ប្រធានរដ្ឋសភាវៀតណាម លោកស្រី Nguyen Thi Kim Ngan ក្នុងសម័យប្រជុំនេះ (រូបថត៖ VNA)

នារសៀលថ្ងៃទី៣ ខែមីនា ឆ្នាំ២០២១ នៅទីក្រុងហាណូយ ក្រុមប្រឹក្សាជាតិរៀបចំការបោះឆ្នោតបានបើកសម័យប្រជុំពេញអង្គលើកទី ៣ ក្រោមអធិបតីភាពប្រធានរដ្ឋសភាវៀតណាម និងជាប្រធានក្រុមប្រឹក្សាជាតិរៀបចំការបោះឆ្នោត លោកស្រី Nguyen Thi Kim Ngan។

ក្នុងសម័យប្រជុំលើកទី ៣ នៃក្រុមប្រឹក្សាជាតិរៀបចំការបោះឆ្នោតនេះ អង្គប្រជុំបានស្តាប់របាយការណ៍ស្តីពីលទ្ធផលនៃការកែតម្រូវ បន្ទាប់ពីកិច្ចប្រជុំពិគ្រោះយោបល់លើកដំបូងស្តីពីរចនាសម្ព័ន្ធ សមាសភាព និងចំនួនសមាជិករដ្ឋសភានីតិកាលទី ១៤ ក៏ដូចជាស្ថានភាពស្ថាប័នអង្គការ និងអង្គភាពនៅថ្នាក់មជ្ឈិមនិងមូលដ្ឋាន ដោយត្រៀមរៀបចំកិច្ចប្រជុំពិគ្រោះយោបល់លើកទី២ ដើម្បបង្កើតបញ្ជីបេក្ខជនជាបឋមក្នុងការឈរឈ្មោះធ្វើជាសមាជិករដ្ឋសភា និងសមាជិកក្រុមប្រឹក្សាប្រជាជនផងដែរ។ ប្រធានរដ្ឋសភាវៀតណាម លោកស្រី Nguyen Thi Kim Ngan បានមានប្រសាសន៍ថា៖

«ពេលវេលាចាប់ពីពេលនេះដល់ថ្ងៃផុតកំណត់នៃការដាក់ពាក្យសុំឈរឈ្មោះធ្វើជាបេក្ខជនគឺមិនមានច្រើនទេ ហេតុដូច្នេះយើងត្រូវតែមមាញឹកបន្ថែមទៀត ហើយចាំបាច់ត្រូវមានការប្រុងប្រយ័ត្នក្នុងការបង្កើតមូលដ្ឋានរឹងមាំសម្រាប់ការអនុវត្តការងារដឹកនាំ និងបញ្ជាណែនាំនៅទូទាំងប្រទេស សំដៅធានាថាប្រជាពលរដ្ឋ និងអ្នកបោះឆ្នោតទូទាំងប្រទេសមានសិទ្ធិទទួលបានការចូលរួមក្នុងការបោះឆ្នោតប្រកបដោយប្រជាធិបតេយ្យនិងយុត្តិធម៌ ស្របតាមបទប្បញ្ញត្តិនៃច្បាប់។ ការបោះឆ្នោតនឹងប្រព្រឹត្តទៅប្រកបដោយសុវត្ថិភាពនិងសន្សំសម្ចៃ ហើយក៏នឹងក្លាយទៅជាពិធីបុណ្យដ៏អស្ចារ្យរបស់ប្រជាជនវៀតណាមនៅក្នុងឆ្នាំ ២០២១ ផងដែរ» ៕

តាម VOV5 - វិទ្យុសំឡេងវៀតណាម