ប្រធានរដ្ឋវៀតណាមលោក Vo Van Thuong ទទួលជួបនាយករដ្ឋមន្ត្រីសិង្ហបុរី លោក Lee Hsien Loong

នៅក្នុងកិច្ចប្រជុំនេះ ថ្នាក់ដឹកនាំទាំងពីរបានឯកភាពគ្នាក្នុងការជំរុញការអនុវត្តប្រកបដោយប្រសិទ្ធភាពនៃភាពជាដៃគូសេដ្ឋកិច្ចឌីជីថល - ភាពជាដៃគូសេដ្ឋកិច្ចបៃតង ដែលទើបបង្កើតឡើងក្នុងខែកុម្ភៈ ឆ្នាំ ២០២៣។ ថ្នាក់ដឹកនាំទាំងពីរក៏បានស្វាគមន៍ចំពោះការលើកកម្ពស់ការផ្លាស់ប្តូរ គណៈប្រតិភូថ្នាក់ខ្ពស់នៅគ្រប់បណ្តាញរបស់បក្ស រដ្ឋ រដ្ឋាភិបាល និងរដ្ឋសភា; អនុវត្តន៍យន្តការសហប្រតិបត្តិការទ្វេភាគីប្រកបដោយប្រសិទ្ធភាព; ពង្រឹងកិច្ចសហប្រតិបត្តិការក្នុងវិស័យអប់រំ និងបណ្តុះបណ្តាល និងជំរុញការផ្លាស់ប្តូរប្រជាជនជាមួយប្រជាជន។ ក្រៅពីបន្តលើកកម្ពស់វិស័យសហប្រតិបត្តិការប្រពៃណី ថ្នាក់ដឹកនាំទាំងពីរក៏បានឯកភាពពង្រឹងកិច្ចសហប្រតិបត្តិការលើវិស័យថ្មីៗ។

ពិភាក្សាលើបញ្ហាអន្តរជាតិ និងតំបន់ ថ្នាក់ដឹកនាំទាំងពីរបានឯកភាពថា ក្នុងបរិបទនៃស្ថានការណ៍ពិភពលោកដ៏ស្មុគស្មាញ ភាគីទាំងពីរនឹងបន្តសម្របសម្រួល និងគាំទ្រគ្នាទៅវិញទៅមក ដើម្បីសន្តិភាព ស្ថិរភាព និងកិច្ចសហប្រតិបត្តិការ និងអភិវឌ្ឍន៍; រក្សាសាមគ្គីភាព និងគោលជំហររួមរបស់សមាគមប្រជាជាតិអាស៊ីអាគ្នេយ៍ (អាស៊ាន) លើបញ្ហាអន្តរជាតិ និងតំបន់សំខាន់ៗ រួមទាំងបញ្ហាសមុទ្រខាងកើតផងដែរ៕