បន្តដំណើរបំពេញទស្សនកិច្ចការងារនៅទីក្រុង Da Nang នារសៀលថ្ងៃទី១១ វិច្ឆិកា ប្រធានរដ្ឋសភា លោក Vuong Dinh Hue បានជួបធ្វើការជាមួយគណៈអចិន្ត្រៃយ៍នៃគណៈកម្មាធិការបក្សទីក្រុង Da Nang។

ដោយវាយតំលៃខ្ពស់ និងកោតសរសើរចំពោះលទ្ធផលដែល Da Nang សម្រេចបានក្នុងរយៈពេលកន្លងមក ប្រធានរដ្ឋសភា លោក Vuong Dinh Hue បានមានប្រសាសន៍ថា ទីក្រុង Da Nang គឺជាទីក្រុងមួយក្នុងចំណោមទីក្រុងទាំងប្រាំដំបូងគេចំណុះមជ្ឈឹមដែលត្រូវបានអនុម័តសម្រាប់ការធ្វើផែនការជាមួយនឹងការត្រិះរិះ ទស្សនវិស័យវែងឆ្ងាយ និងលោតផ្លោះ។ ទីក្រុងក៏បង្កើតការជឿទុកចិត្តយ៉ាងខ្លាំងជាមួយសហគមន៍អាជីវកម្ម និងភ្ញៀវទេសចរ។ ថ្នាក់ដឹកនាំ និងប្រជាជនមានស្មារតីទទួលខុសត្រូវ ហ៊ានគិត និងហ៊ានធ្វើ។ ឈរលើមូលដ្ឋាននោះ លោកប្រធានរដ្ឋសភាបានសម្តែងនូវជំនឿថា ទីក្រុងនឹងមានការអភិវឌ្ឍលេចធ្លោនាពេលខាងមុខ បង្កើតកម្លាំងចលករថ្មីសម្រាប់ការអភិវឌ្ឍន៍នាពេលខាងមុខ។

ប្រធានរដ្ឋសភា លោក Vuong Dinh Hue បានស្នើឲ្យទីក្រុង Da Nang ឆាប់មានកម្មវិធីអនុវត្តន៍ផែនការទីក្រុង Da Nang ដំណាក់កាល ២០២១-២០៣០ ជាមួយនឹងចក្ខុវិស័យដល់ឆ្នាំ ២០៥០ ដែលទើបនឹងអនុម័ត។ ជំរុញកំណើនព្រមទាំង ស្វែងរកកម្លាំងចលករកំណើនថ្មី ក្នុងនោះត្រូវពន្លឿនការអនុវត្តគម្រោងកំពង់ផែ Lien Chieu ព្រោះនេះជាកម្លាំងចលករកំណើនថ្មីសម្រាប់ទីក្រុង Da Nang ៕