ពិធីបើកយ៉ាងឱឡារិកនៃសន្និសីទប្រធានសភាពិភពលោកលើកទី ៦ ក្រោមប្រធានបទ “ពិភពលោកមានភាពច្របូកច្របល់៖ កិច្ចសហប្រតិបត្តិការសភានិងពហុភាគីនិយម ដើម្បីសន្តិភាព យុត្តិធម៌ និងវិបុលភាពសម្រាប់មនុស្សគ្រប់រូប”។ រូបថត៖ VOV

នារសៀលថ្ងៃដដែល ថ្លែងមតិក្នុងសម័យប្រជុំពិភាក្សាទូទៅនៃសន្និសីទ ប្រធានរដ្ឋសភាវៀតណាម លោក ត្រិន ថាញ់មិន បានសង្កត់ធ្ងន់ថា សភានៃបណ្តាប្រទេសចាំបាច់ត្រូវពង្រឹងកិច្ចសន្ទនា និងកសាងទំនុកចិត្ត “ការសន្ទនាជំនួសឱ្យការប្រឈមមុខដាក់គ្នា”។

ប្រធានរដ្ឋសភាចាត់ទុកថា កិច្ចសហប្រតិបត្តិការសភាក៏ជាការសន្យា ប្រែក្លាយពាក្យសម្តីទៅជាសកម្មភាព ប្រែក្លាយគំនិតឱ្យក្លាយជាការពិត និងប្រែក្លាយក្តីសង្ឃឹមទៅជាឱកាសពិតប្រាកដ សម្រាប់ប្រជាជនរាប់ពាន់លាននាក់ជុំវិញពិភពលោក។

“បណ្តាសភាត្រូវរក្សាវេទិកាជាប្រចាំដើម្បីពិភាក្សាអំពីបញ្ហាសកល ចាប់ពីជម្លោះក្នុងតំបន់ រហូតដល់បញ្ហាប្រឈមឆ្លងកាត់ព្រំដែន។ "ការសន្ទនាជំនួសឱ្យការប្រឈមមុខគ្នា - នោះគឺជាមធ្យោបាយតែមួយគត់ដើម្បីកសាងទំនុកចិត្តនិងស្មារតីនៃកិច្ចសហប្រតិបត្តិការដែលមានផលប្រយោជន៍ទៅវិញទៅមករវាងបណ្តាប្រជាជាតិនិងប្រជាជន" ។ ជំរុញយុត្តិធម៌និងសមភាព ចាំបាច់ត្រូវកំណត់អាទិភាពគោលនយោបាយដែលការពារសិទ្ធិមនុស្ស កាត់បន្ថយវិសមភាព និងធានាថា មិនទុកឱ្យនរណាម្នាក់នៅពីក្រោយឡើយ។ បណ្តាសភាត្រូវពង្រឹងតួនាទីត្រួតពិនិត្យ ដើម្បីធានាថា បណ្តារដ្ឋាភិបាលនឹងអនុវត្តន៍ការសន្យាស្តីពីយុត្តិធម៌សង្គម”។

ប្រធានរដ្ឋសភាវៀតណាមបានអះអាងថា រដ្ឋសភាវៀតណាមប្តេជ្ញាយ៉ាងមុតមាំចំពោះកិច្ចសហប្រតិបត្តិការពហុភាគីនិយមនិងកិច្ចសហប្រតិបត្តិការសភា៕