ក្នុងកិច្ចប្រជុំនេះ រដ្ឋាភិបាលបានពិចារណាលើសេចក្តីព្រាងច្បាប់ វិសោធនកម្ម និងបំពេញបន្ថែមមាត្រាមួយចំនួននៃច្បាប់ស្តីពីនគរបាលប្រជាជន និងបានស្នើបង្កើតច្បាប់៖ ច្បាប់វិសោធនកម្ម និងបំពេញបន្ថែមច្បាប់ស្តីពីគ្រឹះស្ថានឥណទាន; ច្បាប់ស្តីពីអត្តសញ្ញាណប័ណ្ណសញ្ជាតិ (ធ្វើវិសោធនកម្ម); ច្បាប់ស្តីពីឧស្សាហកម្មការពារជាតិ   និងការចល័តឧស្សាហកម្ម; ច្បាប់ស្តីពីឧស្សាហកម្មបច្ចេកវិទ្យាឌីជីថល; ច្បាប់ស្តីពីការរៀបចំផែនការទីក្រុង និងជនបទ។

ក្នុងកិច្ចចាប់ផ្តើម លោកនាយករដ្ឋមន្ត្រី Pham Minh Chinh មានប្រសាសន៍ថា ការកសាងច្បាប់ និងសុក្រិតរបៀបរបប គឺជាចំណុចលោតផ្លោះយុទ្ធសាស្ត្រមួយក្នុងចំណោមចំណុចលោតផ្លោះយុទ្ធសាស្ត្រទាំងបី ហើយនឹងជាបញ្ហាអាទិភាពដែលត្រូវបានរដ្ឋាភិបាលផ្តោតការវិនិយោគ និងការអនុវត្តយ៉ាងខ្លាំងក្លា។ ការងារកសាង និងសុក្រិតរបៀបរបប បានធ្វើឱ្យមានការផ្លាស់ប្តូរជាវិជ្ជមាន ធានានូវវឌ្ឍនភាព និងគុណភាព។ លោកនាយករដ្ឋមន្ត្រីបានស្នើឱ្យសមាជិករដ្ឋាភិបាលបន្តផ្តល់យោបល់លើបញ្ហាសំខាន់ៗ ខណៈដែលមតិផ្សេងៗត្រូវពិភាក្សា និងពិគ្រោះយោបល់ជាមួយរដ្ឋាភិបាល ដើម្បីធានាបាននូវវឌ្ឍនភាព និងគុណភាពនៃសម័យប្រជុំ៕