ថ្លែងនៅក្នុងពិធីនេះ លោកស្រី ង្វៀន ធីហា អនុរដ្ឋមន្ត្រីក្រសួងមហាផ្ទៃ បានមានប្រសាសន៍ថា ដើម្បីពង្រឹងការអនុវត្តសមភាពយេនឌ័រ និងធានាសុវត្ថិភាពសម្រាប់ស្ត្រី និងកុមារីក្នុងយុគសម័យឌីជីថល ក្រសួងមហាផ្ទៃបានចេញផែនការផ្លាស់ប្តូរឌីជីថល ដើម្បីដាក់ពង្រាយវិធានការ និងគោលនយោបាយអនុវត្តបច្ចេកវិទ្យាឌីជីថល ក្នុងដំណើរការអនុវត្តកាតព្វកិច្ច  ធានាសន្តិសុខសង្គម និងបង្កើនសមត្ថភាពក្នុងការបម្រើប្រជាជន។

គណៈប្រតិភូចូលរួមក្នុងពិធីបើក (រូបថត៖ ហាណាំ/VOV)

លោកស្រី Pauline Tamesis អ្នកសម្របសម្រួលអង្គការសហប្រជាជាតិប្រចាំនៅវៀតណាម បានសង្កត់ធ្ងន់ថា វៀតណាមកំពុងឆ្ពោះទៅរកគោល ដៅនៃសមភាពយេនឌ័រ។ អង្គការសហប្រជាជាតិបានត្រៀមខ្លួនរួចជាស្រេចដើម្បីធ្វើជាដៃគូ អ្នកភ្ជាប់ ដោយគាំទ្រប្រទេសវៀតណាមឱ្យសម្រេចបាននូវការសន្យានៃអនាគតឌីជីថល - អនាគតនៃសុវត្ថិភាព សមភាព និងសេចក្តីថ្លៃថ្នូរសម្រាប់ទាំងអស់គ្នា។ យើងចូលរួមគ្នាដើម្បីធ្វើឱ្យយុគសម័យឌីជីថលក្លាយជាឱកាស មិនមែនជាការគំរាមកំហែងសម្រាប់ស្ត្រី ក្មេងស្រី និងកុមារគ្រប់រូបនៅក្នុងប្រទេសវៀតណាម។

ភ្លាមៗបន្ទាប់ពីពិធីបើក សកម្មភាពជាច្រើនដើម្បីឆ្លើយតបទៅនឹងខែសកម្មភាពត្រូវបានរៀបចំឡើងដោយក្រសួង សាខា ភ្នាក់ងារ និងមូលដ្ឋានទូទាំងប្រទេស។ ខែសកម្មភាពសម្រាប់សមភាពយេនឌ័រ ការបង្ការ និងការឆ្លើយតបចំពោះអំពើហិង្សាផ្អែកលើយេនឌ័រត្រូវបានប្រារព្ធឡើងចាប់ពីថ្ងៃទី ១៥ ខែវិច្ឆិកា ដល់ថ្ងៃទី ១៥ ខែធ្នូ ជារៀងរាល់ឆ្នាំ៕