្យាស្ថានស្រាវជ្រាវ Hume របស់ស្វីស លោកនាយករដ្ឋមន្ត្រីបានស្នើថា សាកលវិទ្យាល័យ Liverpool និងវិទ្យាស្ថានស្រាវជ្រាវ Hume អាចតភ្ជាប់ជាមួយសាកលវិទ្យាល័យនិងស្ថាប័នស្រាវជ្រាវផ្សេងទៀតក្នុងកិច្ចសហប្រតិបត្តិការជាមួយប្រទេសវៀតណាម។ លោកសាស្ត្រា ចារ្យ Mohammed Abdel បានយល់ស្របនឹងប្រសាសន៍របស់នាយករដ្ឋមន្ត្រី Pham Minh Chinh ដោយបង្ហាញបំណងចង់ជំរុញគម្រោងកិច្ចសហប្រតិបត្តិការជាក់លាក់ជាមួយវៀតណាម ដើម្បីសម្រេចបានលទ្ធផលជាក់ស្តែង។

ក្នុងជំនួបជាមួយប្រធានសកលនៃសម្ព័ន្ធក្រុមហ៊ុន Pacific Land លោក Patrick McKillen លោកនាយករដ្ឋមន្ត្រីបានវាយតម្លៃខ្ពស់ចំពោះគម្រោងរបស់សម្ព័ន្ធក្រុមនេះនៅវៀតណាម ជាពិសេសគម្រោងមណ្ឌលបច្ចេកវិទ្យាជីវៈសាស្ត្រនៅទីក្រុងហាណូយ ដែលរួមចំណែកឆ្លើយតបទៅនឹងការប្រែប្រួលអាកាសធាតុ និងជំងឺដែលកំពុងលេចឡើង… ។ លោកនាយករដ្ឋមន្ត្រីបានស្នើឱ្យ Pacific Land សម្របសម្រួលយ៉ាងជិតស្និទ្ធជាមួយគណៈកម្មាធិការប្រជាជនទីក្រុងហាណូយនិងក្រសួងស្ថាប័នពាក់ព័ន្ធដើម្បីជំរុញការអនុវត្តគម្រោងមណ្ឌលបច្ចេកវិទ្យាជីវសាស្ត្រទីក្រុងហាណូយ ដោយធានាប្រសិទ្ធភាពនិងអនុលោមតាមបទបញ្ញត្តិបច្ចុប្បន្ន។

ក្នុងជំនួបជួបសន្ទនាជាមួយនាយកសម្ព័ន្ធក្រុមហ៊ុន Jardines លោក Adam Keswick ប្រធានសម្ព័ន្ធក្រុម Jardines ប្រចាំនៅវៀតណាម លោក Alain Cany លោកនាយករដ្ឋមន្ត្រីបានស្វាគមន៍ចំពោះសកម្មភាពសហប្រតិបត្តិការធ្វើអាជីវកម្មរបស់ក្រុមហ៊ុនជាមួយសហគ្រាសធំៗ របស់វៀត ណាមដូចជា Truong Hai Thaco និងក្រុមហ៊ុន Vinamilk ជាដើម។ លោកនាយករដ្ឋមន្ត្រីបានអះអាងនូវការគាំទ្រចំពោះការពង្រីកអាជីវកម្មរបស់សម្ព័ន្ធក្រុមហ៊ុននៅវៀតណាមនិងស្នើឱ្យក្រុមបន្តអមដំណើរនិងចែករំលែកបទពិសោធន៍ជាមួយធុរកិច្ចវៀតណាមផងដែរ៕

តាម VOV5 - វិទ្យុសំឡេងវៀតណាម

នាយករដ្ឋមន្ត្រីលោក ហ្វាម មិញ ជិញ៖ ត្រៀមរៀបចំគ្រប់លក្ខខណ្ឌសម្រាប់ពិធីសម្ពោធគម្រោងជាតិសំខាន់ៗនៅថ្ងៃទី ១៩ ខែធ្នូ ឆ្នាំ ២០២៥

នាយករដ្ឋមន្ត្រីលោក ហ្វាម មិញ ជិញ៖ ត្រៀមរៀបចំគ្រប់លក្ខខណ្ឌសម្រាប់ពិធីសម្ពោធគម្រោងជាតិសំខាន់ៗនៅថ្ងៃទី ១៩ ខែធ្នូ ឆ្នាំ ២០២៥

នាព្រឹកថ្ងៃទី ១៣ កក្កដា នៅទីក្រុង Can Tho នាយករដ្ឋមន្ត្រី លោក ហ្វាម មិញ ជិញ បានអញ្ជើញជួបធ្វើការជាមួយថ្នាក់ដឹកនាំខេត្ត ក្រុង នៅតំបន់ដីសណ្ដទន្លេ Cuu Long ស្តីពីស្ថានភាពនិងលទ្ធផល នៃការអនុវត្តសេចក្តីសម្រេចចិត្ត របស់គណៈកម្មាធិការមជ្ឈិម ការិយាល័យនយោបាយ និងលេខាធិការដ្ឋាន ស្តីពីការកសាង ការរៀបចំ និងប្រតិបត្តិការរបស់អាជ្ញាធរមូលដ្ឋានពីរកម្រិត; វឌ្ឍនភាពនៃគម្រោងផ្លូវល្បឿនលឿន គម្រោងហេដ្ឋារចនាសម្ព័ន្ធសំខាន់ៗ ក្នុងតំបន់និងលទ្ធផលនៃការអនុវត្តគម្រោងអភិវឌ្ឍន៍ប្រកបដោយចីរភាពលើផ្ទៃដី ១ លានហិកតា ស្រូវឯកទេសដែលមានគុណភាពខ្ពស់ បញ្ចេញឧស្ម័នទាបភ្ជាប់នឹងកំណើនបៃតង និងនិរន្តរភាពនៅតំបន់ដីសណ្តទន្លេ Cuu Long។

Top