នាយករដ្ឋមន្ត្រីវៀតណាមលោក Nguyen Xuan Phuc (រូបថត៖ TTXVN)
ក្នុងឱកាសចូលឆ្នាំថ្មីសកល២០១៨ ទីភ្នាក់ងារសារព័ត៌មានវៀតណាម បាន បោះពុម្ភផ្សាយវណ្ណកម្មពិសេសក្រោមចំណងជើងថា “ការព្យាករណ៍ឆ្នាំ២០១៨៖ ក្ដីសង្ឃឹមប្រឈមមុខប៉ះកំហឹង” របស់សម្ព័ន្ធក្រុមហ៊ុនសារព័ត៌មាន Project Syndicate។
វណ្ណកម្មជាភាសាវៀតណាមនេះ ប្រមូលផ្ដុំនូវអត្ថបទសរសេររបស់អ្នកនយោបាយ អ្នកសេដ្ឋកិច្ច អ្នកស្រាវជ្រាវល្បីល្បាញលើពិភពលោក ស្ដីពីបញ្ហានយោបាយ ការទូត សេដ្ឋកិច្ច បរិស្ថាន ដែលមានលក្ខណៈសកលនិងព្យាករណ៍ខ្ពស់។ នាយករដ្ឋមន្ត្រីវៀតណាមលោក Nguyen Xuan Phuc ក៏មានអត្ថបទសរសេរ ដែលត្រូវបានចុះផ្សាយក្នុងវណ្ណកម្មនេះដែរ។ ក្នុងអត្ថបទ លោក Nguyen Xuan Phuc បានសង្កត់ធ្ងន់ថា ក្នុងឆ្នាំ២០១៧ វៀតណាមទទួលបានលទ្ធផលសំខាន់ៗ លើវិស័យជាច្រើន។ ម៉ាក្រូសេដ្ឋកិច្ចមានស្ថិរភាព អតិផរណាត្រូវបានគ្រប់គ្រង កំណើន GDP ទទួលបាន៦,៨១% ដែលជាកំរិតខ្ពស់បំផុតក្នុងរយៈពេល១០ឆ្នាំ កន្លងទៅ។ ស្ថានភាពនយោបាយសង្គមកិច្ចមានស្ថិរភាពដែរ។ បរិយាកាសធ្វើ អាជីវកម្មក៏ត្រូវបានកែលំអគួរឲ្យកត់សម្គាល់។
លោកនាយករដ្ឋមន្រ្តីសង្កត់ធ្ងន់ថា ចូលឆ្នាំ២០១៨ ដោយបាវចនា “វិន័យ ស្មោះត្រង់ ធ្វើសកម្មភាព ច្នៃប្រឌិត ប្រសិទ្ធភាព” នោះ វៀតណាមប្ដេជ្ញាចិត្តរក្សា រឹងមាំនូវបរិយាកាសនយោបាយសង្គមកិច្ច ពង្រីកប្រជាធិបតេយ្យ ជំរុញខ្លាំងការ ប្រយុទ្ធប្រឆាំងអំពើពុករលួយ ប្រឆាំងផលប្រយោជន៍តាមក្រុម ខំប្រឹងប្រែងអនុវត្តន៍ ប្រកបដោយជោគជ័យនូវគោលដៅអភិវឌ្ឍន៍ចីរភាពដល់ឆ្នាំ២០៣០របស់អ.ស.ប។ វៀតណាមគោរពស្វាគមន៍និងបង្កលក្ខណៈងាយស្រួលសំរាប់វិនិយោគិន សហគ្រាសជាតិនិងអន្តរជាតិ ធ្វើផលិតកម្ម អាជីវកម្ម ចាប់ផ្ដើមអាជិពនៅវៀតណាម។ ទន្ទឹមនឹងនោះ វៀតណាមនឹងម្ចាស់ការរួមជាមួយប្រទេសដទៃ ស្រាវជ្រាវ ស្វែងរក វិធានការរក្សាបរិយាកាសសន្តិភាព ស្ថិរភាព សហប្រតិបតិ្តការនិងអភិវឌ្ឍន៍ក្នុង តំបន់និងលើពិភពលោកផងដែរ៕
តាម VOV5 - វិទ្យុសម្លេងវៀតណាម
