• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ប្រជាអាណិកជនវៀតណាមនៅកម្ពុជាទទួលអំណរបុណ្យតេតសហគមន៍ ២០២៣

កាលពីយប់ថ្ងៃទី៦ ខែមករា ស្ថានទូតវៀតណាមប្រចាំនៅកម្ពុជាបានរៀបចំបុណ្យតេតសហគមន៍ ទទួលអំណរនិទាឃរដូវស្រុកកំណើត ឆ្នាំ ២០២៣ នៅបរិវេណស្ថានទូតនៅរាជធានីភ្នំពេញ។
  បុណ្យតេតសហគមន៍ ទទួលអំណរនិទាឃរដូវស្រុកកំណើត ឆ្នាំ ២០២៣  

អញ្ជើញថ្លែងនៅក្នុងពិធីនេះ លោកឯកអគ្គរដ្ឋទូតវៀតណាមប្រចាំនៅកម្ពុជា Nguyen Huy Tang បានសង្កត់ធ្ងន់ថា ឆ្នាំ ២០២២ - ឆ្នាំមិត្តភាពវៀតណាម - កម្ពុជា កម្ពុជា - វៀតណាម និងជាឆ្នាំរំលឹកខួបលើកទី ៥៥ ទិវាបង្កើតទំនាក់ទំនងការទូតរវាងប្រទេសទាំងពីរបានបិទបញ្ចប់ជាមួយសកម្មភាពរស់រវើក និងមានអត្ថន័យជាច្រើន។ ទំនាក់ទំនងនយោបាយរវាងវៀតណាម និងកម្ពុជាបន្តអភិវឌ្ឍន៍យ៉ាងខ្លាំងក្លា កិច្ចសហប្រតិបត្តិការសេដ្ឋកិច្ចមានការរីកចម្រើនគួរឱ្យកត់សម្គាល់៖ ទំហំពាណិជ្ជកម្មទ្វេភាគីក្នុងរយៈពេល ១១ ខែដើមឆ្នាំ ២០២២ សម្រេចបាន ៩,៧៧ ពាន់លានដុល្លារអាមេរិក (កើន ១៣,២% បើប្រៀបធៀបនឹងរយៈពេលដូចគ្នាក្នុងឆ្នាំ ២០២១)។លោលឯកអគ្គរដ្ឋទូតបានឲ្យដឹងថា ក្នុងឆ្នាំ ២០២៣ ភាគីទាំងពីរចាំបាច់ត្រូវម្ចាស់ការទាញយកឱកាស សម្របសម្រួលយ៉ាងជិតស្និទ្ធ សំដៅបន្តជំរុញកិច្ចសហប្រតិបត្តិការទ្វេភាគី។ ក្នុងនោះផ្ដោតសំខាន់លើការលើកកម្ពស់ប្រសិទ្ធភាពនៃកិច្ចសហប្រតិបត្តិការសេដ្ឋកិច្ច។ សេដ្ឋកិច្ចត្រូវក្លាយជាប្រភពកម្លាំង ធានាដល់ការអភិវឌ្ឍប្រកបដោយចីរភាពនៃទំនាក់ទំនងវៀតណាម-កម្ពុជា។

ក្នុងបរិយាកាសដ៏កក់ក្តៅ និងពោរពេញដោយបរិយាកាសបុណ្យតេតប្រពៃណីជាតិ បងប្អូនជនរួមជាតិជាច្រើន មានអារម្មណ៍រំភើបចិត្ត នៅពេលបានចូលរួមបុណ្យតេតសហគមន៍ និទាឃរដូវឆ្នាំ ២០២៣។ លោកវេជ្ជបណ្ឌិត Le Ba Hung នាយកមន្ទីរពេទ្យចាក់អង្រែបានចែករំលែកថា៖ “យើងខ្ញុំពិតជាមានអារម្មណ៍រំភើបចិត្តណាស់ នៅពេលចូលរួមកម្មវិធីនេះ។ ប្រជាអាណិកជនវៀតណាមនៅទីនេះ ជានិច្ចកាលបានឆ្ពោះមកស្រុកកំណើត ប្រទេសជាតិ ហើយមានគោលបំណងថា ប្រទេសជាតិកាន់តែខ្លាំងមាំមួន វិបុលភាព និងអភិវឌ្ឍ ថែមទៀត។ ទន្ទឹមនឹងនេះ សូមជូនពរឱ្យទំនាក់ទំនងវៀតណាម-កម្ពុជាកាន់តែអភិវឌ្ឍន៍ប្រកបដោយចីរភាពពីមួយថ្ងៃទៅមួយថ្ងៃផងដែរ”៕

តាម VOV5 - វិទ្យុសំឡេង​វៀតណាម

មូលដ្ឋានជាច្រើនសម្រេចការប៉ាន់ប្រមាណចំណូលថវិកាឆ្នាំ២០២៦ មុនកាលកំណត់

មូលដ្ឋានជាច្រើនសម្រេចការប៉ាន់ប្រមាណចំណូលថវិកាឆ្នាំ២០២៦ មុនកាលកំណត់

យោងតាមក្រសួងហិរញ្ញវត្ថុ ក្នុងរយៈពេល១០ខែដើមឆ្នាំ២០២៦ ចំណូលថវិការដ្ឋសម្រេចបាន ៩៦,៤% នៃការប៉ាន់ប្រមាណ។ មូលដ្ឋានជាច្រើនបានសម្រេចការប៉ាន់ប្រមាណចំណូលថវិកាពេញមួយឆ្នាំរួចរាល់ ចាប់​តាំងពី​ដំណាច់ខែតុលា។ ក្នុងនោះ ចំណូលពីអចលនទ្រព្យ ជាពិសេសពន្ធប្រើប្រាស់ដីធ្លី បានរួមចំណែកយ៉ាងសំខាន់ ដោយនៅតំបន់ខ្លះ​រួមចំណែកលើសពី ៣៧% នៃចំណូលថវិកាសរុប។

Top