អញ្ជើញថ្លែងសុន្ទរកថាក្នុងពិធីបុណ្យនេះ អនុប្រធានរដ្ឋវៀតណាមលោកស្រី Vo Thi Anh Xuan បានអះអាងថា ដោយឆ្លងកាត់សង្គ្រាមជាច្រើន ប្រជាជនវៀតណាមមានការជ្រួតជ្រាបយ៉ាងជ្រាលជ្រៅអំពីតម្លៃនៃសន្តិភាព។ វៀតណាមប្រកាន់ខ្ជាប់ជានិច្ចនូវគោលនយោបាយកិច្ចការបរទេសឯករាជ្យ ខ្លួនទីពឹងខ្លួន ពិពិធកម្ម ពហុភាគីភាវូបនីយកម្ម ជាមិត្ត ជាដៃគូដែលអាចទុកចិត្តបាន ជាសមាជិកប្រកបដោយការទទួលខុសត្រូវរបស់សហគមន៍អន្តរជាតិ ដើម្បីសន្តិភាព មិត្តភាព ស្ថិរភាព កិច្ចសហប្រតិបត្តិការ និងការអភិវឌ្ឍលើពិភពលោក។ ពិធីបុណ្យលើកនេះបានបង្ហាញសារអំពីកម្លាំងរស់ដ៏ខ្លាំងក្លារបស់ប្រជាជាតិវៀតណាមដែលស្រឡាញ់សន្តិភាព មិត្តភាព កិច្ចសហប្រតិបត្តិការដើម្បីការអភិវឌ្ឍរួមគ្នា។ ប្រជាជន ភ្ញៀវទេសចរនៅក្នុងនិងក្រៅប្រទេស រួមដៃគ្នាកសាង និងលើកកំពស់តម្លៃនៃពិធីបុណ្យឱ្យក្លាយជាម៉ាកយីហោវប្បធម៌ដ៏វិសេសវិសាល មានកិត្យានុភាពមិនត្រឹមតែរបស់ខេត្ត Quang Tri ប៉ុណ្ណោះទេ ថែមទាំងមានកម្រិតជាតិ និងអន្តរជាតិទៀតផង។
គួរជម្រាបថា ពិធីបុណ្យដើម្បីសន្តិភាពឆ្នាំ ២០២៤ ជាមួយនឹងសកម្មភាពដ៏សម្បូរបែបជាច្រើនដែលបានធ្វើឡើងពេញខែកក្កដា ដូចជា៖ រាត្រីតន្ត្រី Trinh Cong Son; មហោស្រពវប្បធម៌និងម្ហូបអាហារអន្តរជាតិ; កម្មវិធីសិល្បៈនយោបាយអំពីសេចក្ដីប្រាថ្នាសន្តិភាព; សិក្ខាសាលាអន្តរជាតិ “មេរៀនអំពីសន្តិភាពដែលមើលឃើញពីស្ថានភាពជាក់ស្ដែងរបស់វៀតណាម”; ពិធីអុជទៀនរំលឹកគុណរបស់វីរយុទ្ធជនពលី។ ល៕
