ABAC ៣ គឺជាព្រឹត្តិការណ៍ដ៏សំខាន់ ប្រកបដោយអត្ថន័យផ្នែកសេដ្ឋកិច្ច និងពាណិជ្ជកម្មសម្រាប់ សហគមន៍ធុរកិច្ចក្នុងតំបន់។ តាមនោះ ទន្ទឹមនឹងការពិភាក្សាលើបញ្ហា សំខាន់ៗជាច្រើន កិច្ចប្រជុំនេះនឹងកសាងរបាយការណ៍អនុសាសន៍របស់សហគ្រាស ដើម្បីដាក់ជូនរដ្ឋមន្ត្រីទទួលបន្ទុកហិរញ្ញវត្ថុ រដ្ឋមន្ត្រីទទួលបន្ទុកពាណិជ្ជកម្ម ទេសា ភិបាលធនាគារ និងរបាយការណ៍ប្រចាំឆ្នាំរបស់ ABAC ដើម្បីដាក់ជូនថ្នាក់ដឹកនាំ APEC។ ក្រៅពីនោះ កិច្ចប្រជុំនេះក៏ត្រៀមរៀបចំខ្លឹមសារសម្រាប់កិច្ចសន្ទនារវាងថ្នាក់ ដឹកនាំ APEC និង ABAC ដែលនឹងប្រព្រឹត្តទៅនៅសប្តាហ៍កិច្ចប្រជុំកំពូល APEC ឆ្នាំ ២០២២ នៅខែវិច្ឆិកា ឆ្នាំ ២០២២ នៅប្រទេសថៃ។
តាមការគ្រោងទុក ប្រធានរដ្ឋវៀតណាមលោក Nguyen Xuan Phuc នឹងអញ្ជើញ ថ្លែងសុន្ទរកថាបើកកិច្ចប្រជុំ។ ABAC ៣ គ្រោងនឹងមានការចូលរួមពីប្រតិភូជិត ២០០ នាក់ (ចូលរួមតាមទម្រង់ អនឡាញ និងដោយផ្ទាល់) រួមទាំងមេដឹកនាំនៃសម្ព័ន្ធក្រុមហ៊ុន សកល អង្គការពន្លឿនពាណិជ្ជកម្ម និងវិនិយោគដ៏មានកិត្យានុភាព និងមានឥទ្ធិពលដ៏ ធំក្នុងតំបន់ផងដែរ៕
