• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ជំរុញទំនាក់ទំនងវៀតណាម - ចិនឲ្យបន្តការអភិវឌ្ឍប្រកបដោយតម្លាភាពនិងស្ថិរភាព

រដ្ឋមន្ត្រីការបរទេសវៀតណាមលោក Bui Thanh Son (ឆ្វេង) និងរដ្ឋមន្ត្រីការបរទេសចិន លោកវ៉ាងយី (រូបថតៈVOV)
 

ក្នុងជំនួបនេះ រដ្ឋមន្ត្រីការបរទេសទាំងពីររូបបានបញ្ជាក់ពីសារៈសំខាន់នៃទំនាក់ទំនងវៀតណាម - ចិនក្នុងគោលនយោបាយការបរទេសរបស់ប្រទេសនីមួយៗ; ឯកភាពជំរុញការផ្លាស់ប្តូរនិងកិច្ចសហប្រតិបត្តិការរវាងក្រសួង សាខានិងមូលដ្ឋាននៃប្រទេសទាំងពីរ; អនុវត្តន៍កិច្ចសហប្រតិបត្តិការលើការងារបង្ការប្រយុទ្ធប្រឆាំងជំងឺកូវីដ -១៩; នាំកិច្ចសហប្រតិបត្តិការសេដ្ឋកិច្ច - ពាណិជ្ជកម្មនិងការវិនិយោគតាមទិសដៅជាក់ស្តែង តម្លាភាពនិងមានតុល្យភាព; រក្សាការផ្លាស់ប្តូររវាងប្រជាជននិងប្រជាជន   រក្សាការផ្លាស់ប្តូរនិងកិច្ចសហប្រតិបត្តិការនៅលើបណ្តាវេទិកាពហុភាគី ជាពិសេសនៅអង្គការសហប្រជាជាតិ និងក្នុងក្របខ័ណ្ឌនៃសមាគមប្រជាជាតិអាស៊ីអាគ្នេយ៍ (អាស៊ាន); រក្សាសន្តិភាពនិងស្ថិរភាពនៅសមុទ្រខាងកើត ហើយរួមជាមួយបណ្តាប្រទេសអាស៊ានសម្រេចឲ្យបានឆាប់ៗ និងមានប្រសិទ្ធភាព នូវក្រមប្រតិបត្តិសម្រាប់ភាគីនានានៅសមុទ្រខាងកើត (COC) ដោយអនុលោមតាមច្បាប់អន្តរជាតិ ក្នុងនោះមានអនុសញ្ញាអង្គការសហប្រជាជាតិស្តីពីច្បាប់សមុទ្រ(UNCLOS) ១៩៨២។

រដ្ឋមន្រ្តីការបរទេស លោក Bui Thanh Son បានស្នើឲ្យប្រទេសចិន បង្កើតលក្ខខណ្ឌអំណោយផលសម្រាប់ផលិតផលកសិកម្មនិងស្បៀងអាហាររបស់វៀតណាម ដែលនាំចេញទៅចិន ជាពិសេសផ្លែឈើនៅរដូវប្រមូលផលជាដើម។  ទាក់ទិននឹងបញ្ហាសមុទ្រខាងកើត លោក Bui Thanh Son បានស្នើឱ្យភាគីទាំងពីរបន្តអនុវត្តន៍យ៉ាងម៉ឺងម៉ាត់នូវស្មារតីរួមជាន់ខ្ពស់ គោរពច្បាប់អន្តរជាតិ ជាពិសេស UNCLOS ១៩៨២ លើកកម្ពស់តួនាទីនៃបណ្តាយន្តការចរចា ស្វែងរកដំណោះស្រាយជាមូលដ្ឋាននិងយូរអង្វែងសម្រាប់បញ្ហាសមុទ្រខាងកើត។

ចំណែកឯសមាជិកក្រុមប្រឹក្សារដ្ឋនិងជារដ្ឋមន្រ្តីការបរទេសចិន លោក វ៉ាងយី បានបញ្ជាក់ថា ប្រទេសចិនមានបំណងរួមជាមួយប្រទេសវៀតណាម ដើម្បីពង្រឹងការផ្លាស់ប្តូរយុទ្ធសាស្រ្តនិងការជឿទុកចិត្តខាងនយោបាយ ធ្វើឲ្យកាន់តែស៊ីជម្រៅនូវកិច្ចសហប្រតិបត្តិការដើម្បីផលប្រយោជន៍ទៅវិញទៅមក និងជំរុញទំនាក់ទំនងវៀតណាម - ចិន ឲ្យបន្តមានការអភិវឌ្ឍប្រកបដោយតម្លាភាពនិងស្ថិរភាព។  លោកវ៉ាងយីក៏បានសម្តែងនូវការគាំទ្ររបស់ចិនចំពោះវៀតណាម ក្នុងការបង្ការប្រយុទ្ធប្រឆាំងនឹងជំងឺរាតត្បាត ក្នុងនោះមានកិច្ចសហប្រតិបត្តិការក្នុងការផ្គត់ផ្គង់វ៉ាក់សាំងការស្រាវជ្រាវនិងផលិតវ៉ាក់សាំង ហើយចិនត្រៀមជាស្រេចនាំចូលទំនិញរបស់វៀតណាមស្របតាមតម្រូវការទីផ្សារចិនផងដែរ៕

តាម VOV5 - វិទ្យុសំឡេងវៀតណាម

ជំរុញសហប្រតិបត្តិការពាណិជ្ជកម្ម វិនិយោគរវាងវៀតណាម ឡាវ និងកម្ពុជា នៅក្នុងបរិបទសេដ្ឋកិច្ចឌីជីថល

ជំរុញសហប្រតិបត្តិការពាណិជ្ជកម្ម វិនិយោគរវាងវៀតណាម ឡាវ និងកម្ពុជា នៅក្នុងបរិបទសេដ្ឋកិច្ចឌីជីថល

នៅថ្ងៃទី២០ ខែកញ្ញា ឆ្នាំ២០២៣ នៅទីក្រុងហូជីមិញ វិទ្យាស្ថានបណ្ឌិតសភាវិទ្យាសាស្រ្តសង្គមវៀតណាម (VASS) សហប្រតិបត្តិការជាមួយនឹងវិទ្យាស្ថានបណ្ឌិតសភាកម្ពុជា (RAC) រៀបចំសិក្ខាសាលាអន្តរជាតិក្រោមប្រធានបទ៖ “សហប្រតិបត្តិការពាណិជ្ជកម្ម វិនិយោគរវាងវៀតណាម ឡាវ និងកម្ពុជា ក្នុងបរិបទសេដ្ឋកិច្ចឌីជីថល”។ សិក្ខាសាលាទាក់ទាញអ្នកតំណាងជាថ្នាក់ដឹកនៃអ្នកឯកទេស អ្នកវិទ្យាសាស្រ្ត អ្នកគ្រប់គ្រង ស្ថាប័នការទូតជាង១០០នាក់ អញ្ជើញមកចូលរួម។

Top