• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

នាំទំនាក់ទំនងភាពជាដៃគូសហប្រតិបត្តិការយុទ្ធសាស្ត្រវៀតណាម-កូរ៉េខាងត្បូងឡើងកំពស់ថ្មី

នាថ្ងៃទី១៣ ខែកក្កដា ឆ្នាំ២០២២ រដ្ឋមន្ត្រីក្រសួងការបរទេស វៀតណាម លោក Bui Thanh Son បានធ្វើការសន្ទនាតាមទូរស័ព្ទជាមួយរដ្ឋមន្ត្រីការបរទេសថ្មីរបស់កូរ៉េខាងត្បូង លោក Park Jin។
  រដ្ឋមន្ត្រីក្រសួងការបរទេស វៀតណាម លោក Bui Thanh Son។ (រូបថត៖ TTXVN)  

នៅក្នុងកិច្ចសន្ទនានោះ លោករដ្ឋមន្ត្រី Bui Thanh Son បានបញ្ជាក់ ពីការត្រៀមខ្លួនជាស្រេចសម្របសម្រួលជាមួយក្រសួងការបរទេសកូរ៉េខាងត្បូង ដើម្បី នាំទំនាក់ទំនងភាពជាដៃគូសហប្រតិបត្តិការយុទ្ធសាស្ត្ររវាងប្រទេសទាំងពីរឡើង កំពស់ថ្មី; ស្នើឲ្យរដ្ឋាភិបាលកូរ៉េខាងត្បូងបន្តរក្សា និងបង្កើនប្រាក់កម្ចីធំដោយមាន លក្ខខណ្ឌអនុគ្រោះសម្រាប់វៀតណាម; បង្កើនការយកចិត្តទុកដាក់និងជួយឧបត្ថម្ភ គាំទ្រដល់ពលរដ្ឋវៀតណាមដែលកំពុងរស់នៅ សិក្សា និងធ្វើការនៅកូរ៉េខាងត្បូង។ លោករដ្ឋមន្ត្រី Park Jin បានបញ្ជាក់ថា កូរ៉េខាងត្បូងបានចាត់ទុកវៀតណាមជាដៃគូ សំខាន់ជួរមុខក្នុងតំបន់; ស្នើឲ្យរដ្ឋាភិបាលវៀតណាមបន្តបង្កើតលក្ខខណ្ឌអំណោយផលសម្រាប់ សហគ្រាសកូរ៉េខាងត្បូង ជាពិសេសជួយគាំទ្រអង្គការហិរញ្ញវត្ថុ និងធនា គារកូរ៉េខាងត្បូង ដើម្បីពង្រីកការវិនិយោគនៅវៀតណាម។

រដ្ឋមន្ត្រីទាំងពីរបានឯកភាពសម្របសម្រួលគ្នាដើម្បីអនុវត្តន៍ប្រកបដោយប្រសិទ្ធភាពនូវការផ្លាស់ប្តូរគណៈប្រតិភូ ការជួបប្រាស្រ័យជាន់ខ្ពស់និងគ្រប់ជាន់ថ្នាក់; យក ចិត្តទុកដាក់ខ្ពស់ដល់ការជំរុញកិច្ចសហប្រតិបត្តិការលើវិស័យការពារជាតិ សន្តិសុខ និងយន្តការសហប្រតិបត្តិការទ្វេភាគីនិងពហុភាគីនានា; អនុវត្តន៍វិធានការប្រកបដោយ ប្រសិទ្ធភាព ដើម្បីសម្រេចបានគោលដៅបង្កើនទំហំពាណិជ្ជកម្មទ្វេភាគីដល់ ១០០ ពាន់លានដុល្លាអាមេរិកនៅឆ្នាំ ២០២៣ និង ១៥០ ពាន់លាន ដុល្លានៅឆ្នាំ ២០៣០។

ភាគីទាំងពីរបានឯកភាពបន្តសហប្រតិបត្តិការគ្នាយ៉ាងជិតស្និទ្ធ ហើយគាំទ្រគ្នា ទៅវិញទៅមកក្នុងការដោះស្រាយបញ្ហាអន្តរជាតិ និងតំបន់ដែលជាកង្វល់រួម ដូចជាអង្គ ការសហប្រជាជាតិ សមាគមប្រជាជាតិអាស៊ីអាគ្នេយ៍ (អាស៊ាន)-កូរ៉េខាងត្បូង មេគង្គ-កូរ៉េខាងត្បូង; រក្សាសន្តិភាព ស្ថិរភាព សន្តិសុខ សុវត្ថិភាព កិច្ចសហប្រតិបត្តិការ និង ការអភិវឌ្ឍនៅតំបន់សមុទ្រខាងកើត បន្តគាំទ្រចំពោះការកសាងក្រមប្រតិបត្តិនៅ សមុទ្រខាងកើត (COC) ប្រកបដោយខ្លឹមសារជាក់ស្ដែង ប្រសិទ្ធភាព គោរពផល ប្រយោជន៍របស់ភាគីពាក់ព័ន្ធនៅសមុទ្រខាងកើត ស្របតាមច្បាប់អន្តរជាតិ ជាពិសេស អនុសញ្ញាអង្គការសហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS)៕

តាម VOV5 - វិទ្យុសំឡេងវៀតណាម

វៀតណាមខិតខំប្រឹងប្រែងរួមជាមួយអាស៊ានកសាងសហគមន៍រឹងមាំ

វៀតណាមខិតខំប្រឹងប្រែងរួមជាមួយអាស៊ានកសាងសហគមន៍រឹងមាំ

នៅថ្ងៃទី៨ ខែសីហា ឆ្នាំ១៩៦៧ សេចក្តីថ្លែងការណ៍ទីក្រុងបាងកក ត្រូវបានចុះ ហត្ថលេខាជាមួយនឹងការបង្កើតសមាគមប្រជាជាតិអាស៊ីអាគ្នេយ៍ (អាស៊ាន)។ ឆ្លងកាត់ អស់រយៈពេលជាង ៥៥ ឆ្នាំនៃការគង់វង្សនិងអភិវឌ្ឍ អាស៊ានបានបង្ហាញឲ្យឃើញនូវ គំរូសហប្រតិបត្តិការតំបន់ប្រកបដោយជោគជ័យនៅលើពិភពលោក កសាង សហគមន៍ ដែលនាំមកនូវឱកាសសម្រាប់ប្រជាជនទាំងអស់។ ដោយប្រធានបទ “រួបរួមគ្នាឲ្យកាន់តែខ្លាំងមាំមួន” អាស៊ានជាថ្មីម្តងទៀតបានសង្កត់ធ្ងន់លើស្មារតីសាមគ្គីភាព ពង្រីកកម្លាំង សមូហភាពក្នុងបរិបទពិភពលោកពោរពេញទៅដោយបញ្ហាប្រឈមនាពេល បច្ចុប្បន្ន។ ក្រោមដំបូលផ្ទះរួមអាស៊ានក្នុងអំឡុងពេល ២៧ ឆ្នាំក្រោយពីបានចូលរួម វៀតណាមតែងតែខិតខំប្រឹងប្រែដើរជួរមុខក្នុងការកសាងសហគមន៍ បង្កើតឋានៈ អាស៊ានលើឆាកអន្តរជាតិ។

Top