ព័ត៌មាន
នាយករដ្ឋមន្ត្រីវៀតណាម លោក Pham Minh Chinh អញ្ជើញចូលរួមកិច្ចប្រជុំកំពូល គណៈកម្មការទន្លេមេគង្គអន្តរជាតិលើកទី៤
នាយករដ្ឋមន្ត្រី លោក Pham Minh Chinh បានចាកចេញពីរដ្ឋធានី Ha Noi ដើម្បីអញ្ជើញចូលរួមកិច្ចប្រជុំកំពូលគណៈកម្មការទន្លេមេគង្គអន្តរជាតិលើកទី៤ នៅទីក្រុងវៀងច័ន្ទ ប្រទេសឡាវ។ រូបថត៖ Duong Giang-VNA
កិច្ចប្រជុំកំពូល MRC មានការចូលរួមពីនាយករដ្ឋមន្ត្រីនៃប្រទេសជាសមាជិក MRC រួមមានវៀតណាម កម្ពុជា ឡាវ ថៃ និងតំណាងដៃគូសន្ទនារបស់ MRC គឺ ប្រទេសចិន និងមីយ៉ាន់ម៉ា ព្រមទាំងដៃគូអភិវឌ្ឍន៍ អង្គការអន្តរជាតិក្នុង និងក្រៅតំបន់ មេគង្គផងដែរ។ នៅកិច្ចប្រជុំលើកនេះ នាយករដ្ឋមន្ត្រីនៃបណ្ដាប្រទេសនឹងពិភាក្សាអំពី ការលំបាក បញ្ហាប្រឈម ក៏ដូចជាឱកាសសម្រាប់ការអភិវឌ្ឍអាងទន្លេមេគង្គ រួមជា មួយនឹងទិសដៅអាទិភាពសម្រាប់ការអភិវឌ្ឍប្រកបដោយចីរភាពនៃអាងទន្លេមេគង្គ ព្រមទាំងធ្វើការបញ្ជាណែនាំយុទ្ធសាស្ត្រសម្រាប់ MRC ចំពោះសកម្មភាពបច្ចេកទេស កិច្ចសហប្រតិបត្តិការ និងភាពជាដៃគូផងដែរ។
នាយករដ្ឋមន្រ្តី លោក Pham Minh Chinh និងគណៈប្រតិភូជាន់ខ្ពស់វៀតណាមបានមកដល់អាកាសយានដ្ឋានអន្តរជាតិ Wattay ទីក្រុងវៀងច័ន្ទ។ រូបថត៖ Dương Giang-TTXVN
កិច្ចប្រជុំមានប្រធានបទ “នវានុវត្តន៍និងកិច្ចសហប្រតិបត្តិការ ដើម្បីធានាសន្តិសុខទឹក និងការអភិវឌ្ឍប្រកបដោយចីរភាពនៃអាងទន្លេមេគង្គ” ដែលមានគោលដៅ ចំនួន ៥ រួមមាន៖ បន្តបញ្ជាក់នូវការសន្យានយោបាយខ្ពស់បំផុតនៃប្រទេសសមាជិក ទាំង ៤ ក្នុងការបង្កើនការអនុវត្តប្រកបដោយប្រសិទ្ធភាពនូវកិច្ចព្រមព្រៀងមេគង្គឆ្នាំ ១៩៩៥ និងមុខងាររបស់ MRC; បន្តបញ្ជាក់ពីគោលដៅ និងគោលការណ៍នៃកិច្ចសហ ប្រតិបត្តិការដើម្បីការអភិវឌ្ឍប្រកបដោយចីរភាពនៃអាងទន្លេ; កត់សម្គាល់បញ្ហា ប្រឈមនិងឱកាសទាក់ទងនឹងទឹក រួមទាំងបញ្ហាទាក់ទងនឹងការអភិវឌ្ឍប្រកបដោយ ចីរភាព និងការគ្រប់គ្រងបរិស្ថាននៃអាងទន្លេមេគង្គ; និងកំណត់ទិសដៅ និងការបញ្ជា ណែនាំទាក់ទងនឹងការអភិវឌ្ឍនិងការគ្រប់គ្រងអាងទន្លេ ហើយឯកភាពលើកិច្ចព្រមព្រៀង/ផែនការដើម្បីសម្រេចបានលទ្ធផលនៃយុទ្ធសាស្ត្រអភិវឌ្ឍន៍អាងទន្លេមេគង្គ ដំណាក់កាល ២០២១-២០៣០។ នៅវេលាម៉ោង ១៨ និង ២៥ នាទី ថ្ងៃទី ៤ ខែមេសា នាយករដ្ឋមន្រ្តី លោក Pham Minh Chinh និងគណៈប្រតិភូជាន់ខ្ពស់វៀតណាមបានមកដល់អាកាសយានដ្ឋានអន្តរជាតិ Wattay ទីក្រុងវៀងច័ន្ទ ប្រទេសឡាវ និងអញ្ជើញចូលរួមក្នុងកិច្ចប្រជុំកំពូល MRC៕
