• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ប្រធានរដ្ឋសភាវៀតណាមលោកស្រី Nguyen Thi Kim Ngan អញ្ជើញជួបចរចា ជាមួយសមភាគីកូរ៉េខាងត្បូងលោក Moon Hee Sang

នារសៀលថ្ងៃទី៦ ខែធ្នូ ឆ្នាំ២០១៨ នៅអគាររដ្ឋសភាកូរ៉េខាងត្បូងនៅរដ្ឋធានីសេអ៊ូល ពិធីទទួលបដិសណ្ឋារកិច្ចប្រធានរដ្ឋសភាវៀតណាមលោកស្រី Nguyen Thi Kim Ngan និងគណៈប្រតិភូជាន់ខ្ពស់នៃរដ្ឋសភាវៀតណាមត្រូវបានរៀបចំឡើងយ៉ាង ឱឡារិក ក្រោមអធិបតីភាពរបស់ប្រធានរដ្ឋសភាកូរ៉េខាងត្បូងលោក Moon Hee Sang។

ប្រធានរដ្ឋសភាទាំងពីររូបនៅក្នុងជំនួបចរចា (រូបថត៖ VOV)

បន្ទាប់ពីពិធីទទួលបដិសណ្ឋារកិច្ច ភាគីទាំងពីរបានដំណើរការចរចា។ នៅក្នុងជំនួបចរចា ប្រធានរដ្ឋសភាកូរ៉េខាងត្បូងបានវាយតម្លៃខ្ពស់ចំពោះការអភិវឌ្ឍយ៉ាងខ្លាំងក្លាលើគ្រប់វិស័យក្នុងទំនាក់ទំនងរវាងប្រទេសទាំងពីរ។
នាបច្ចុប្បន្ន វៀតណាមកំពុងជាដៃគូពាណិជ្ជកម្មធំទី៤របស់កូរ៉េខាងត្បូង។ ក្នុងឆ្នាំ ២០១៧ ទំហំពាណិជ្ជកម្មទ្វេភាគី​ទទួលបាន ៦៣ ពាន់ ៩ រយលានដុល្លាអាមេរិក ពោលគឺកើន ៤០% បើប្រៀបធៀបនឹងឆ្នាំទៅមិញ។
ចំពោះវៀតណាម កូរ៉េខាងត្បូងក៏ជាវិនិយោគិនធំបំផុតដោយដើមទុនសរុបឡើងដល់ទៅ ៧៥ ពាន់លានដុល្លាអាមេរិកផងដែរ។ ប្រធានរដ្ឋសភាកូរ៉េខាងត្បូង លោក Moon Hee Sang បានអះអាងថា វៀតណាមជាដៃគូសហប្រតិបតិ្តការអភិវឌ្ឍធំបំផុតរបស់កូរ៉េខាងត្បូង ព្រមទាំងសម្ដែងនូវគោលបំណងចង់កសាងទំនាក់ទំនងសហប្រតិបត្តិការ​មិត្តភាពដើម្បីផលប្រយោជន៍សម្រាប់ភាគីទាំងពីរ ផងដែរ។

ចំណែកឯប្រធានរដ្ឋសភាវៀតណាមលោកស្រី Nguyen Thi Kim Ngan វិញ ក៏បានអះអាងថា រដ្ឋសភាវៀតណាមត្រៀមខ្លួនជាស្រេចបើកពង្រីកទំនាក់ទំនងមិត្តភាពដ៏ល្អប្រសើរនិងកិច្ចសហប្រតិបតិ្តការដោយចីរភាពរវាងរដ្ឋសភានៃប្រទេសទាំងពីរ សំដៅរួមចំណែកជំរុញទំនាក់ទំនងភាពជាដៃគូសហប្រតិបតិ្តការយុទ្ធសាស្ត្រ​វៀត​ណាម​-​កូរ៉េខាងត្បូង ដើម្បីផលប្រយោជន៍របស់ប្រជាជននៃប្រទេសទាំងពីរ។ ដើម្បីបង្កើនទំហំពាណិជ្ជកម្មទ្វេភាគីឡើងដល់ទៅ ១០០ ពាន់លានដុល្លាអាមេរិក នាឆ្នាំ២០២០ប្រកបដោយតុល្យភាព ប្រធានរដ្ឋសភាវៀតណាមលោកស្រី Nguyen Thi Kim Ngan បានស្នើអោយភាគីទាំងពីរបន្តរក្សាយន្តការសហប្រតិបតិ្តការទ្វេភាគីដែលមានស្រាប់ ព្រមទាំងចាត់វិធានការសំដៅបើកពង្រីកនិងលើកកំពស់គុណភាពនិងប្រសិទ្ធភាពនៃកិច្ចសហប្រតិបតិ្តការសេដ្ឋកិច្ច ពាណិជ្ជកម្ម វិនិយោគនិងទេសចរណ៍ផងដែរ។

ចំពោះបញ្ហាអន្តរជាតិនានា លោកស្រី Nguyen Thi Kim Ngan បានអះអាងថា វៀតណាមស្វាគមន៍ “គោលនយោបាយឆ្ពោះទៅទិសខាងត្បូងថ្មី” របស់កូរ៉េខាងត្បូងដែលផ្តោតទៅលើការជំរុញកិច្ចសហប្រតិបតិ្តការជាមួយប្រទេសអាស៊ាននានាដែលក្នុងនោះចំណុចសំខាន់គឺវៀតណាម។ វៀតណាមក៏វាយតម្លៃខ្ពស់ចំពោះគោលជំហររបស់កូរ៉េខាងត្បូងស្ដីពីបញ្ហាសមុទ្រខាងកើត ដែលគាំទ្រ ការរក្សាសន្តិភាព ស្ថិរភាព ការដោះស្រាយជម្លោះដោយសន្តិវិធីអោយបានសម ស្របទៅនឹងច្បាប់អន្តរជាតិ៕

តាម VOV5 - វិទ្យុសម្លេងវៀតណាម 

នាយករដ្ឋមន្ត្រីលោក Pham Minh Chinh មកដល់ទីក្រុងហាណូយបញ្ចប់ដោយជោគ ជ័យដំណើរទស្សនកិច្ចនៅសហរដ្ឋអាមេរិក និងប្រេស៊ីល

នាយករដ្ឋមន្ត្រីលោក Pham Minh Chinh មកដល់ទីក្រុងហាណូយបញ្ចប់ដោយជោគ ជ័យដំណើរទស្សនកិច្ចនៅសហរដ្ឋអាមេរិក និងប្រេស៊ីល

នារសៀលថ្ងៃទី២៧ ខែកញ្ញា ឆ្នាំ២០២៣ យន្តហោះពិសេសដឹកលោកនាយករដ្ឋមន្ត្រី Pham Minh Chinh និងគណៈប្រតិភូជាន់ខ្ពស់វៀតណាម បានមកដល់អាកាស យានដ្ឋានអន្តរជាតិ Noi Bai នៃទីក្រុងហាណូយ បញ្ចប់ដំណើរទស្សនកិច្ចចូលរួមកិច្ចប្រជុំ សប្តាហ៍កំពូលនៃមហា សន្និបាតអង្គការសហប្រជាជាតិ រួមផ្សំសកម្មភាពទ្វេភាគីនៅសហរដ្ឋអាមេរិក និងដំណើរទស្សនកិច្ចជាផ្លូវការនៅប្រទេសប្រេស៊ីល។

Top