ក្នុងឱកាសដែលនាយករដ្ឋមន្រ្តីរដ្ឋាភិបាលវៀតណាមលោក Nguyen Xuan Phuc ដឹកនាំគណៈប្រតិភូជាន់ខ្ពស់អញ្ជើញចូលរួមសន្និសីទជាន់ខ្ពស់ស្ដីពីកិច្ចសហប្រតិបតិ្តការមេគង្គ-ជប៉ុនលើកទី១០និងបំពេញទស្សនកិច្ច នៅជប៉ុនចាប់ពីថ្ងៃ ទី៧ដល់ថ្ងៃទី១០ ខែតុលានោះ ឯកអគ្គរដ្ឋទូតវៀតណាមប្រចាំជប៉ុនលោក Nguyen Quoc Cuong បានឆ្លើយសម្ភាសន៍របស់អ្នកយកព័ត៌មានស្ដីពីការអភិវឌ្ឍនៃយន្តការសហប្រតិបតិ្តការមេគង្គ-ជប៉ុននិងការរួមចំណែករបស់វៀតណាម ចំពោះយន្តការនេះ។
ឯកអគ្គរដ្ឋទូតវៀតណាមប្រចាំជប៉ុនលោក Nguyen Quoc Cuong (រូបថត៖ TTXVN)
ឯកអគ្គរដ្ឋទូត Nguyen Quoc Cuong បានចាត់ទុកថា កិច្ចសហប្រតិបតិ្តការមេគង្គ-ជប៉ុនបានទទួលលទ្ធផលសំខាន់ៗលើវិស័យអាទិភាពទាំង៣នៃយន្តការនេះរួមមានកិច្ចសហប្រតិបតិ្តការផ្នែករឹង កិច្ចសហប្រតិបតិ្តការផ្នែកទន់និងការអភិវឌ្ឍដោយចីរភាព។
ចំពោះតួនាទីនិងការរួមចំណែករបស់វៀតណាម ឯកអគ្គរដ្ឋទូតលោក Nguyen Quoc Cuong បានឲ្យដឹងថា វៀតណាមបានបញ្ជូលក្នុងកិច្ចសហប្រតិបត្តិការមេគង្គ-ជប៉ុននូវកម្មវិធីជាក់ស្ដែងជាច្រើនស្ដីពីបរិស្ថាន ទឹកស្អាត និងការបង្ការប្រឆាំងគ្រោះធម្មជាតិ។ ទន្ទឹមនឹងការប្រើប្រាស់កិច្ចសហប្រតិបតិ្តការមេគង្គ-ជប៉ុនប្រកបដោយប្រសិទ្ធភាព ដើម្បីបម្រើការអភិវឌ្ឍនៃហេដ្ឋារចនាសម្ព័ន្ធនិងការអភិវឌ្ឍដោយចីរភាពនៅក្នុងប្រទេស វៀតណាមក៏ជំរុញការតភ្ជាប់ក្នុងតំបន់និងអនុតំបន់ទន្លេមេគង្គ ព្រមទាំងនាំកិច្ចសហប្រតិបតិ្តការស្ដីពីប្រភពទឹកទន្លេមេគង្គក្លាយទៅជាខ្លឹមសារសំខាន់មួយនៅក្នុងយន្តការមេគង្គ-ជប៉ុននេះ ផងដែរ៕
តាម VOV5 - វិទ្យុសម្លេងវៀតណាម
