• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ថវិកាចំ​នួន​ជាង ៣២ពាន់លានដុងដែលទទួលបានសម្រាប់ជួយ​ឧបត្ថម្ភជនពិការនិងកុមារកំព្រា

ពិធីរំលឹកខួបលើកទី ៣០ ឆ្នាំនៃការបង្កើតសមាគមន៍គាំពារជនពិការនិងកុមារកំព្រាវៀតណាម (២៥ មេសា ១៩៩២ - ២៥ មេសា ២០២២) បានប្រព្រឹត្តទៅនៅទីក្រុងហាណូយនារសៀលថ្ងៃទី ២៦ ខែមេសា។
  ឧបនាយករដ្ឋមន្ត្រី លោក Vu Duc Dam ថ្លែងមតិក្នុងពិធីរំលឹកខួបលើកទី ៣០ ឆ្នាំនៃការបង្កើតសមាគមន៍គាំពារជនពិការ និងកុមារកំព្រាវៀតណាម។ (រូបថត៖ hanoimoi.com.vn)  

អញ្ជើញថ្លែងមតិនៅទីនេះ ឧបនាយករដ្ឋមន្ត្រី លោក Vu Duc Dam បានថ្លែងអំណរគុណចំពោះថ្នាក់ដឹកនាំច្រើនជំនាន់នៃសមាគមន៍គាំពារជនពិការ និងកុមារកំព្រាវៀតណាម; ក្នុងរយៈពេលប៉ុន្មានឆ្នាំចុងក្រោយនេះ អង្គការ បុគ្គល និងអាជីវកម្មដែលបានបន្តរួមចំណែកក្នុងកិច្ចការថែទាំ និងជួយឧបត្ថម្ភជនពិការនិងកុមារកំព្រា ដោយហេតុនេះជួយមនុស្សរាប់សិបលាននាក់ដែលស្ថិតក្នុងស្ថានភាពលំបាកដើម្បីឈានឡើង ក្លាយជាមនុស្សមានអត្ថប្រយោជន៍។ បើតាមលោកឧបនាយករដ្ឋមន្ត្រី បច្ចុប្បន្ននេះ ក្រៅពីការយកចិត្តទុកដាក់អំពីធនធានសម្ភារៈនោះ ជនពិការនិងកុមារកំព្រា ក៏ត្រូវការយកចិត្តទុកដាក់លើជីវភាពខាងស្មារតីផងដែរ។ ការអនុវត្តកម្មវិធីនិងសកម្មភាពជួយឧបត្ថម្ភដ៏សម្បូរបែប មានភាពបត់បែនជាង ដោយផ្តោតលើការអនុវត្តបច្ចេកវិទ្យាព័ត៌មានទំនើប ដើម្បីជួយសម្រេចបាននូវប្រសិទ្ធភាពយ៉ាងទូលំទូលាយ។ ទាក់ទងនឹងការកៀងគរប្រភពធនធាន សមាគមត្រូវកៀងគរការរួមវិភាគទានរបស់សង្គម ទាំងចំណេះដឹង ពេលវេលា គំនិត និងអារម្មណ៍។

ក្នុងរយៈពេល ៣០ ឆ្នាំនៃការបង្កើតនិងអភិវឌ្ឍន៍ សមាគមន៍គាំពារជនពិការនិងកុមារកំព្រាវៀតណាម និងបណ្តាអង្គការសមាជិក បានជួយឧបត្ថម្ភក្នុងវិស័យជាច្រើនសម្រាប់ជនពិការ និងកុមារកំព្រាចំនួនជាង ២៥,៨ លាននាក់ ដែលមានប្រភពធនធានសរុបចំនួនជាង ៥.៣៨៥ ពាន់លានដុង។

ក្នុងពិធីនោះក៏បានប្រព្រឹត្តិទៅកម្មវិធី "បេះដូងមួយ-ពិភពលោកមួយ"។ តាមរយៈកម្មវិធីនេះ គណៈកម្មាធិ ការរៀបចំចង់បញ្ជូនសារដល់សង្គមទាំងមូលថា៖ មនុស្សគ្រប់គ្នាគួរតែធ្វើរឿងតូចតាច រួមវិភាគទានតូចតាច ដើម្បីបង្កើតក្តីស្រលាញ់ដ៏ធំធេង ជួយជនពិការធ្វើសមាហរណកម្មក្នុងសហគមន៍ ដើម្បីឲ្យគេប្រើប្រាស់បេះដូង និងខួរក្បាល លះបង់ដើម្បីជីវិត។ ក្នុងឱកាសនេះ គណៈកម្មាធិការរៀបចំទទួលបានថវិកាចំនួន ៣២ ពាន់លានដុងពីបុគ្គល អង្គការ និងអង្គភាពអាជីវកម្ម ដើម្បីឧបត្ថម្ភជនពិការ កុមារកំព្រា និងក្រុមងាយរងគ្រោះផ្សេងៗទៀត៕

តាម​ VOV5 - វិទ្យុសម្លេងវៀតណាម

វិស័យទេសចរណ៍អភិវឌ្ឍន៍នៅតាមខេត្ត ក្រុងជាច្រើនក្រោយបុណ្យតេត

វិស័យទេសចរណ៍អភិវឌ្ឍន៍នៅតាមខេត្ត ក្រុងជាច្រើនក្រោយបុណ្យតេត

ក្រោយបុណ្យតេត ភ្ញៀវទេសចរនៅតែមកទស្សនាទីក្រុង Da Lat ក៏ដូចជា ខេត្ត Lam Dong ផងដែរ។ មន្ទីរវប្បធម៌ កីឡា និងទេសចរណ៍ខេត្ត Lam Dong កាលពីថ្ងៃទី ២៧ មករា បានឲ្យដឹងថា ចាប់ពីថ្ងៃទី ២០ ដល់ថ្ងៃទី ២៩ ខែមករា បរិមាណភ្ញៀវសរុបមកទស្សនា និងសម្រាកលំហែកាយនៅខេត្ត Lam Dong ត្រូវបានគេប៉ាន់ប្រមាណមានចំនួន ២៥ មឺនលើកនាក់ កើន ២,៥ ដងបើប្រៀប ធៀបនឹងឱកាសបុណ្យតេត ឆ្នាំ ២០២២។

Top