ស្វាគមន៍ឆ្នាំថ្មី ២០២៣ ទីក្រុង ដាណាំង នឹងរៀបចំសកម្មភាពវប្បធម៌ និងសិល្បៈ ដ៏ទាក់ទាញជាច្រើន នាំមកជូនប្រជាជន និងភ្ញៀវទេសចរនូវបទពិសោធន៍គួរឱ្យចាប់ អារម្មណ៍។ នៅឧទ្យាន Bien Dong ខ័ណ្ឌ Son Tra ប្រព្រឹត្តទៅការតាំងពិព័រណ៌ស្នាដៃ សិល្បៈ។ ជាពិសេស កម្មវិធីប្រគុំតន្ត្រី Countdown ២០២៣ ដោយមានការចូលរួមពី តារាចម្រៀង និងសិល្បករល្បីៗជាច្រើន នឹងនាំមកនូវបទភ្លេងពិរោះៗ ដើម្បីស្វាគមន៍ ឆ្នាំថ្មី។ សកម្មភាពថ្មីគួរឱ្យកត់សម្គាល់ដែលប្រព្រឹត្តទៅនៅអាកាសយានដ្ឋានអន្តរជាតិ ដាណាំង គឺកម្មវិធីសម្ដែងសិល្បៈប្រពៃណី "វិថីបេតិកភណ្ឌ"។ នេះជាសកម្មភាពសម្តែង សិល្បៈវប្បធម៌ប្រពៃណីដែលបានរៀបចំឡើង ពីរដងក្នុងមួយសប្តាហ៍នៅថ្ងៃព្រហស្បតិ៍ និងថ្ងៃសៅរ៍ ក្នុងគោលបំណងនាំមកនូវពេលវេលាថ្មីថ្មោងនិងការចាប់អារម្មណ៍ជូនអ្នកដំណើរមុនជើងហោះ ហើរនីមួយៗ។លោក Ha Vy នាយករងមន្ទីរវប្បធម៌ និង កីឡាក្រុងដាណាំង បានឲ្យដឹងថា៖ “បច្ចុប្បន្ននេះ ស្ថានភាពជំងឺរាតត្បាតត្រូវបានគ្រប់គ្រងហើយ គ្រប់សកម្មភាព ទាំងអស់កំពុងស្ថិតនៅក្នុងនិន្នាការស្ដារឡើងវិញ ជាពិសេសសកម្មភាពវប្បធម៌ កីឡា និងទេសចរណ៍។ ទីក្រុងមានផែនការរៀបចំកម្មវិធីសិល្បឲ្យកាន់តែមានភាពទាក់ទាញ គួរឲ្យចាប់អារម្មណ៍។ យើងខ្ញុំចង់ធ្វើយ៉ាងណាដើម្បីឲ្យភ្ញៀវទេសចរមកចូលរួមព្រឹត្តិការណ៍នានា អាចមានការតភ្ជាប់ទៅនឹងកន្លែងវប្បធម៍ កន្លែងទេសចរណ៍ និងកេរ្តិ៍ដំណែលសំខាន់ៗនៃទីក្រុង”៕