ព័ត៌មាន
នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc អញ្ជើញទទួលជួបពិភាក្សាជាមួយសេដ្ឋវិទូ លោក Philipp Rosler
នាយករដ្ឋមន្ត្រីរដ្ឋាភិបាលវៀតណាម លោក Nguyen Xuan Phuc អញ្ជើញទទួលជួបពិភាក្សាជាមួយសេដ្ឋវិទូ លោក Philipp Rosler (រូបថតៈ TTXVN)
នៅក្នុងជំនួបជាមួយសេដ្ឋវិទូ លោក Philipp Rosler នាថ្ងៃទី១៣ ខែមីនា ឆ្នាំ២០១៩ នៅទីក្រុងហាណូយ នាយករដ្ឋមន្ត្រីវៀតណាមលោក Nguyen Xuan Phuc បានចែករំលែកនូវព័ត៌មានអំពីស្ថានភាពសេដ្ឋកិច្ចសង្គម របស់ វៀតណាមនាពេលថ្មីៗនេះដូចជា៖ ម៉ាក្រូសេដ្ឋកិច្ចមានការអភិវឌ្ឍល្អ គោលនយោបាយនានាបានបង្កលក្ខណៈងាយស្រួលសម្រាប់ការអភិវឌ្ឍន៍ ផលិតកម្មនិងអាជីវកម្ម។ ទន្ទឹមនឹងនោះបរិយាកាសធុរកិច្ចត្រូវបានកែលម្អយ៉ាងខ្លាំងក្លា ហើយមានវិនិយោគិនកាន់តែច្រើន មកបណ្តាក់ទុន វិនិយោគនៅវៀតណាមផងដែរ។
ដោយបានសង្កត់ធ្ងន់ថា លោក Philipp Rosler ជាអ្នកមានបទពិសោធន៍ជាច្រើន លើវិស័យសេដ្ឋកិច្ចនោះ នាយករដ្ឋមន្ត្រីវៀតណាមលោក Nguyen Xuan Phuc បានស្នើឲ្យលោក បន្តមានការរួមចំណែកយ៉ាងមានប្រសិទ្ធភាពថែមទៀតក្នុងដំណើរការអភិវឌ្ឍន៍សេដ្ឋកិច្ចសង្គមរបស់វៀតណាម ជាពិសេសក្នុងការអភិវឌ្ឍសហគមន៍ពាណិជ្ជ កម្ម។ នាយករដ្ឋមន្ត្រីវៀតណាមលោក Nguyen Xuan Phuc បាននិលើកឡើងថា លោកចាប់អារម្មណ៍យ៉ាងខ្លាំងក្នុងការចាប់ផ្តើមអាជីវកម្ម ដូច្នេះលោកចង់ឱ្យលោក Philipp Rosler ចែករំលែកចែករំលែកជាមួយវៀតណាមក្នុងវិស័យនេះឲ្យបានច្រើន ថែមទៀត។
អញ្ជើញអបអរវៀតណាមដែលបានរៀបចំប្រកបដោយជោគជ័យ កិច្ចប្រជុំកំពូលអាមេរិក - កូរ៉េខាងជើងលើកទី ២ នៅទីក្រុងហាណូយ លោក Philipp Rosler មានប្រសាសន៍ថា បន្ទាប់ពីព្រឹត្តិការណ៍នេះ វៀតណាមបានបង្កើតតួនាទីនិងឋានៈថ្មី ក្នុងផែនទីភូមិសាស្ត្រនយោបាយពិភពលោក។ លោក Philipp Rosler បានវាយតម្លៃខ្ពស់ ចំពោះគោលនយោបាយរបស់រដ្ឋាភិបាលវៀតណាមក្នុងការទ្រទ្រង់យ៉ាងសកម្មដល់វិនិយោគិនអន្តរជាតិ ដែលមកវៀតណាម ដើម្បីអនុវត្តគម្រោងផលិតកម្មនិងពាណិជ្ជកម្ម។
សូមគូសបញ្ជាក់ថា លោក Philipp Rosler គឺជាជនជាតិអាល្លឺម៉ង់ដើមកំណើត វៀត ណាម ដែលលោកធ្លាប់កាន់ដំណែងជាឧបនាយករដ្ឋមន្ត្រីនិងជារដ្ឋមន្ត្រីក្រសួងសេដ្ឋកិច្ចអាល្លឺម៉ង់ផងដែរ៕
តាម VOV5 - វិទ្យុសំឡេងវៀតណាម