ក្នុងឱកាសអញ្ជើញទៅបំពេញទស្សនកិច្ចជាផ្លូវការនៅសហព័ន្ធរុស្ស៊ី នារសៀល ថ្ងៃទី១ ខែធ្នូ (ម៉ោងតំបន់) ប្រធានរដ្ឋវៀតណាមលោក Nguyen Xuan Phuc បាន ចូលរួមនិងថ្លែងសុន្ទរកថានៅកិច្ចសន្ទនាធុរកិច្ចវៀតណាម-រុស្ស៊ី។
![]() |
លោកប្រធានរដ្ឋ Nguyen Xuan Phuc អញ្ជើញថ្លែងនៅកិច្ចសន្ទនាធុរកិច្ចវៀតណាម-សហព័ន្ធរុស្ស៊ី។ (រូបថត៖ VOV) |
នៅទីនេះ លោកប្រធានរដ្ឋវៀតណាមបានជូនដំណឹងដល់សហគ្រាសនៃប្រទេស ទាំងពីរអំពីលទ្ធផលដ៏ល្អប្រសើរនៃជំនួបពិភាក្សាការងារជាមួយលោកប្រធានាធិបតី Putin ដោយបានបើកខ្លឹមសារសហប្រតិបត្តិការលើវិស័យជាច្រើន ជាពិសេសគឺវិស័យសេដ្ឋ កិច្ចនិងពាណិជ្ជកម្ម។ វៀតណាមជាប្រទេសដែលមានទំហំសេដ្ឋកិច្ចធំទី៣ក្នុងប្លុក អាស៊ាន ហើយជាសមាជិកនៃកិច្ចព្រមព្រៀងពាណិជ្ជកម្មសេរីចំនួន១៥ ក្នុងនោះមាន កិច្ចព្រមព្រៀងជាច្រើនប្រកបដោយបទដ្ឋានខ្ពស់ ហេតុដូច្នេះ នៅពេលវិនិយោគចូល មកវៀតណាម សហគ្រាសរុស្ស៊ីនឹងមានឱកាសជ្រៀតចូលទីផ្សារដ៏ធំទូលំទូលាយ។ លោកប្រធានរដ្ឋចាត់ទុកថា រុស្ស៊ីមាន ផ្ទៃដីដ៏ធំល្វឹងល្វើយ ប៉ុន្តែ ការនាំចេញកសិ ផលត្រឹមតែសម្រេចបានទឹកប្រាក់ចំនួន៣០ពាន់លានដុល្លាអាមេរិកក្នុងមួយឆ្នាំប៉ុណ្ណោះ ខណៈ ដែលការនាំចេញកសិផលរបស់វៀតណាមសម្រេចបានទឹកប្រាក់ចំនួន៤៥ពាន់លាន ដុល្លាអាមេរិកវិញ ដូច្នេះប្រទេសទាំងពីរអាចជំរុញខ្លាំងកិច្ចសហប្រតិបត្តិការលើវិស័យ នេះ។ លោកប្រធានរដ្ឋ Nguyen Xuan Phuc អញ្ជើញមានប្រសាសន៍ថា៖
“វៀតណាមនិងសហព័ន្ធរុស្ស៊ីមានទំនាក់ទំនងមិត្តភាព សហប្រតិបត្តិការដ៏ ជិតស្និទ្ធអស់រយៈពេលជាង៧០ឆ្នាំមកហើយ។ ការទុកចិត្តគ្នាទៅវិញទៅមកក្នុងទំនាក់ ទំនងនយោបាយ ការទូត សេដ្ឋកិច្ច រវាងប្រទេសយើងទាំងពីរ នឹងបើកជំពូកថ្មីៗនា ពេលខាងមុខ។ គោលដៅរបស់យើងគឺបង្កើនទំហំពាណិជ្ជកម្មទ្វេភាគីឡើងពី១៥ដល់ ២០ដង ការវិនិយោគទ្វេភាគីកើនឡើង៣ដង នាពេលខាងមុខ។ ហេតុដូច្នេះ ស្ថាប័ន មានសមត្ថកិច្ចនៃប្រទេសទាំងពីរ ត្រូវការសម្របសម្រួលគ្នាដោះស្រាយការជំពាក់ជំពិន ដើម្បីសេដ្ឋកិច្ច ពាណិជ្ជកម្មអភិវឌ្ឍន៍យ៉ាងសក្តិសមនឹងទំនាក់ទំនងរវាងប្រទេសទាំង ពីរ។ យើងខ្ញុំក៏បានស្នើឲ្យរដ្ឋាភិបាលរុស្ស៊ី កែតម្រូវកិច្ចព្រមព្រៀងពាណិជ្ជកម្មសេរីរវាង វៀតណាមនិងសម្ព័ន្ធភាពសេដ្ឋកិច្ចអាស៊ី-អឺរ៉ុប ដើម្បីជួយសម្រួលថែមទៀតដល់ ពាណិជ្ជកម្មនិងការវិនិយោគទ្វេភាគីផងដែរ”។
មុននោះនាព្រឹកថ្ងៃទី១ ខែធ្នូ លោកប្រធានរដ្ឋ Nguyen Xuan Phuc លោកជំទាវ និងគណៈប្រតិភូជាន់ខ្ពស់វៀតណាមបានអញ្ជើញមកដាក់កម្រងផ្កានៅស្ដូបលោក ប្រធានហូជីមិញ នៅរដ្ឋធានីម៉ូស្គូ សហព័ន្ធរុស្ស៊ី៕
តាម VOV5 - វិទ្យុសំឡេងវៀតណាម