• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ព័ត៌មាន

ជំរុញកិច្ចសហប្រតិបត្តិការរវាងខេត្ត Nong Bua Lamphu របស់ថៃនិងមូលដ្ឋាននានារបស់វៀតណាម

អភិបាលខេត្ត លោក Suwit Chanworn បាននិយាយថា ខេត្ត Nong Bua Lamphu យកចិត្តទុកដាក់ដល់កិច្ចសហប្រតិបត្តិការជាមួយខេត្ត Quang Tri, Nghe An និងខេត្តភាគកណ្តាលមួយចំនួនរបស់វៀតណាម។
លោកឯកអគ្គរដ្ឋទូត Phan Chi Thanh (ទី៤ពីឆ្វេង) និងតំណាងអាណិកជនវៀតណាមនៅខេត្ត Nong Bua Lamphu។ (រូបថត៖ Huy Tien/VNA)

ក្នុងក្របខ័ណ្ឌនៃដំណើរបំពេញទស្សនកិច្ចការងារនៅតំបន់ភាគឦសាននៃប្រទេសថៃ នាថ្ងៃទី ២៤ ខែកុម្ភៈ ឯកអគ្គរដ្ឋទូតវៀតណាមប្រចាំនៅថៃ លោក Phan Chi Thanh បានជួបធ្វើការជាមួយអភិបាលខេត្ត Nong Bua Lamphu លោក Suwit Chanworn។ ភាគីទាំងពីរបានពិភាក្សាអំពីស្ថានភាពនយោបាយ-កិច្ចការបរទេស; សេដ្ឋកិច្ច ពាណិជ្ជកម្ម និងវិនិយោគរវាងប្រទេសទាំងពីរ ក៏ដូចជាតម្រូវការនៃកិច្ចសហប្រតិបត្តិការរវាងមូលដ្ឋាននៃប្រទេសទាំងពីរនាពេលកន្លងមក និងឆ្ពោះទៅខួបលើកទី ១០ នៃការបង្កើតទំនាក់ទំនងភាពជាដៃគូយុទ្ធសាស្ត្រ (២០១៣-២០២៣)។

លោកឯកអគ្គរដ្ឋទូត Phan Chi Thanh បានស្នើឲ្យរដ្ឋាភិបាលខេត្ត Nong Bua Lamphu រៀបចំក្រុមការងារដើម្បីទៅស្វែងយល់ តភ្ជាប់កិច្ចសហប្រតិបត្តិការជាមួយមូលដ្ឋានដែលមានភាពស្រដៀងគ្នាជាច្រើននៅវៀតណាម ហើយស្រាវជ្រាវពីលទ្ធភាពតភ្ជាប់ជាមួយខេត្តជិតខាងមួយចំនួននៅតំបន់ភូមិភាគឦសានរបស់ថៃដូចជា Udon Thani ដើម្បីឲ្យក្រុមហ៊ុនទេសចរណ៍ក្នុងខេត្ត រៀបចំដំណើរទេសចរណ៍សម្រាប់ប្រជាជនថៃទៅទស្សនាវៀតណាម។ លោកឯកអគ្គរដ្ឋទូតក៏បានស្នើឱ្យរដ្ឋាភិបាលខេត្តបន្តជួយឧបត្ថម្ភ និងបង្កើតលក្ខខណ្ឌអំណោយផលបន្ថែមទៀតសម្រាប់សហគមន៍ជនថៃដើមកំណើតវៀតណាមដែលកំពុងរស់នៅ និងធ្វើការក្នុងខេត្តផងដែរ។

រីឯខ្លួនវិញ អភិបាលខេត្ត លោក Suwit Chanworn បាននិយាយថា ខេត្ត Nong Bua Lamphu យកចិត្តទុកដាក់ដល់កិច្ចសហប្រតិបត្តិការជាមួយខេត្ត Quang Tri, Nghe An និងខេត្តភាគកណ្តាលមួយចំនួនរបស់វៀតណាម។ លោក Suwit Chanworn បានវាយតំលៃខ្ពស់ចំពោះសហគ្រាសវៀតណាមមួយចំនួនដែលកំពុងធ្វើអាជីវកម្មប្រកបដោយជោគជ័យក្នុងខេត្ត ហើយបានរួមចំណែកក្នុងការអភិវឌ្ឍសេដ្ឋកិច្ចសង្គមរបស់ខេត្ត។ ខេត្តជានិច្ចកាលគោរព និងគាំទ្រចំពោះសហគមន៍ជនថៃដើមកំណើតវៀតណាមដែលកំពុងរស់នៅនិងធ្វើការក្នុងតំបន់៕

តាម​ VOV5 - វិទ្យុសម្លេងវៀតណាម

អគ្គលេខាបក្ស លោក តូ ឡឹម បញ្ចប់ដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី ចាប់ផ្តើមដំណើរទស្សនកិច្ចផ្លូវរដ្ឋនៅសាធារណរដ្ឋបេឡារុស្ស

អគ្គលេខាបក្ស លោក តូ ឡឹម បញ្ចប់ដោយជោគជ័យនូវដំណើរទស្សនកិច្ចផ្លូវការនៅសហព័ន្ធរុស្ស៊ី ចាប់ផ្តើមដំណើរទស្សនកិច្ចផ្លូវរដ្ឋនៅសាធារណរដ្ឋបេឡារុស្ស

បន្ទាប់ពីបានបញ្ចប់ដោយជោគជ័យនូវសកម្មភាពក្នុងក្របខ័ណ្ឌនៃដំណើរទស្សនកិច្ចផ្លូវការនៅសហព័ន្ធរុស្ស៊ី និងចូលរួមអបអរសាទរខួបលើកទី ៨០ នៃទិវាជ័យជំនះការពារជាតិដ៏មហិមា ចាប់ពីថ្ងៃទី ៨-១១ ឧសភា រសៀលថ្ងៃទី ១១ ឧសភា (ម៉ោងក្នុងស្រុក) អគ្គលេខាបក្ស លោកតូ ឡឹម និងលោកជំទាវភរិយា រួមជាមួយនឹងគណៈប្រតិភូជាន់ខ្ពស់វៀតណាម បានចាកចេញពីអាកាសយានដ្ឋាន Vnukovo ២ នៃរដ្ឋធានីម៉ូស្គូ សហព័ន្ធរុស្ស៊ី ដោយបំពេញដំណើរទស្សនកិច្ចថ្នាក់រដ្ឋទៅកាន់សាធារណរដ្ឋបេឡារុស តបតាមការអញ្ជើញរបស់ប្រធានាធិបតីនៃសាធារណរដ្ឋបេឡារុស Aleksandr Lukashenko។

Top