នៅក្នុងជំនួបនេះ នាយករដ្ឋមន្ត្រីលោក Pham Minh Chinh បានស្នើឱ្យស្ថាប័នមានសមត្ថកិច្ចនៃក្រសួងមហាផ្ទៃនៃព្រះរាជាណាចក្រកម្ពុជា និងក្រសួងនគរបាល វៀត ណាម បន្តពង្រឹងការប្រយុទ្ធប្រឆាំងនឹងឧក្រិដ្ឋកម្មរួម ប្រឆាំងនឹងឧក្រិដ្ឋកម្មគ្រប់ប្រភេទ ជាពិសេសឧក្រិដ្ឋជនឆ្លងដែន។ លោកនាយករដ្ឋមន្ត្រីសង្ឃឹមថា នាពេលខាងមុខ សម្តេចក្រឡាហោម ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ និងថ្នាក់ដឹកនាំកម្ពុជា នឹងបន្តការយកចិត្តទុកដាក់ និងដឹកនាំអាជ្ញាធរកម្ពុជា មានដំណោះស្រាយសមស្រប ដើម្បីដោះស្រាយការលំបាកសម្រាប់សហគមន៍ជនដើមកំណើត វៀតណាម។ ក្នុងនោះមានការបញ្ចូលសញ្ជាតិខ្មែរ ដល់ប្រជាជនដើមកំណើតវៀតណាម តាមគោលនយោបាយរបស់ថ្នាក់ដឹកនាំជាន់ខ្ពស់នៃប្រទេសទាំងពីរដែលបានឯកភាពគ្នា។ ទន្ទឹមជាមួយគ្នានោះ បង្កើតលក្ខខណ្ឌបន្ថែមទៀតសម្រាប់សហគមន៍វៀតណាម ជាពិសេសកុមារដែលកើត និងធំដឹងក្តីក្នុងប្រទេសកម្ពុជា ទទួលបានការរៀនភាសា និងវប្បធម៌ខ្មែរ ដើម្បីរស់នៅប្រកបដោយស្ថិរភាព សមាហរណកម្ម និងរួមចំណែកជាវិជ្ជមានដល់សង្គមកម្ពុជា៕