• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

នាយករដ្ឋមន្ត្រីវៀតណាមលោក Pham Minh Chinh អញ្ជើញទទួលជួបរដ្ឋមន្ត្រីការបរទេសឥណ្ឌូនេស៊ី

នាព្រឹកថ្ងៃទី២៣ ខែមេសា ឆ្នាំ២០២៤ នៅទីក្រុងហាណូយ ក្នុងក្របខ័ណ្ឌនៃវេទិកាអនាគតសមាគមប្រជាជាតិអាស៊ីអាគ្នេយ៍ (អាស៊ាន) នាយករដ្ឋមន្ត្រីលោក Pham Minh Chinh បានអញ្ជើញទទួលជួបរដ្ឋមន្ត្រីការបរទេសឥណ្ឌូនេស៊ីលោកស្រី Retno Marsudi ដែលកំពុងបំពេញទស្សនកិច្ចជាផ្លូវការនៅវៀតណាម។
នាយករដ្ឋមន្ត្រីវៀតណាមលោក Pham Minh Chinh អញ្ជើញទទួលជួបរដ្ឋមន្ត្រីការបរទេសឥណ្ឌូនេស៊ី (រូបថត៖ VNA)

ភាគីទាំងពីរបានឯកភាពគ្នាបន្តជំរុញខ្លាំងកិច្ចសហប្រតិបត្តិការដើម្បីនាំទំនាក់ទំនងភាពជាដៃគូយុទ្ធសាស្ត្រឡើងកំពស់ថ្មីក្នុងពេលឆាប់ៗ; អនុវត្តន៍ប្រកបដោយប្រសិទ្ធភាពនូវយន្តការសហប្រតិបត្តិការទ្វេភាគី កិច្ចព្រមព្រៀងកម្រិតខ្ពស់ និងឯកសារដែលបានចុះហត្ថលេខា ព្រមទាំង រៀបចំសកម្មភាពដ៏មានអត្ថន័យជាច្រើន ដើម្បីអបអរសាទរខួបលើកទី ៧០ នៃទំនាក់ទំនងការទូតឆ្នាំ ២០២៥ (១៩៥៥-២០២៥)។ ភាគីទាំងពីរបានឯកភាពគ្នាខិតខំប្រឹងប្រែងនាំតម្លៃប្រាក់ពាណិជ្ជកម្មទ្វេភាគីសម្រេចឲ្យបាន ១៩ ពាន់លានដុល្លារអាមេរិកនាឆ្នាំ ២០២៨។

លោកស្រីរដ្ឋមន្ត្រី Retno Marsudi បាននិយាយថា ឥណ្ឌូនេស៊ីនឹងសិក្សាហើយបង្កលក្ខណៈងាយស្រួលដល់ផលិតផលកសិកម្ម និងហាឡាលរបស់វៀតណាមចូលទៅកាន់ទីផ្សារឥណ្ឌូនេស៊ី អនុញ្ញាតឱ្យនាំចេញបង្កងយក្សពូជមកវៀតណាម ពង្រឹងកិច្ចសហប្រតិបត្តិការលើវិស័យថ្មីដែលភាគីទាំងពីរមានតម្រូវការ នៅតែមានសក្តានុពលដូចជា៖ សេដ្ឋកិច្ចបៃតង សេដ្ឋកិច្ចវិលជុំ ថាមពលកកើតឡើងវិញ បច្ចេកវិទ្យា semiconductor សេដ្ឋកិច្ចឌីជីថល ផ្លាស់ប្ដូរថាមពល ឧស្សាហកម្មរថយន្តអគ្គិសនី ផលិតអាគុយរថយន្តអគ្គិសនី។ លោកនាយករដ្ឋមន្ត្រី Pham Minh Chinh និងរដ្ឋមន្ត្រីការបរទេសឥណ្ឌូនេស៊ីក៏បានអះអាងពីការពង្រឹងកិច្ចសហប្រតិបត្តិការលើវិស័យសំខាន់ៗផ្សេងទៀតដូចជា ការពារជាតិ សន្តិសុខ កិច្ចសហប្រតិបត្តិការដែនសមុទ្រ; បន្តពង្រឹងការផ្លាស់ប្តូររវាងប្រជាជន និងប្រជាជន ជាពិសេសគឺរវាងយុវជនជំនាន់ក្រោយនៃប្រទេសទាំងពីរ និងជំរុញកិច្ចសហប្រតិបត្តិការទេសចរណ៍។ ប្រទេសទាំងពីរបន្តពង្រឹងមជ្ឈភាពរបស់អាស៊ាន; ពង្រឹងសាមគ្គីភាព និងមជ្ឈភាពរបស់អាស៊ានក្នុងការដោះស្រាយរាល់បញ្ហានៅក្នុងតំបន់ផងដែរ៕

តាម VOV5 - វិទ្យុសំឡេង​វៀតណាម

វៀតណាម-ចិនកសាងព្រំដែនសន្តិភាពនិងមិត្តភាព

វៀតណាម-ចិនកសាងព្រំដែនសន្តិភាពនិងមិត្តភាព

ទំនាក់ទំនងវៀតណាម-ចិន តាមបណ្តោយព្រំដែនគោក ក្នុងរយៈពេលប៉ុន្មានឆ្នាំកន្លងមក ត្រូវបានបន្តពង្រឹងក្នុងទិសដៅសន្តិភាព ស្ថិរភាព និងសហប្រតិបត្តិការ។ ដោយផ្អែកលើមូលដ្ឋាននៃឯកសារច្បាប់ និងយន្តការសហប្រតិបត្តិការជាក់ស្តែង ដូចជាកម្មវិធីជួបប្រាស្រ័យមិត្តភាពការពារជាតិព្រំដែន ប្រទេសទាំងពីរកំពុងបង្កើនការសម្របសម្រួលក្នុងការគ្រប់គ្រង ការពារព្រំដែន លើកកម្ពស់ការអភិវឌ្ឍ និងតភ្ជាប់ប្រជាជននៅតំបន់ព្រំដែន ឆ្ពោះទៅរកគោលដៅអភិវឌ្ឍន៍ប្រកបដោយចីរភាពយូរ អង្វែង។

Top