ប្រធានាធិបតីឥណ្ឌា លោកស្រី ឌ្រូប៉ាឌី មួរមូ និងនាយករដ្ឋមន្ត្រីឥណ្ឌា លោក ណារិនដ្រា ម៉ូឌី បានធ្វើជាសហអធិបតីក្នុង​ពិធីបដិសណ្ឋារកិច្ចចំពោះលោកអគ្គលេខាបក្ស ប្រធានរដ្ឋវៀតណាម តូ ឡឹម។ រូបថត៖ VNA

លោកប្រធានាធិបតី ឌ្រូប៉ាឌី មួរមូ និងលោកនាយករដ្ឋមន្ត្រី ណារិនដ្រា ម៉ូឌី បានស្វាគមន៍លោកអគ្គលេខាបក្ស ប្រធានរដ្ឋ តូ ឡឹម អញ្ជើញ​ម​ក​បំពេញ​ទស្សនកិច្ចផ្លូវរដ្ឋនៅឥណ្ឌា ហើយមេដឹកនាំទាំងបី​រូប​បានថតរូបអនុស្សាវរីយ៍។ លោកប្រធានាធិបតី ឌ្រូប៉ាឌី មួរមូ និងលោកនាយករដ្ឋមន្ត្រី ណារិនដ្រា ម៉ូឌី បានអញ្ជើញលោកអគ្គលេខាបក្ស ប្រធានរដ្ឋ តូ ឡឹម ឲ្យឡើងលើវេទិកាកិត្តិយស ក្រោមទង់ជាតិវៀតណាម និងទង់ជាតិ​ឥណ្ឌា ជាមួយការបាញ់កាំភ្លើងធំចំនួន ២១គ្រាប់។

បន្ទាប់ពីពិធីបដិសណ្ឋារកិច្ច លោកអគ្គលេខាបក្ស ប្រធានរដ្ឋ តូ ឡឹម និងគណៈប្រតិភូ​វៀតណាម​បានអញ្ជើញ​ទៅដាក់កម្រងផ្កានៅវិមានរំលឹកវិញ្ញាណក្ខន្ធ មហាត្មៈ គន្ធី - មេដឹ​កនាំ និងជាវីរបុរសជាតិឥណ្ឌា។ មុននោះ លោកអគ្គលេខាបក្ស ប្រធានរដ្ឋ តូ ឡឹម រួមជាមួយគណៈប្រតិភូជាន់ខ្ពស់វៀតណាម បានទៅដាក់កម្រងផ្កានៅ​រូបសំណាកលោកប្រធាន ហូជីមិញ ដែលមានទីតាំងនៅឧទ្យាន G20 នៅទីក្រុងញូវដេលី៕​