នេះគឺជាវេទិកាដ៏សំខាន់មួយ ដើម្បីជំរុញដំណោះស្រាយទម្លុះទម្លាយ ដូចជា៖ បច្ចេកវិទ្យាចាប់យកនិងផ្ទុកកាបូន កាត់បន្ថយការបំភាយឧស្ម័នផ្ទះកញ្ចក់ បរិវត្តកម្មបៃតង និងការអភិវឌ្ឍន៍សេដ្ឋកិច្ចវិលជុំ។ កម្មវិធីនេះ រួមបញ្ចូលនូវខ្លឹមសារសំខាន់ៗដូចជា៖ បំពេញគោលនយោបាយច្បាប់ស្តីពី Net Zero; កសាងគំរូបរិវត្តកម្មពណ៌បៃតង សេដ្ឋកិច្ចវិលជុំ កំណើនបៃតង; ដំណោះស្រាយកែលម្អគុណភាពធនធានមនុស្ស Net Zero; បច្ចេកវិទ្យាកាត់បន្ថយការបំភាយឧស្ម័នក្នុងវិស័យ (ដឹកជញ្ជូន កសិកម្ម។ល។); ដំណោះស្រាយសម្រាប់សារពើភ័ណ្ឌនិងវិញ្ញាបនប័ត្រឧស្ម័នផ្ទះកញ្ចក់ ការព្រមានពីហានិភ័យនៃការបំភាយឧស្ម័នផ្ទះកញ្ចក់។ គោលដៅដល់ឆ្នាំ ២០៣០ កម្មវិធីនេះនឹងបង្កើតដំណោះស្រាយទម្លុះទម្លាយលើបច្ចេកវិទ្យាថ្មីៗ នៅក្នុងផ្នែកនិងវិស័យនានា; យន្តការ គោលនយោបាយ ការគ្រប់គ្រង និងដំណោះស្រាយបច្ចេកទេស; លើកកម្ពស់សមត្ថភាពដើម្បីបម្រើគោលដៅកាត់បន្ថយការបំភាយឧស្ម័ន។ តាមនោះ រួមចំណែកដល់គោលដៅ Net Zero ត្រឹមឆ្នាំ ២០៥០ នៅវៀតណាម។
ដើម្បីឲ្យកម្មវិធីវិទ្យាសាស្ត្រនិងបច្ចេកវិទ្យាបម្រើគោលដៅ Net Zero នៅវៀតណាមសម្រាប់តំបន់ដីសណ្ដទន្លេ Cuu Long ថ្នាក់ដឹកនាំក្រសួងវិទ្យាសាស្ត្រ និងបច្ចេកវិទ្យា បានអំពាវនាវដល់គ្រប់ស្ថាប័ន អង្គការ និងអង្គភាពអាជីវកម្មនិងអ្នកវិទ្យាសាស្ត្រ បន្តអមដំណើរ លើកសំណើរកិច្ចការវិទ្យាសាស្ត្រ និងបច្ចេកវិទ្យាសមស្រប បញ្ជាក់ពីផែនទីបង្ហាញផ្លូវ និងធនធាន ដើម្បីអនុវត្តន័លទ្ធផលស្រាវជ្រាវយ៉ាងឆាប់រហ័សនិងប្រកបដោយប្រសិទ្ធិភាព។ នៅក្នុងព្រឹត្តិការណ៍នេះ អ្នកវិទ្យាសាស្ត្រ អ្នកជំនាញ និងសហគ្រាសបានពិភាក្សានិងស្នើដំណោះស្រាយជាក់ស្តែង ដើម្បីអនុវត្តគោលដៅ Net Zero នៅក្នុងតំបន់ដីសណ្ដCuu Longផងដែរ៕
