• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ឌូម៉ាជាតិរុស្ស៊ីតែងតែគាំទ្រការពង្រឹងកិច្ចសហប្រតិបត្តិការរវាងវៀតណាមនិងសហព័ន្ធរុស្ស៊ី

នារសៀលថ្ងៃទី១ ខែធ្នូ ឆ្នាំ២០២១ នៅទីក្រុងម៉ូស្គូ ប្រធានរដ្ឋវៀតណាម លោក Nguyen Xuan Phuc បានអញ្ជើញជួបសន្ទនាជាមួយប្រធានសភាឌូម៉ាជាតិរុស្ស៊ី (សភាជាន់ទាប) លោក Vyacheslav Volodin។
 

លោកប្រធានរដ្ឋ Nguyen Xuan Phuc ជួបសន្ទនាជាមួយប្រធានឌូម៉ាជាតិរុស្ស៊ី Vyacheslav Viktorovich Volodin (រូបថត៖ Thong Nhat/TTXVN)
 
ទិដ្ឋភាពនៃជំនួប (រូបថត៖ Thong Nhat/TTXVN)


អញ្ជើញពិភាក្សាអំពីស្ថានភាពនៃទំនាក់ទំនងទ្វេភាគី ភាគីទាំងពីរបានវាយតម្លៃខ្ពស់ចំពោះលទ្ធផលនៃកិច្ចសហប្រតិបត្តិការលើវិស័យនយោបាយ ការទូត សេដ្ឋកិច្ច អប់រំ វិទ្យាសាស្ត្រ ក៏ដូចជាក្នុងការទប់ស្កាត់ការរាតត្បាតនៃជំងឺកូវីដ-១៩។  ប្រធានរដ្ឋ លោក Nguyen Xuan Phuc ក៏បានវាយតំលៃខ្ពស់ចំពោះកិច្ចសហប្រតិបត្តិការជិតស្និទ្ធរវាងរដ្ឋសភាវៀតណាម និងឌូម៉ាជាតិរុស្ស៊ីនាពេលកន្លងមក រួមទាំងការបង្កើតគណៈកម្មាធិការសហប្រតិបត្តិការអន្តរសភាជាន់ខ្ពស់រវាងរដ្ឋសភាវៀតណាមជាមួយឌូម៉ាជាតិរុស្ស៊ីទៀតផង។ ហើយមានបំណងចង់ឲ្យសភានៃប្រទេសទាំងពីរនឹងលើកកំពស់តួនាទីរបស់គណៈកម្មាធិការក្នុងការពង្រឹងកិច្ចសហប្រតិបត្តិការអន្តរសភានិយាយដោយឡែក និងទំនាក់ទំនងដៃគូយុទ្ធសាស្ត្រលើគ្រប់វិស័យ វៀតណាម - រុស្ស៊ីនិយាយរួម។

រីឯខ្លួនវិញ លោក Vyacheslav Volodin បានអះអាងថា ឌូម៉ាជាតិរុស្ស៊ីតែងតែផ្តោតការយកចិត្តទុកដាក់និងមានបំណងជំរុញកិច្ចសហប្រតិបត្តិការជាមួយរដ្ឋសភាវៀតណាម; សមាជិកឌូម៉ាជាតិរុស្ស៊ី ទោះបីតំណាងឱ្យគណបក្សនយោបាយផ្សេងគ្នាក៏ដោយក៏តែងតែគាំទ្រការពង្រឹងកិច្ចសហប្រតិបត្តិការជាមួយវៀតណាមផងដែរ។ លោកប្រធានឌូម៉ាជាតិរុស្ស៊ីក៏បានឯកភាពជាមួយសំណើរបស់ប្រធានរដ្ឋ លោក Nguyen Xuan Phuc ស្តីពីការពន្លឿនការផ្លាស់ប្តូរបទពិសោធន៍ផ្នែកនីតិប្បញ្ញត្តិ និងការត្រួតពិនិត្យរវាងរដ្ឋសភានៃប្រទេសទាំងពីរ សម្របសម្រួលដើម្បីបញ្ចប់ច្រករបៀងច្បាប់អំណោយផលសម្រាប់កិច្ចសហប្រតិបត្តិការទ្វេភាគី រក្សាកិច្ចសហប្រតិបត្តិការជិតស្និទ្ធរវាងជាតិទាំងពីរនៅតាមយន្តការសភាពហុភាគី ក៏ដូចជាជំរុញកិច្ចសហប្រតិបត្តិការបន្ថែមទៀតរវាងក្រុមសភាមិត្តភាពនៃរដ្ឋសភាទាំងពីរ។

មុននោះ នាព្រឹកថ្ងៃទី១ ខែធ្នូ ប្រធានរដ្ឋវៀតណាម លោក Nguyen Xuan Phuc បានអញ្ជើញដាក់កម្រងផ្កានៅវិមានលោកប្រធានហូជីមិញ និងដាក់កម្រងផ្កានៅវិមានរំលឹកវិញ្ញាណក្ខន្ធយុទ្ធជនអានាមិកនៅទីក្រុងម៉ូស្គូ៕

តាម VOV5 - វិទ្យុសំឡេងវៀតណាម

អគ្គលេខាបក្ស លោក Nguyen Phu Trong អញ្ជើញទទួលជួបជាមួយលេខាគណៈកម្មាធិការបក្សតំបន់ស្វ័យត Guangxi ប្រទេសចិន

អគ្គលេខាបក្ស លោក Nguyen Phu Trong អញ្ជើញទទួលជួបជាមួយលេខាគណៈកម្មាធិការបក្សតំបន់ស្វ័យត Guangxi ប្រទេសចិន

នារសៀលថ្ងៃទី ៣១ មីនា នៅទីស្នាក់ការគណៈកម្មាធិការមជ្ឈិមបក្ស អគ្គលេខាបក្ស លោក Nguyen Phu Trong បានអញ្ជើញទទួលជួបជាមួយលោក Liu Ninh លេខាគណៈកម្មាធិការបក្សនៃតំបន់ស្វយ័ត Guangxi Zhuang ប្រទេសចិនដែលកំពុងបំពេញទស្សនកិច្ចនៅវៀតណាម។

Top