នាថ្ងៃទី ១៨ សីហា នៅទីក្រុងហាណូយ ក្នុងពិធីទទួលជួបឧបនាយករដ្ឋមន្ត្រី និងជារដ្ឋមន្ត្រីការបរទេសកាហ្សាក់ស្ថាន លោក Mukhtar Tileuberdi ក្នុងឱកាសនៃដំណើរទស្សនកិច្ចជាផ្លូវការនៅវៀតណាម ចាប់ពីថ្ងៃទី ១៧ ដល់ថ្ងៃទី ១៨ ខែសីហា ប្រធានរដ្ឋវៀតណាម លោក Nguyen Xuan Phuc បានវាយតម្លៃខ្ពស់ចំពោះដំណើរទស្សនកិច្ចលើកដំបូងនៅវៀតណាមរបស់ លោកឧបនាយករដ្ឋមន្ត្រី និងជារដ្ឋមន្ត្រីការបរទេសកាហ្សាក់ស្ថាន ចំទៅនឹងឱកាសខួបលើកទី ៣០ នៃការបង្កើតទំនាក់ទំនងការទូតរវាងប្រទេសទាំងពីរ (១៩៩២-២០២២)។ ក្នុងជំនួបនេះ លោកប្រធានរដ្ឋជឿជាក់ថា ដំណើរទស្សនកិច្ចនេះនឹងរួមចំណែកក្នុងការពង្រឹងនិងអភិវឌ្ឍន៍ថែមទៀតនូវទំនាក់ទំនងមិត្តភាព និងកិច្ចសហប្រតិបត្តិការជាប្រពៃណីរវាងវៀតណាមនិងកាហ្សាក់ស្ថាន។ លោកប្រធានរដ្ឋបានស្នើភាគីទាំងពីរលើកកម្ពស់គុណសម្បត្តិនៃកិច្ចព្រមព្រៀងពាណិជ្ជ កម្មសេរីរវាងវៀតណាម និងសហភាពសេដ្ឋកិច្ចអាស៊ី-អឺរ៉ុប (EAEU) ដែលកាហ្សាក់ស្ថានជាសមាជិក; ហើយមានគោលបំណងថា ភាគីទាំងពីរនឹងជំរុញកិច្ចសហប្រតិបត្តិការលើវិស័យសក្តានុពលដូចជា កសិកម្ម ទេសចរណ៍ ដឹកជញ្ជូន... ហើយស្វាគមន៍ចំពោះផែនការបើកជើងហោះហើរត្រង់រវាងវៀតណាម និងកាហ្សាក់ស្ថាន។
អញ្ជើ្ជញជាការឆ្លើយតប ឧបនាយករដ្ឋមន្ត្រី និងជារដ្ឋមន្ត្រីការបរទេសកាហ្សាក់ស្ថាន Mukhtar Tileuberdi បានអះអាងថា វៀតណាមជាដៃគូសំខាន់សម្រាប់កាហ្សាក់ស្ថានក្នុងតំបន់អាស៊ី-ប៉ាស៊ីហ្វិក; សង្កត់ធ្ងន់ថា កាហ្សាក់ស្ថានមានបំណងជំរុញកិច្ចសហប្រតិបត្តិការជាមួយវៀតណាម លើវិស័យសេដ្ឋកិច្ច - ពាណិជ្ជកម្ម វិនិយោគ ហិរញ្ញវត្ថុ អប់រំ - បណ្តុះបណ្តាល វប្បធម៌ - ទេសចរណ៍ ការដឹកជញ្ជូន ថាមពលស្អាត ឧស្សាហកម្មបច្ចេកវិទ្យាខ្ពស់ផងដែរ៕
