របាយការណ៍នេះកំណត់ទីផ្សារសំខាន់ៗចំនួនប្រាំនៅអាស៊ី-ប៉ាស៊ីហ្វិក ជាមួយនឹងសក្ដានុពលនៃកំណើនសម្រាប់ម៉ាកយៅហោ និងអ្នកលក់រាយនៅឆ្នាំនេះរួមមាន៖ វៀតណាម ចិន កូរ៉េខាងត្បូង ឥណ្ឌូនេស៊ី និងឥណ្ឌា។ ជាពិសេស វៀតណាមត្រូវបានចាត់ទុកថាជាទីផ្សារកំណើនដ៏សំខាន់នៃតំបន់ ហើយប្រជាជនវៀតណាមមានសុទិដ្ឋិនិយមបំផុតអំពីអនាគតសេដ្ឋកិច្ចរបស់ប្រទេសជាតិ ដោយមានប្រហែល ៧០% នៃជំនាន់វ័យក្មេង Millennials (អ្នកដែលកើតចន្លោះពីឆ្នាំ ១៩៨១ ដល់ឆ្នាំ ១៩៩៦) មានសុទិដ្ឋិនិយមចំពោះកំណើនវិជ្ជមាន។
របាយការណ៍វាយតម្លៃថា វៀតណាមបានក្លាយជាគោលដៅពេញចិត្តសម្រាប់ក្រុមហ៊ុនចម្រុះជាតិសាសន៍ ដោយសារតែមិនសូវកើតមានឡើងការផ្អាកផលិតកម្មអំឡុងពេលជំងឺរាតត្បាតកូវីដ១៩។ ក្រុមហ៊ុនបច្ចេកវិទ្យាក្នុងប្រទេស និងចរន្តទុនវិនិយោគលើ បច្ចេកវិទ្យានឹងជំរុញវៀតណាមឱ្យក្លាយជាមជ្ឈមណ្ឌលបច្ចេកវិទ្យានៃតំបន់។
របាយការណ៍ក៏បានព្យាករណ៍ថា ទន្ទឹមនឹងការកែលម្អហេដ្ឋារចនាសម្ព័ន្ធដឹកជញ្ជូនដែលជំរុញពាណិជ្ជកម្មអេឡិចត្រូនិកដល់ទៅ ៤៩ ពាន់លានដុល្លារនៅឆ្នាំ ២០២៥ វៀតណាមគឺជាសេដ្ឋកិច្ចឌីជីថលដែលរីកលូតលាស់លឿនបំផុតនៅអាស៊ីអាគ្នេយ៍ ហើយនឹងក្លាយជាសេដ្ឋកិច្ចឌីជីថលដែលរីកលូតលាស់លឿនបំផុតមួយនៅអាស៊ីក្នុងឆ្នាំនេះ ជាមួយនឹងអត្រាកំណើន GDP ពិតប្រាកដដែលបានព្យាករណ៍គឺ ៦,២%៕
