 ប្រធានក្រុមប្រឹក្សារដ្ឋបាលរដ្ឋមីយ៉ាន់ម៉ា (SAC) លោកឧត្តមសេនីយ Min Aung Hlaing ទទួលជួបឧបនាយករដ្ឋមន្ត្រីនិងជារដ្ឋមន្ត្រីការបរទេស កម្ពុជា លោក ប្រាក់ សុខុន បេសកជនពិសេសអាស៊ាន។ (រូបថត៖ ក្រសួងការបរទេសកម្ពុជា)
|
នាថ្ងៃទី ២១ ខែមីនា ប្រធានក្រុមប្រឹក្សារដ្ឋបាលរដ្ឋមីយ៉ាន់ម៉ា (SAC) លោកឧត្តមសេនីយ Min Aung Hlaing បានជួបជាមួយបេសកជនពិសេសនៃសមាគម ប្រជាជាតិអាស៊ីអាគ្នេយ៍ (អាស៊ាន) នៅរដ្ឋធានី Nay Pyi Taw។ លោក Min Aung Hlaing បានជួបពិភាក្សាការងារជាមួយឧបនាយករដ្ឋមន្ត្រីនិងជារដ្ឋមន្ត្រីការបរទេស កម្ពុជា លោក ប្រាក់ សុខុន បេសកជនពិសេសអាស៊ាន និងលោក Lim Jock Hoi អគ្គលេខាធិការអាស៊ាន។ នៅក្នុងជំនួបពិភាក្សានេះ លោក Min Aung Hlaing បាន ជម្រាបជូនបេសកជនអាស៊ានអំពីលទ្ធផលនៃការបោះឆ្នោតសកលឆ្នាំ ២០២០ និង ស្ថានភាពអំពើភេរវកម្មនៅប្រទេសមីយ៉ាន់ម៉ា។
ប្រធាន SAC និងបេសកជនពិសេសអាស៊ានបានផ្លាស់ប្តូរយោបល់លើបញ្ហា ទាក់ទងនឹងវឌ្ឍនភាពនៃការអនុវត្តការព្រមព្រៀងជាឯកឆន្ទ៥ចំណុចរបស់អាស៊ាន ការផ្តល់ជំនួយមនុស្សធម៌ដល់ប្រជាជនមីយ៉ាន់ម៉ា និងការពង្រឹងកិច្ចសហប្រតិបត្តិការអាស៊ាន៕
