ទទួលស្វាគមន៍លោកប្រធានរដ្ឋ លឿង គឿង និងគណៈប្រតិភូជាន់ខ្ពស់វៀតណាមនៅអាកាសយានដ្ឋាន Wattay មានប្រធានខុទ្ធកាល័យប្រធានរដ្ឋឡាវ; អភិបាលក្រុងវៀងច័ន្ទ និងថ្នាក់ដឹកនាំក្រសួង និងស្ថាប័នពាក់ព័ន្ធនៃប្រទេសឡាវ។ ខាងវៀតណាមមានឯកអគ្គរដ្ឋទូតវៀតណាមប្រចាំនៅឡាវ លោក Nguyen Minh Tam បុគ្គលិកស្ថានទូត និងសហគមន៍ជនវៀតណាមយ៉ាងច្រើនកុះករនៅឡាវ។

តាមការគ្រោងទុក ក្នុងដំណើរបំពេញទស្សនកិច្ចផ្លូវរដ្ឋនៅប្រទេសឡាវ លោកប្រធានរដ្ឋ លឿង គឿង នឹងចូលរួមកិច្ចពិភាក្សាការងារជាមួយអគ្គលេខាបក្ស ប្រធានរដ្ឋឡាវ លោក ថងលូន ស៊ីសូលីត ព្រមទាំងធ្វើជាសាក្សីក្នុងពិធីចុះហត្ថលេខាលើឯកសារសហប្រតិបត្តិការរវាងប្រទេសទាំងពីរ។ លោកប្រធានរដ្ឋក៏នឹងមានជំនួបសវនាការជាមួយនាយករដ្ឋមន្ត្រី និងប្រធានរដ្ឋសភាឡាវ; ទស្សនាស្ថានទូតវៀតណាម; ជួបជាមួយសហគមន៍ជនវៀតណាមនៅឡាវ និងសកម្មភាពសំខាន់ៗមួយចំនួនទៀត៕