នាថ្ងៃទី ២៨ ខែមករា ចំពោះមុខការរីករាលដាលនៃជំងឺរលាកសួតដែលបណ្តាលមកពីវីរុសកូរ៉ូណាប្រភេទថ្មី នៅទីក្រុង Wuhan នោះ ប្រទេសចិននិងសហរដ្ឋអាមេរិកបានបង្កើនកម្រិតប្រកាសអាសន្នចំពោះដំណើរទេសចរណ៍មកកាន់ចិនដល់កម្រិតទីបី ជាកម្រិតខ្ពស់បំផុត ដោយណែនាំឱ្យប្រជាជនកាត់បន្ថយដំណើរទៅកាន់ចិន។
នៅខេត្ត Hubei (ចិន) ក្នុងរយៈពេលតែមួយថ្ងៃ បានកើនឡើងជិត ១៣០០ ករណីនៃជំងឺរលាកសួត ប្រភេទថ្មី បណ្តាលមកពីវីរុសកូរ៉ូណា
យោងតាមការព្រមាន ជំងឺរាតត្បាតនេះបង្កគ្រោះថ្នាក់ខ្លាំងណាស់ចំពោះភ្ញៀវទេសចរ ព្រោះបច្ចុប្បន្នមិនមានវិធានការបង្ការទប់ស្កាត់ការឆ្លងរីករាលដាលនៅឡើយ។ ការព្រមាននេះបានលើកឡើងថា ជំងឺរលាកសួតនៅចិនបានឆ្លងពីមនុស្សម្នាក់ទៅមនុស្សម្នាក់ ហើយមនុស្សវ័យចំណាស់និងមានខុសភាពអន់ខ្សោយនឹងងាយរងគ្រោះថ្នាក់ជាងខណៈផ្ទុកជំងឺប្រភេទនេះ។
ក្រសួងការបរទេសសហរដ្ឋអាមេរិកបានស្នើសុំឱ្យអ្នកការទូតនៅទីក្រុង Wuhan ខេត្ត Hubei វិលត្រឡប់មកមាតុភូមិវិញ។ ក្រៅពីនេះ សហរដ្ឋអាមេរិកក៏បានយកយន្តហោះសម្រាប់ដឹកពលរដ្ឋរបស់ខ្លួនមកស្រុកវិញពីទីក្រុងវូហាន នៅថ្ងៃទី ២៩ ខែមករាផងដែរ។ មន្ត្រីសុខាភិបាលអាមេរិកបានអោយដឹងថា មនុស្សប្រហែល ២៤០ នាក់នឹងឡើងយន្តហោះ។
ក៏ដូចទៅនឹងសហរដ្ឋអាមេរិកដែរ កាណាដានៅថ្ងៃទី ២៨ ខែមករា បានព្រមានដល់ពលរដ្ឋឱ្យចៀសវាងធ្វើដំណើរទៅខេត្ត Hubei ហើយតែងតែមានការប្រុងប្រយ័ត្នខ្ពស់ចំពោះជំងឺរាតត្បាតនេះ។
ក្នុងពេលជាមួយគ្នានេះ មន្ទីរសុខាភិបាលរដ្ឋ Bayern នៃប្រទេសអាល្លឺម៉ង់ នៅយប់ថ្ងៃទី ២៧ ខែមករាបានបញ្ជាក់ពីករណីដំបូងនៅនៅភាគខាងត្បូងនៃប្រទេសអាល្លឺម៉ង់តែម្តង ដែលឆ្លងវីរុសកូរ៉ូណា។ អ្នកជំងឺជាបុរស មកពីទីក្រុង Starnberg នៃរដ្ឋ Bayern។ ឥឡូវនេះ បុរសម្នាក់នេះមានសុខភាពធម្មតាត្រូវបានត្រួតពិនិត្យដោយតាមរយៈវេជ្ជសាស្ត្រ និងត្រូវបានដាក់នៅដាច់ដោយឡែកពីគ្នាដើម្បីចៀសវាងការរីករាលដាល។
នៅប្រទេសជប៉ុនវិញ រដ្ឋាភិបាលបានសម្រេចចិត្តដាក់បញ្ចូលនូវជំងឺរលាកសួតបណ្តាលដោយវីរុសកូរ៉ូណា នៅក្នុងបញ្ជីជំងឺឆ្លងដែលមានគ្រោះថ្នាក់ជាពិសេស។ រីឯរដ្ឋាភិបាលចិន នាថ្ងៃទី ២៨ ខែមករាបានបញ្ជាក់ថា រហូតមកដល់ពេលនេះចំនួនអ្នកស្លាប់ដោយសារវីរុសកូរ៉ូណាមានរហូតដល់ ១០៦ នាក់ហើយ។ នៅតែមានករណីសង្ស័យចំនួន ៦៩៧៣ ករណីទៀត៕
តាម VOV5 - វិទ្យុសម្លេងវៀតណាម
