នាថ្ងៃទី១១ ខែមករា ឆ្នាំ២០១៨ នៅទីក្រុងហាណូយ ក្រសួងការបរទេសវៀតណាមបានរៀបចំពីធីជួបសំណេះសំណាលជាមួយតំណាងស្ថាប័នការទូត អ្នកយកព័ត៌មាន ជំនួយការសារ ព័ត៌មានបរទេសនៅវៀតណាម ក្នុងឱកាសបុណ្យចូលឆ្នាំថ្មី ឆ្នាំសកល២០១៨។
អនុរដ្ឋមន្ត្រីការបរទេសវៀតណាម លោក Ha Kim Ngoc ថ្លែងមតិក្នុងពិធី (រូបថតៈ vietnamnet.vn)
អញ្ជើញថ្លែងមតិក្នុងជំនួបនេះ អនុរដ្ឋមន្ត្រីការបរទេសវៀតណាម លោក Ha Kim Ngoc បានថ្លែងអំណរគុណចំពោះការវាយតម្លៃដ៏ល្អប្រសើរអំពីវៀតណាមលើសារព័ត៌មាន បរទេសនាពេលកន្លងទៅ និងមានបំណងទទួលបានការរួមដំណើរនិងការគាំទ្ររបស់ ស្ថាប័នសារព័ត៌មានទីភ្នាក់ងារសារព័ត៌មានបន្តទៀត ក្នុងដំណើរការឈានដល់ភាព ជោគជ័យ។
លោក Ha Kim Ngoc ឲ្យដឹងថា ភារកិច្ចរបស់ផ្នែកការទូតក្នុងឆ្នាំ ២០១៨ គឺបន្តរក្សាបរិយាកាសសន្តិភាព ស្ថិរភាព កិច្ចសហប្រតិបត្តិការសម្រាប់ធានាការអនុវត្តរាល់គោលដៅសន្តិសុខ និងអភិវឌ្ឍន៍របស់វៀតណាម ហេតុដូច្នេះ មិនអាចខ្វះបានឡើយនូវការគាំទ្ររបស់សហគមន៍អន្តរជាតិនិងតំបន់។ ក្នុងនោះ ស្ថាប័នសារព័ត៌មាន ទីភ្នាក់ងារសារព័ត៌មានបានដើរតួនាទីសំខាន់ជាស្ពានតភ្ជាប់វៀតណាមជាមួយពិភពលោក ជួយឲ្យពិភពលោកយល់បន្ថែមអំពីសភាពការណ៍នៅវៀតណាមនិងរួមចំណែកនាំប្រទេស ទាំងអស់ខិតមកជិតជាមួយគ្នា៕
តាម VOV5 - វិទ្យុសម្លេងវៀតណាម
