• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

នាយករដ្ឋមន្រ្តីវៀតណាមលោក Nguyen Xuan Phuc ទទួលជួបជាមួយរដ្ឋមន្រ្តីក្រសួងការបរទេសឡាវលោក Saleumxay Kommasith

លោកនាយករដ្ឋមន្រ្តីបានស្នើអោយរដ្ឋាភិបាលឡាវសហការជំរុញការដោះស្រាយការលំបាកសម្រាប់សហគ្រាសនិងពលករវៀតណាម នៅឡាវ បង្កើនការផ្សព្វផ្សាយគោលនយោបាយអនុគ្រោះខាងវិនិយោគ ពាណិជ្ជកម្ម កុងស៊ុល គាំពារពលរដ្ឋ សំដៅធានាសិទ្ធិនិងផលប្រយោជន៍ស្របច្បាប់របស់ប្រជាជន នៃប្រទេសទាំងពីរ។

នាយករដ្ឋមន្រ្តីវៀតណាមលោក Nguyen Xuan Phuc (ខាងស្ដាំ) ទទួលជួបជាមួយរដ្ឋមន្រ្តីក្រសួងការបរទេសឡាវលោក Saleumxay Kommasith (រូបថត៖ TTXVN)

នៅក្នុងជំនួបជាមួយរដ្ឋមន្រ្តីក្រសួងការបរទេសឡាវលោក Saleumxay Kommasith កាលពីព្រឹកថ្ងៃទី២៦ ខែធ្នូ នៅទីក្រុងហាណូយ នាយករដ្ឋមន្រ្តីវៀតណាមលោក Nguyen Xuan Phuc បានអះអាងថា វៀតណាមជានិច្ចកាលប្រកៀកស្មា គាំទ្រនិងជួយឧបត្ថម្ភដល់បុព្វហេតុកសាងប្រទេសជាតិ របស់ប្រជាជនឡាវជាភាតរៈ។

លោកនាយករដ្ឋមន្ត្រីបានសង្កត់ធ្ងន់ថា ឆ្នាំ២០២០ជាឆ្នាំសំខាន់មួយ ចំពោះប្រទេសទាំងពីរទាំងខាងកិច្ចការផ្ទៃក្នុងនិងកិច្ចការបរទេស ដូច្នេះបានជាលោកនាយករដ្ឋមន្រ្តីមានគោលបំណងចង់អោយបណ្ដាក្រសួង ស្ថាប័ន នៃប្រទេសទាំងពីរសហការគ្នារៀបចំអោយបានល្អនូវសកម្មភាពរំលឹកខួបអនុស្សាវរីយ៍ទិវាបុណ្យទាននានានៃប្រទេសទាំងពីរ ព្រមទាំងឃោសនានិងអប់រំយ៉ាងសកម្មដល់ប្រជាជននៃប្រទេសទាំងពីរជាពិសេសគឺជំនាន់យុវជនអំពីប្រពៃណីនៃទំនាក់ទំនងពិសេសរវាងវៀតណាមនិងឡាវផងដែរ។ លោកនាយករដ្ឋមន្រ្តីបានស្នើអោយរដ្ឋាភិបាលឡាវសហការជំរុញការដោះស្រាយការលំបាកសម្រាប់សហគ្រាសនិងពលករវៀតណាមនៅឡាវ បង្កើនការផ្សព្វផ្សាយគោលនយោបាយអនុគ្រោះខាងវិនិយោគ ពាណិជ្ជកម្ម កុងស៊ុល គាំពារពលរដ្ឋ សំដៅធានាសិទ្ធិនិងផលប្រយោជន៍ស្របច្បាប់របស់ប្រជាជននៃប្រទេសទាំងពីរ។ ទន្ទឹមនឹងនោះ ភាគីទាំងពីរត្រូវការបង្កើនការគាំទ្រគ្នា ទៅវិញទៅមក ជាពិសេសគឺក្នុងបញ្ហាសន្តិសុខ យុទ្ធសាស្ត្រតំបន់ រួម ចំណែករក្សារឹងមាំនូវសាមគ្គីភាពនិងមជ្ឈភាពរបស់អាស៊ាន។

រីឯខ្លួនវិញ លោករដ្ឋមន្រ្តី Saleumxay Kommasith បានអះអាងថា ក្រសួងការបរទេសឡាវរួមជាមួយក្រសួង ស្ថាប័នផ្សេងៗទៀត នឹងបន្តជំរុញ ខ្លាំងថែមទៀតនូវទំនាក់ទំនងសហប្រតិបតិ្តការជាមួយបណ្ដាក្រសួង ស្ថាប័ន និងតំបន់របស់វៀតណាម តាមនោះរឹតបន្តឹងទំនាក់ទំនងជាប្រពៃណីនិងចំណងសាមគ្គីភាពពិសេសរវាង វៀតណាមនិងឡាវ៕

 

តាម VOV5 - វិទ្យុសម្លេងវៀតណាម 

លោកនាយករដ្ឋមន្ត្រី Pham Minh Chinh អបអរសាទរមហាពិធីវិសាខបូជាពុទ្ធសករាជ ២៥៦៨

លោកនាយករដ្ឋមន្ត្រី Pham Minh Chinh អបអរសាទរមហាពិធីវិសាខបូជាពុទ្ធសករាជ ២៥៦៨

ក្នុងឱកាសមហាពិធីវិសាខបូជា ពុទ្ធសករាជ ២៥៦៨ ត្រូវនឹងឆ្នាំសកល ២០២៤ នាព្រឹកថ្ងៃទី២២ ខែឧសភា ឆ្នាំ២០២៤ នៅទីក្រុងហាណូយ នាយករដ្ឋមន្ត្រីវៀតណាម លោក Pham Minh Chinh បានអញ្ជើញទៅអបអរសាទរចំពោះថ្នាក់ដឹកនាំមជ្ឈិមសមាគមព្រះពុទ្ធ សាសនាវៀតណាម និងចូលរួមមហាពិធីវិសាខបូជាជាមួយអ្នកមុខអ្នកការ ព្រះសង្ឃ និងពុទ្ធបរិស័ទនៅវត្ត Quan Su។

Top