• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

រដ្ឋមន្ត្រីក្រសួងការបរទេសលោក Bui Thanh Son ជួបសន្ទនាជាមួយរដ្ឋមន្ត្រីការបរទេសអារ៉ាប៊ីសាអូឌីតលោក Faisal Bin Farhan Al Saud

ក្នុងក្របខ័ណ្ឌនៃដំណើរទស្សនកិច្ចនៅវៀតណាមរបស់រដ្ឋមន្ត្រីការបរទេសអារ៉ាប៊ីសាអូឌីត ព្រះអង្គម្ចាស់ Faisal Bin Farhan Al Saud (ថ្ងៃទី ១៧-១៨ ខែមីនា ឆ្នាំ ២០២២) នារសៀលថ្ងៃទី ១៧ ខែមីនា រដ្ឋមន្ត្រីការបរទេសវៀតណាមលោក Bui Thanh Son បានជួបសន្ទនាជាមួយរដ្ឋមន្ត្រីការបរទេសអារ៉ាប៊ីសាអូឌីត។
  រដ្ឋមន្ត្រីការបរទេសលោក Bui Thanh Son ជួបសន្ទនាជាមួយរដ្ឋមន្ត្រីការបរទេសអារ៉ាប៊ីសាអូឌីត ព្រះអង្គម្ចាស់ Faisal Bin Farhan Al Saud។ (រូបថត៖ Van Diep/TTXVN)  

នៅក្នុងកិច្ចសន្ទនានេះ រដ្ឋមន្ត្រីការបរទេសលោក Bui Thanh Son និងរដ្ឋមន្ត្រីការបរទេសអារ៉ាប៊ីសាអូឌីត ព្រះអង្គម្ចាស់ Faisal Bin Farhan Al Saud បានឯកភាពគ្នាដោយវាយតម្លៃថា នាពេលកន្លងមក ទំនាក់ទំនងកិច្ចសហប្រតិបត្តិការរវាង វៀតណាម-អារ៉ាប៊ីសាអូឌីតមានការអភិវឌ្ឍវិជ្ជមានលើវិស័យជាច្រើនផ្សេងៗគ្នា។ ទំនាក់ទំនងនយោបាយមានការអភិវឌ្ឍដ៏ល្អប្រសើរ ត្រូវបានឆ្លុះបញ្ចាំងតាមរយៈកិច្ចសន្ទនាតាមទូរស័ព្ទ និងទំនាក់ទំនងដោយផ្ទាល់រវាងមេដឹកនាំនៃក្រសួងការបរទេសទាំងពីរ ហើយភាគីទាំងពីរបានរក្សាការសម្របសម្រួលនិងការគាំទ្រគ្នាទៅវិញទៅមកនៅអង្គការអន្តរជាតិនានា។

ភាគីទាំងពីរបានឯកភាពគ្នាថា ចាំបាច់ត្រូវបន្តរក្សានិងពង្រីកការផ្លាស់ប្តូរគណៈប្រតិភូគ្រប់ជាន់ថ្នាក់ ជាពិសេសគណៈប្រតិភូជាន់ខ្ពស់ ដើម្បីសម្របសម្រួលយ៉ាងជិតស្និទ្ធនិងគាំទ្រគ្នាទៅវិញទៅមកនៅក្នុងអង្គការអន្តរជាតិនានា ជាពិសេសអង្គការសហប្រជាជាតិ; ហើយបានបញ្ជាក់ពីការគាំទ្រចំពោះពហុភាគីនិយម ដោះស្រាយការខ្វែងគំនិតគ្នាដោយឈរលើមូលដ្ឋាននៃកិច្ចសន្ទនានិងច្បាប់អន្តរជាតិ។ រដ្ឋមន្ត្រីទាំងពីរក៏បានឯកភាពគ្នាអនុវត្តឲ្យបានឆាប់ៗនូវយន្តការសហប្រតិបត្តិការដូចជា គណៈ កម្មាធិការអន្តររដ្ឋាភិបាល ការពិគ្រោះយោបល់នយោបាយរវាងក្រសួងការបរទេសទាំងពីរ; ជំរុញការចរចានិងចុះហត្ថលេខាលើកិច្ចព្រមព្រៀងជំរុញនិងការពារការវិនិយោគ; ពង្រឹងជំនួបប្រាស្រ័យរវាងប្រជាជននិងប្រជាជន៕

តាម​ VOV5 - វិទ្យុសម្លេងវៀតណាម

សេចក្តី​ប្រកាស​ព័ត៌មានពានរង្វាន់ជាតិ ស្តីពីព័ត៌មានកិច្ចការបរទេសលើកទី៩

សេចក្តី​ប្រកាស​ព័ត៌មានពានរង្វាន់ជាតិ ស្តីពីព័ត៌មានកិច្ចការបរទេសលើកទី៩

នាថ្ងៃទី ២៩ ខែមីនា ឆ្នាំ ២០២៣ គណៈកម្មាធិការដឹកនាំ ការងារព័ត៌មានកិច្ចការបរទេស គណៈឃោសនាអប់រំមជ្ឈិម ទីភ្នាក់ងារសារព័ត៌មានវៀតណាម និងស្ថាប័នពាក់ព័ន្ធបានរៀបចំសន្និសីទកាសែត ដើម្បីបើក​ដំណើរការពានរង្វាន់ជាតិស្តីពី​ព័ត៌មាន​កិច្ចការបរទេស​លើកទី ៩ ។ ពានរង្វាន់នេះមានគោលបំណងទទួលស្គាល់ និងផ្តល់កិត្តិយសដល់អ្នកនិពន្ធ ស្នាដៃ និងផលិតផលឆ្នើមក្នុងវិស័យព័ត៌មានកិច្ច​ការបរទេស និងរួមចំណែកលើកកម្ពស់សមិទ្ធិផលអភិវឌ្ឍន៍របស់ប្រទេសលើ​វស័យជាច្រើន។ ទីភ្នាក់ងារសារព័ត៌មានវៀតណាម គឺជាទីភ្នាក់ងារអចិន្ត្រៃយ៍នៃពានរង្វាន់ជាតិស្តីពីព័ត៌មាន​កិច្ច​ការ​បរទេសលើកទី៩។

Top