• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ដំណើរទស្សនកិច្ចនៅឥណ្ឌូនេស៊ីរបស់ប្រធានរដ្ឋវៀតណាម លោក Nguyen Xuan Phuc ទទួលបានលទ្ធផលជាក់ស្ដែងនិងគ្រប់ជ្រុងជ្រោយ

នាល្ងាចថ្ងៃទី ២៣ ខែធ្នូ ប្រធានរដ្ឋវៀតណាមលោក Nguyen Xuan Phuc និង គណៈប្រតិភូជាន់ខ្ពស់វៀតណាមបានវិល ត្រឡប់មកទីក្រុងហាណូយវិញបញ្ចប់ប្រកប ដោយជោគជ័យនូវដំណើរទស្សនកិច្ចផ្លូវរដ្ឋនៅប្រទេសឥណ្ឌូនេស៊ី (ថ្ងៃទី ២១ - ២៣ ធ្នូ) តបតាមការអញ្ជើញរបស់ប្រធានាធិបតី លោក Joko Widodo។

ឆ្លើយបទសម្ភាសន៍ជាមួយសារព័ត៌មានអំពីលទ្ធផលនៃដំណើរទស្សនកិច្ចនេះ រដ្ឋមន្ត្រីក្រសួងការបរទេសវៀតណាម លោក Bui Thanh Son បានសង្កត់ធ្ងន់ថា ដំណើរទស្សនកិច្ចនេះគឺជាសញ្ញាសម្គាល់ប្រវត្តិសាស្ត្រថ្មីក្នុងទំនាក់ទំនងភាពជាដៃគូ យុទ្ធសាស្ត្រវៀតណាម - ឥណ្ឌូណេស៊ី ដែលរួមចំណែកបង្កើតកម្លាំងចលករថ្មីដើម្បី ជំរុញកិច្ចសហប្រតិបត្តិការរវាងប្រទេសទាំងពីរលើគ្រប់វិស័យ។

លោកប្រធានរដ្ឋ Nguyen Xuan Phuc និងលោកប្រធានាធិបតី Joko Widodo។ (រូបថត៖ VOV)

បើតាមលោករដ្ឋមន្ត្រី ដំណើរទស្សនកិច្ចនេះ ទទួលបានលទ្ធផលគ្រប់ជ្រុង ជ្រោយនិងជាក់ស្ដែង។ ថ្នាក់ដឹកនាំនៃប្រទេសទាំងពីរសម្រេចបានឯកភាពខ្ពស់ លើទិសដៅពង្រឹងទំនុកចិត្តនយោបាយ ជំរុញកិច្ចសហប្រតិបត្តិការលើគ្រប់វិស័យ និងអនុវត្តន៍ប្រកបដោយប្រសិទ្ធភាពនូវកិច្ចព្រមព្រៀងដែលបានចុះហត្ថលេខា ឆ្ពោះទៅការកសាងកម្មវិធីសកម្មភាពអនុវត្តន៍ទំនាក់ទំនងភាពជាដៃគូយុទ្ធសាស្ត្ររវាងប្រទេសទាំងពីរសម្រាប់ដំណាក់កាល ២០២៤ - ២០២៨។ ក្នុងដំណើរទស្សនកិច្ចនេះ ភាគីទាំងពីរបានចុះហត្ថលេខា និងផ្លាស់ប្តូរកិច្ចព្រមព្រៀងសហប្រតិបត្តិការសំខាន់ៗ ចំនួន៣ ក្នុងវិស័យប្រយុទ្ធប្រឆាំងភេរវកម្ម; សហការប្រយុទ្ធប្រឆាំងនឹងឧក្រិដ្ឋកម្ម ជួញដូរគ្រឿងញៀន; និងកិច្ចសហប្រតិបត្តិការលើវិស័យថាមពល និងធនធានរ៉ែ។ មេដឹកនាំទាំងពីរបានវាយតម្លៃខ្ពស់ចំពោះការដែលប្រទេសទាំងពីរបានបញ្ចប់ការចរចាស្តីពីការកំណត់តំបន់សេដ្ឋកិច្ចផ្តាច់មុខស្របតាមច្បាប់អន្តរជាតិ និងអនុសញ្ញាអង្គការ សហប្រជាជាតិស្តីពីច្បាប់សមុទ្រឆ្នាំ ១៩៨២ (UNCLOS)។
អំពីកិច្ចសហប្រតិបត្តិការសេដ្ឋកិច្ច ពាណិជ្ជកម្ម និងវិនិយោគ ភាគីទាំងពីរបាន អះអាងជំរុញកំណើនពាណិជ្ជកម្មតាមទិសដៅប្រកបដោយតុល្យភាព និងនិរន្តរភាព; ខិតខំប្រឹងប្រែងសម្រេចបានទំហំ ១៥ ពាន់លានដុល្លាអាមេរិក ឬច្រើនជាងនៅឆ្នាំ ២០២៨។ ប្រធានរដ្ឋវៀតណាម លោក Nguyen Xuan Phuc បានស្នើឲ្យឥណ្ឌូនេស៊ី ដករបាំងពាណិជ្ជកម្ម និងវិធានការការពារពាណិជ្ជកម្មចំពោះទំនិញវៀតណាម បើក ទ្វារចំហបន្ថែមទៀតដល់ការនាំចេញរបស់វៀតណាមអាចជ្រៀតចូលទីផ្សារឥណ្ឌូនេស៊ី ហើយសហប្រតិបត្តិការអភិវឌ្ឍន៍ផ្នែកឧស្សាហកម្មហាឡាលឲ្យស្របនឹងវប្បធម៌អ៊ីស្លាម។ ភាគីទាំងពីរបានពិភាក្សាអំពីបញ្ហាក្នុងតំបន់ និងអន្តរជាតិដែលមានការយកចិត្ត ទុកដាក់ដូចគ្នា ក្នុងនោះមានបញ្ហាសមុទ្រខាងកើត ព្រមទាំងឯកភាពលើទិសដៅ សំខាន់ៗ ដើម្បីពង្រឹងការសម្របសម្រួលរវាងប្រទេសទាំងពីរនៅវេទិកាតំបន់និង អន្តរជាតិនានាផងដែរ៕

តាម​ VOV5 - វិទ្យុសម្លេងវៀតណាម

លោកនាយករដ្ឋមន្ត្រី Pham Minh Chinh ចុះត្រួតពិនិត្យការអនុវត្តគម្រោងវិនិយោគសាងសង់ព្រលានយន្តហោះអន្តរជាតិ Long Thanh

លោកនាយករដ្ឋមន្ត្រី Pham Minh Chinh ចុះត្រួតពិនិត្យការអនុវត្តគម្រោងវិនិយោគសាងសង់ព្រលានយន្តហោះអន្តរជាតិ Long Thanh

បន្តកម្មវិធីត្រួតពិនិត្យគម្រោង និងសំណង់សំខាន់ៗថ្នាក់ជាតិ នាព្រឹកថ្ងៃទី ២៩ មករា នាយករដ្ឋមន្ត្រីវៀតណាម លោក Pham Minh Chinh បានអញ្ជើញចុះត្រួតពិនិត្យគម្រោងសាងសង់ព្រលានយន្តហោះអន្តរជាតិ Long Thanh ខេត្ត Dong Nai។ លោកនាយករដ្ឋមន្ត្រីបានសួរសុខទុក្ខ ប្រគល់អំណោយ ហើយជូនពរឆ្នាំថ្មីដល់កម្មាភិបាល និងកម្មករកម្មការនីដែលកំពុងធ្វើការនៅទីនេះ។

Top