នៅក្នុងជំនួបនេះ ថ្នាក់ដឹកនាំទាំងពីរបានសម្តែងការពេញចិត្តចំពោះលទ្ធផលនៃកិច្ចសហប្រតិបត្តិការសេដ្ឋកិច្ចទ្វេភាគី ជាពិសេសគឺសិង្ហបុរីរក្សាឋានៈរបស់ខ្លួនជាអ្នកវិនិយោគធំទីពីរនៅវៀតណាមជាមួយនឹងគម្រោងជាង ៣.៨០០ គម្រោង ដោយមានទុនវិនិយោគសរុបជាង ៨១ ពាន់លានដុល្លារអាមេរិក; មានបណ្តាញសួនឧស្សាហកម្មវៀតណាម - សិង្ហបុរី (VSIP) ចំនួន ១៨ នៅតាមខេត្ត ក្រុងចំនួន ១៣ នៃប្រទេសវៀតណាម ដែលជានិមិត្តរូបនៃកិច្ចសហប្រតិបត្តិការសេដ្ឋកិច្ចប្រកបដោយជោគជ័យរវាងប្រទេសទាំងពីរ។

ប្រធានរដ្ឋសភាវៀតណាម លោក ត្រឹន ថាញ់ មិន ក៏បានវាយតម្លៃខ្ពស់និងស្នើឱ្យរដ្ឋាភិបាលសិង្ហបុរីបន្តយកចិត្តទុកដាក់និងបង្កលក្ខណៈងាយស្រួលសម្រាប់អាជីវកម្ម វិនិយោគិន និងប្រជាជនវៀតណាមប្រមាណ ២៥.០០០ នាក់នៅសិង្ហបុរីក្នុងការរស់នៅ ធ្វើការប្រកបដោយលក្ខណៈងាយស្រួល រួមចំណែកអភិវឌ្ឍន៍ទំនាក់ទំនងរវាងប្រទេសទាំងពីរ   ក៏ដូចជាការរួមចំណែកជាវិជ្ជមានដល់ការអភិវឌ្ឍសេដ្ឋកិច្ចសង្គមរបស់ប្រទេសសិង្ហបុរី។

ទាក់ទងនឹងបញ្ហាអន្តរជាតិនិងតំបន់ ភាគីទាំងពីរបានឯកភាពបន្តសម្របសម្រួលយ៉ាងជិតស្និទ្ធ គាំទ្រគ្នាទៅវិញទៅមកនៅវេទិកានិងអង្គការពហុភាគី ហើយខិតខំរក្សាសាមគ្គីភាព និងការបង្រួបបង្រួមតួនាទីកណ្តាលនៃសមាគមប្រជាជាតិអាស៊ីអាគ្នេយ៍ (អាស៊ាន) ក្នុងបញ្ហាយុទ្ធសាស្ត្រ ដែលប៉ះពាល់ដល់សន្តិសុខ និងការអភិវឌ្ឍរបស់សហគមន៍អាស៊ាន និងបណ្តាប្រទេសក្នុងតំបន់ រួមទាំងបញ្ហាសមុទ្រខាងកើតផងដែរ៕